يالله يا معبود ترحم فهدنا=تكسيه بالرحمه رفيع المقامات
يالله ياللي ما لغيرك سجدنا=ترحم ملكنا يا بديع السموات
يالله تعلم ما لغيرك قصدنا=تجبر مصاب ٍ فيه تجزيه جنات
لا عاده الله يوم علمه وردنا=لا عاده الله يوم فيه الفهد مات
لا عاده الله يوم غالي فقدنا=شيخ ٍ مع الملهوف له دوم وقفات
مات الجسد والروح تبقى سندنا=نرفع بها دايم على المجد رايات
ما ينكر التاريخ حنا شهدنا=والكون كله مايبي حلف واثبات
الكون كله شاف وقفة أسدنا=يوم ٍ نوى الطغيان للدار نيٌات
نذكرك دايم لين نلقى وعدنا=يوم ان مثلك ما توفٌيه كلمات
يالله يا معبود تحفظ بلدنا=من كل شر ومن جميع الملمات
يا خادم البيتين حنا وجدنا=فيك العوض فيك السند للمهمات
ترفع لك البيعه مع القلب يدنا=والشعب لجلك ينكر الروح والذات
كمل مسيرة ما بدا به فهدنا=وحنا معك دايم معك للنهايات
انا لله وإنا له راجعون
العرض الشجري
