ادخلو وتفحصو بزارينكم .... هههههه كان الله في عونكم

[ولد المندق]

الأطفال .. أكثر كلمة تحمل معنى البراءة و الجمال في العالم
لكن هذاك كان منذو مبطي..


يعني سن المراهقة قبل كانت من 13 إلى 19 ..

أما الحين سن المراهقة الله يستر من 4 إلى 25 ..(الله يعين الاباء والامهات)

يعني البزر يبي يقعد على طبعه من يوم يبدا يتكلم
ألين يتزوج >> والله مصيبه



المهم .. نبدا في التصنيف البزارين و اللي عنده شي لا يبخل علينا ..






(1) - البزر البريء ( المخفة ) :
هذا في البيت معاك عال العال

لكن تعال شوفه في المدرسة ولا مع أخوانه

المسكين كل يوم يدبغه واحد و يتوطى في بطنه اللي يسوى و اللي ما يسوى

يعاني هذا الصنف من التشوهات المزمنة >>لأنه ما يدافع عن نفسه

و ننصح بإنك تدخله دورة كاراتيه ولا مصارعة ولا أي شي متوفر>> المهم يفك روحه


(2) - البزر العنيد :
هذا النوع راسه ياااااااااااااااابس

و لو قلت له " آآآح حار " بيروح يلمسه عناداً فيك

لكن صدق أو لا تصدق هذا أسهل صنف ممكن تتعامل معاه !!!!؟؟؟

كل ما بغيت منه شي قول العكس

لا تصلي>> على طول صلى

يله حبيبي تشيطن >> على طول يجلس مؤدب

لا تاكل>> اذا خلى لكم شي اشكروا ربكم

يعني زي ماشفتوا راح يسوي العكس

لكن هالبزر يشكل مشكلة لو كان له أخوان في نفس العمر أو قريب منه

لأنه راح يحصل تضارب في فيوزاتهم و بعدها يتحول بزرك الى بزر متبلد المشاعر

و يصير ما يستجيب لك ولا لغيرك ولا لنفسه حتى.. و هاذي مسأله لازم تحلها بنفسك


(3) - البزر المادي $$$ :

هذا واحد ما تقدر تتعامل معاه إلا و إنت عندك شي >>يا حلاو يا علك يا فلوس

و مشكلته ممكن توصل فيه لدرجة ما يروح الحمام ( الله يكرمكم ) إلا و إنت معطيه 5 ريال

و هذا النوع راح يواجه مشاكل داخل المدرسة .. لأنه بيتوقع فلوس و حلاو من المدرسين

و تكبر المشكلة إذا كبر ..

لأنه اذا كبر تبي تكبر طلاباته>>و هذا ماسيؤدي بك لإعلان افلاسك

و الأدهى والامر إذا كان ( فتـّان )

بيسوي لك مشكلة مع الشيبان <<شيبان ضمير تقديره ابوك وامك ومن يلي امرك

حيث انه لو شافك تعاكس بيقول (( بعلم أمي عليك ))

ولا لو سرقت السيارة من الشايب بيقول (( قسم بخلي جدي يكفخك ))

و تصير باستمرار تعطيه و تعطيه

الحل مع مثل هالنمونه

حاول دااااايماً تفقده الوعي عن طريق الضرب المبرح

( يعني نسه حليب امه اللي جابته) عشان ينسى إلي صار بعد ما يرجع له وعيه


(4) - البزر المستقوي :

هذا وخرررررررر عنه


هذا النوع مايتعامل الا مع كفوف و ترفيس يعني بيسوي لك أنواااااع المشاكل في مدرسته

و آخرتها لمن يكبر ما راح يدخل جامعة>>لان هذا النوع معروف مصيره جندي او حارس بالبنك

و المشششكلة لو كان عنده خوات..

لأنه و بإنتهاء مرحلة المراهقه راح تكون اغلب خواته ان لم يكن كلهن يعانين من تشوهات

***************نصيحه**************

لو جاك هذا الولد ارسله العسكرية من يوم تشوف الحالة بدت عنده


(5) - البزر الدلوووووع :

يووووووه ذا مأسااااااة

تلقى كل الناس يسمونه " دلوع ماما "

لدرجة أنه ممكن أمه تخيط ملابسها في ملابسه من كثر ما هو لاصق فيها

لا راحت عرس راح معها .. لو عندها مشوار نشب فيها

هذا يبدا يسبب مشكلة لمن يصير عمره فوق الـ 15 لأن بيطلع شكله غلط و هو قاعد في حضن أمه

و مشكلته .. أسلوبه بالصياح

تلقاه 24 ساعة صياااااااح و إزعاااااااااج و قللللللق على أسباب تافهة


و هذا ينصح إذا لك قريب له غنم انك تسرحه بهن وشف النتااااائج


-6 البزر الفكوك :

هذا عشانه اخترعوا المثل ( البزران ما ينعطون وجه )

يجيك يقولك

=ليه النملة ما تطير ؟

-- لأن ما عندها أجنحة !!

