اناء ليا وردت هجوسي على ماي = على حياض القلب ورد(ن) شروعي
هاجوس يصدفني بدربي وممشاي = تلوعني كل الهواجيس لوعي
ماهوب من كيفي ولاهوب برضاي = ولا قلت راحن نكسن بالرجوعي
واليا بغيت اخفي على الناس شكواي = كثرت هجوس القلب وقت الهجوعي
وناديت لين الناس سمعو مناداي = وجوني مناعير النشاما فزوعي
قالو علامك قلت ابي منكم الراي = ناس(ن) تجيب الراي من كل نوعي
ارين طويلات على كل قراي = وقلبي براي الناس ماهو قنوعي
قاسيت كل الوقت رجلي ومطاي = ومشيت فالدنياء نزول وطلوعي
قطع الخرايم غاية القلب ومناي = ماني بعند الناس هيس(ن) دنوعي
يابعد مسراحي ويابعد ممساي = وقطعت جو(ن) بالمخافه يروعي
بيني وبين الوقت قول وتحداي = ودرب الشهامه والكرم من طبوعي
ويالعن ابو دنيا(ن) حدتني على اقصاي = من دون بعض الشي حبيت كوعي
دنيا(ن) اتمشيني على غير ممشاي = عنها اتتقى فالشجر والشموعي
قامت تلوى في طريقي تلواي = وعيت تسانعلي بكل السنوعي
واناء على طبعي وهذي سواياي = لو كان حد السيف قص الضلوعي
واناء على رؤوس الطويلات مبداي = نفسي لها العليا وقلبي جزوعي
اخاف من ناس(ن) يقصون ماطاي = مالي على درب الرخامه وقوعي
والله رزق ذيب(ن) مع الصبح عواي = والطير والسرحان مامات جوعي
.@.@.لـــوعــــــــــــــة الهـــــــــاجوس.@.@
العرض العادي
