يارٍيت الكلـ يشارٍكـ

[عشوٍق الوٍد]

بسم الله الرحمن الرحيم
السلام عليكم ورحمة الله وبركاته


قبل ماتقرون الموضوع ودي انبه لعدة نقاط
اول شي
انا ماكتبت هذا الموضوع عشان ازيد من عدد مشاركاتي او عشان تردون علي
انا والله ماكتبته الا من حر مااونس

وثاني شي
تراي شاكتن في صحه مكان الموضوع
لاكن تحاسيسي قالت لي اسدحه هنيا وإن كاني غلطت في الدرب فأقشعوه لمحله الصح
بس اهم شي مايصير القراشيع لاني تعصرت فيه واجد

وثالث شي
اتمنى انكم تعطون الموضوع قليل من وقتكم وكثير من اهتمامكم


وانا بادخل في الموضوع دغري لاني مااعرف اكتب مقدمات
وماادري والله وش ابداه به
لاكن إن شاء الله يوصل لكم اللي اقصده بوضوح

____________

كثير منا او يمكن يكون الكل
ينقهر إذا سمع خبر موت او تضرر طفل أو شاب او اي احد بسبة حادث
وماخلاني اكتب ذا الموضوع الا بسبة حادث صار من فتره بسيطه لاحد من عيلتي
وحلفت ان اول موضوع اكتبه يكون عن الحوادث

ومثل ماانتم عارفين ان السبب الرئيسي فيها السرعه والتفحيط وقطع الاشارات واسباب كثير ممكن ماتخطر على بالي
لاكن اللي ودي افهمه وش يستفيدون ذا اللي يسرعون ويقشعون في خلق ربي إذا عرفو انه بسبب استهتارهم تسببو في وفاة او إعاقه احد
وياكثر ما تسببت الحوادث في تيتيم اطفال وترمل نساء
ومحد يتعظ
موب لازم الواحد يصير حادث له او لاحد اقربائه عشان يعتبر

وعلى قولة مدري منهو إذا فات الفوت ما ينفع الصوت

وكثير من الشباب (صغار السن غالبا) يميلون للتهور في السواقه
ويتعرضون لمواقف هم في غنى عنها
والكثير منهم ويمكن يكون الكل (إلا من رحم ربي) مايربط حزام الامان
مع انه والله له فوائد (ماعرفتها الا من فتره بسيطه) كثيره
واهمها الحمايه

بس ماادري ذا اللي يسرعون ويفحطون ويقطعون اشارات قصدهم يستعرضون مهاراتهم او لمجرد الشعور بالاثاره
؟؟؟


ومن احد المشاكل اللي باطتن تسبدي اذا جاك واحد يكلم في جواله وخاااااااش جو طويل العمر
وكنه يسوق في شارع ابوه
والله انهم يدبلون التسبد
ماادري اذا مسكو الجوال فهو
والا وش سالفتهم

فلازم الواحد يثقف نفسه ويرسخ مبادئ القياده
السياره وسيله من وسائل الانتقال وهي نعمه كبيره لازم نحسن استخدامها

وهذي بعض الصور لحوادث حطيتها عشان العظه والعبره لاأكثر

[img]

[/img]

[img]

[/img]

نسأل الله الهداية لنا ولجميع المسلمين ولمن سلك هذا الطريق

واتمنى من الجميع ان يجعل هذي الصور عبره له ...

وأتمنى ايضا أن اللي ابغاه يوصل وصل لكم

ونسال الله السلامه .... والله يكفينا وياكم شر السرعه


ن س خ و ل ص ق للفايــــدة

تحياتيـ للجميعـ عشوق الود