= طيب ليه ؟

-- لأنها مو من الحشرات الطائرة

= طيب ليه ؟

-- لأنها حشرة أرضية

= طيب ليه ؟

-- لاحوووووووووول خلاص انطم

= طيب ليه ؟

--

هذا الحل الوحيد إنك تشتري خيزرانة عشان تدبغه و تصفقه كل مافككه معك>>خله يعرف إن الله حق
اما إذا ماطاوعتك نفسك انك تضربه فاشتر له كتب

و كلما سألك شي قل له : رح اقرا عن الموضوع

و مع الوقت هذا وجهي إذا سألك >>لانه مواطن عربي سعودي ماراح يقرأ


(7) - البزر الداج :
>>هذا يشكل أكبر نسبة من البزران المذكرين في أيامنا هاذي<<

هذا طال عمرك لا تشيل عينك عنه

لأن هذا النووووع حالته مستعصية مالها حل !!( الله لا يبلانا )

لو سرحت عنه دقيقة .. تلقاه فتح الباب و طلع>>ما عنده وقت

هذا النوع لا تشتري له سيارة ليما يصير عمره 35 >يمكن يكون عقل ذاك الوقت

وهذا النوع فلته بالرياضيات و ممكن يشتغل في تصليح الطرق

لأنه يبي يمتر الشوارع تمتير من كثر ما يدوج فيها


-8 البزر الطموح "و العكس":
هذا البزر الطبيعي لمن تساله .. وش تبي تصير ليا كبرت ييقولك : أبي أصير دكتور

كيف تعرف لو كان غير طموح

يرد عليك بأجوبة مثل : ما راح أصير شي بتزوج وحدة شقرا تصرف علي

او بصير حرامي أسرق بنوك

أو بصير مجرم أقتل الناس

هذا النوع ما تقدر تسوي له شي أبداً أبداً

بس لو بغيت تخدم المجتمع روح بلّغ عنه الشرطة عشان يراقبونه من الحين


(9) - البزر الملوسن :

هذا ممكن يسكّت رجّال لو بغى

ملسووووون و ووقح بشكل غير طبيعي

و معظم المرات هذا النوع ينتج في البيت إللي مليان بنات >>لأنه راح يقتبس هالصفة منهم

طبعاً من وقت لوقت حارشه .. عشان تشوف وش تعلم من كلمات جديدة

و لو لقيت وحدة وصخة و مالها داعي عطه بكس و نضمن لك ما عاد يستخدمها

بس نذكرك إنه لو جاء عمه ولا جده و قاله تعال سلّم

لا تستغرب لو قالهم أشياء مثل : (أشتغل عندك انا) ولا (إنت إللي تعال ) ولا حتى ( يا حمار كلمني زين )

يعني وقح وقح وقح ..

هذا النوع له مستقبل سياساي باهر جدا جدا



(10)- أبو رادارات :
هذا العن نوووووووووووع

هذا لا عمرك تتكلم أو تسوي تصرف قدامه

هذا لو قعد مع أحد فـضّح في كل أسرار البيت

خذا النوع ممكن تتطور حالته إلي التجسس

و صدقوني ألعن شي إنها توصل للتجسس على مكالمات أخته مع صديقاتها

لأن هذا يبي يوّلد مشاااااكل مالها نهاية

و يقال إنه سيتعدى هاذي المرحلة بعد سن البلوغ >>لكن إياااااااااك تغفل عن الوضع

لأنه قد يتطور للقافة .. يعني يصير يسأل عن كل شي>>مين ؟ وين ؟ متى ؟ مع من ؟ من قال ؟

و لما يصير عندك ضيف يجي يطب عليكم فجأة >> وش تسوون

هذا النوع له مستقبل باهر كإعلامي او مراسل لقناة إخباريه


(11) - البزر اللزقه :

