هـــــــــــــــــــــــــــــــــــــــــــــــــ ــــــاي
كيف الحـــــــال ؟؟؟
اليوم حبيت اقدم لكم 3 اطباق دفعه وحده <<< من قدكم
سهله ... بسيطه ... و لذيذه
و دامهم 3 ... اجل مانحتاج المقدمه <<< ابركها من ساعه
المحــــــار بصوص جوز الهـــــند :
انا استخدمت 6 حبات محار ( عند شراء المحار انتبهوا لا تاخذوا الحبات المفتوحه او اللي فيها كسر حتى لو بسيط )
بصله + طماطه + نص بة فلفل بارد و كلهم نفرمهم
فلفله حاره صحيحه
ربع كوب كزبره مفرومه ( و ممكن نضيف له شبت )
3 حبات ثو مهروسه مع شوي زنجبيل طازج مفروم
2 ملعقة طعام بودرة حليب جوز الهند
2 ملعقة طعام بهارات سمك جاهزه
نصف كأس مويه
تنظيف بلح البحـــــر جدا متــــــــــعب << يعني ياليت تلصقونه بظهر احد ههههههههههههه
تنظيف بلح البحر : اول ماتجيبونه من المحل لاااااازم على طول تفتحون عليه الكيس على شان يتنفس
بعدها ... تغطسونه بطاسه فيها ماي عادي مدة 20 دقيقه..
بعدها... تشيلون حبات المحار من الطاسه و تجنبونها<<< مو تكبون المويه و فيها المحار كيذا الرمل اللي طلع بيرجع فيها..
تمسكون كل حبه و تفركونها بليفه او فرشاه لتظيفها من اي شوائب
ثم ترجعون تحطونها بمويه بارده مدة 20 دقيقه ... و اخيرا تشيلونها على جنب و تنشفونها
و اخيرا ... تسلقونها بماء حار تقريبا مدة 5 دقائق
الطريقه : في قدر نحمي شوي سمنه و نضع البصل حتى يذبل و نضيف الثوم و الزنجبيل و نقلبهم
نضيف الطماط و الفلفل البارد و الفلفل الحار و نحركهم .. ثم نضع الكزبره و نخليهم يتسبكون
نخلط بودرة جوز الهند مع نصف كأس الماء و نضيفهم للقدر مع بهارات السمك و نترك المزيج
حتى يثقل قليلا <<< طبعا درجة السماكه راجعه لرغبتكم
نضيف المحار و نقلب المزيج ... و نتركه على نار هاديه تقريبا مدة ربع ساعه
و عند التقديم نضع عليه قليل من الحشوه...
البطــــــــــــــــــــــاطس الحــــــــــــــــــــــــــــــــــاره :
سريعه و لذيذه
مافي مقادير معينه ....
عموما ... نقطع البطاطس الى مكعبات و نقليها و نجنبها
ندق ثوم و نفرم شوية كزبره
في قدر نحمي كية قليله جدا من الزيت (( انا استخدمت زبده ))
و نحمر الثوم و الكزبره بس ثواني حتى تطلع ريحتها
نصبها على البطاطس و نضيف ملح و شوي شطه ونعصر عليهم ليمون و نحركهم
و نضعهم في صحن التقديم..
المتـــــــــــــــــــــــــــــــــبل :
2 حبة باذنجان كبيره .. نقطعها نصفين و ندخلها الفرن على وضع الشوايه
بعد ماتستوي ... نتركها تبرد و نقشرها
نضعها في الخلاط مع زبادي + ثوم + طحينيه + مايونيز + عصير ليمون + زيت زيتون + ملح
بعد الخلط ... نتأكد من الطعم و نصبه في صحن التقديم
و نرش عليه زيت زيتون...
و بالــــــــــعافيه....