السلام عليكم ورحمة الله وبركاته
تذكرت موقف محرج حاب اقوله لكم
الصيف الماضي كنت طالع انا واحد من الشباب مصر نصيف المهم كليوم نطلع ونتونس مره من المرات صحينا من النوم وسولفنا مع بعض وقلتله وين اليوم نسهر قال نبي مكان حلو قلتله تم ركبنا التكسي وطلعنا على شارع الهرم جلسنا ندور نبي مكان حلو قال صاحب التكسي تبون تشوفون شعبان عبد الرحيم قلنا نعم قال المكان هذا راح يغني فيه شعبان قلنا مشكور نزلنا المكان وقلنا للي موجود شعبان راح يجي قال اه دخلنا وجلسنا كانت الساعه 12 مساء وكان فيه مطربين ومطربات المهم انا احتري شعبوله ابي اقول لا رديت السعوديه انا شفت شعبان عبد الرحيم جات الساعه 2 الفجر وخينا ماطلع على المسرح خربت الاخلاق معي وقلت الخويي خلاص انا طالع الشقه قال لي خويي انت من جدك قلتله ايه قال والله انت ورع خلك معي كلمه منه كلمه مني تخاصمنا وطلعت زعلان لحقني خويي وقال انا اسف تكفى خلنا نرد ومسك يدي ويسحبني داخل قال لي ياشيخ بسط راح نصور مع شعبان عبد الرحيم قلتله اقلب وجهك انت وياه من زين وجهه ولا صوته جلس خويي يضحك ويقول انت مجنون قلتله ليش قال طالع قدامك زين وطالع زين الا شعبان قدام وجهه وهو يبحرني قاله خويي نصور معاك قال روح يعم وطلع شعبان والله ولا غنى هذاك اليوم
العرض العادي