هذا النوع يستجيب لمؤثرات عديدة

منها : الغترة و الشماغ - العباية - المفتاح - النعال و الجزم(اكرمكم الله)

لأنه مجرد ما يحس إن أحد في البيت بيطلع على طول يلبس نعاله و يركب في السيارة

حتى لو ضيوف و جوا بيطلعون من بيتكم .. لا تستغرب لو راح معاهم

هذا لازم في حالته تشتري باتكس و سلاسل حديد

لأنك بتحتاج تلزقه في كرسي ولا شي

حتى داااااايماً قبل ما تطلع من البيت طالع في رجولك يمكن يكون ناشب عليها

و هذا داااااايماً يكون فيه علامة مميزة مثل دعسة رجول تحوس وجهه..




عاد أنتم ما لكم إلا أنكم تفحصون مبزرتكم وشوفوا عاد هم من أي نوع..بعدين دوروا لهم صرفه..

والله يصبركم ويجبر بمصيبتكم...


منقول للفائده abood :

[عسل الخبر]

يا ولد المندق ما خليت شي ماذكرته ..
عن هالبزارين ألا وصدقت فيه ..
أشكال وألوان .. هم صايرين مثل ** ألوان الطيف **
و كأنهم زئبق ما تعرف تمسكه ..
أن تكلم فضح أمرك وأن لعب عور عيال الحاره ..
الله يهديهم ويصلحهم ..
ويعطيك العافيه على هذا الموضوع الجميل ..
أختك ..
عسل الخبر ..

[ولد المندق]

الف شكر لك اختي عسل الخبر ،،،،،،،،

كلامك جميل جداً
ولن يستمر عطائي الا بتشجيعكم الدئم .....
تحياتي للجميع

[الغــــــــــلا]

6

انا هالنووووووع يكرهني بعيشتي

,
,
,
,
,
-6 البزر الفكوك :

هذا عشانه اخترعوا المثل ( البزران ما ينعطون وجه )

يجيك يقولك

=ليه النملة ما تطير ؟

-- لأن ما عندها أجنحة !!

= طيب ليه ؟

-- لأنها مو من الحشرات الطائرة

= طيب ليه ؟

-- لأنها حشرة أرضية

= طيب ليه ؟

-- لاحوووووووووول خلاص انطم

= طيب ليه ؟

--

هذا الحل الوحيد إنك تشتري خيزرانة عشان تدبغه و تصفقه كل مافككه معك>>خله يعرف إن الله حق
اما إذا ماطاوعتك نفسك انك تضربه فاشتر له كتب

و كلما سألك شي قل له : رح اقرا عن الموضوع

و مع الوقت هذا وجهي إذا سألك >>لانه مواطن عربي سعودي ماراح يقرأ



............................................


وربي انك جبتهم ما خليت ولا نوع هههههههههههههههههههه

يسلمووووووووووووووووووووووو ولد المندق على الموضوع الروووووووووووووعه

[nada]

ولد المندق

برايي الأطفال اكثر كلمة تحمل معاني الجنان و النحاسه

يطلعون قرون الواحد و يشونه على العجين مايلخبطهوووووووووش <<< ماطيقهم ماطيقهم ماطيقهم


انا يوم اني صغيره <<< ايه صدق كنت صغيره ليش تطالعون

كنت مشكل ,, شوي دلوعه ( دلوعة ابوي ,, اما امي ماتعطي الال بالشلوت )

وكنت شوي مستقويه <<< بس على الشغاله

وساعات اصير عنيده

بالنسبه لأختي الصغيره من النوع الغثه اللي يسألك بدل السؤال الف و المسكله لزقه

مهما تشوت فيها و تصارخ ترجع تسألك <<< من جد تطلع ريحة الواحد

و فووووق كل هذا راداااااااااااار <<< كل فضايحنا تطلعها



مشاركة جميله عزيزي ,, ياهلا و مرحبا فيك بقسم الضحك ,, و بانتظار جديدك الأروع

[عشوٍق الوٍد]

تصدق اخوي ولد المذاق على انهم وجع راس

بس هم نكهت الحيااااة صحيح ان بعض الشي تمل منه

بس بيجيـ يوم وتشتاق لهمـ

مهما ارتحت منهم

او اقول ولد المذاق حطهم عند حماتك

يعطيك العاافيه اخوي ولد

عشـ**ـحياتيـ**الـــashoqــود**ـواشواقيـ**ـــوق