وينــــك ..!؟
"
"
وينـك عن عيـون السهـر.. ليه ماجيـت ؟!
عــوّدت قلبـي ماتفــارق خيالـــي
غايـب وروحـك باقيه داخل البيـت
واحيان تجلس (( يابعدهـم )) قبالـي
لو كنت في حقــك انا فعـلاً اخطيـت
حُبــك ترى في دنيتي راااس مالي !
غـــرّب وخـرّب ..احرق القافيـه بيــت
لأنْــك ملكــت الشاعـــره ياحلالــي !
ماهي سوالف عشـق ( روميو وجوليــت )
ولاهـي مضـارب عبــس ( عنتـر) يلالي
( قيــس ) يتعلـّم من وفا حـُبـك الصيـت
وأكيـد ( ليلى ) تحتـرق من جمالــي
شوف العمر وشلون جابك وهلّيـت
يمكن تحقق من غـلاك احتمالي!
صوتك .. جنونك .. لهفتك ..كلك احيـيــت
حـس الشعـور اللي وطته الليالي
انا على درب الغـلا ماترجـّيــت
الاّ وصالـك يابعــــد كل غالـــي
كـل اللذي ممكـن اسوّيـه سوّيـت
حاول تضحــّي .. ولـعيوني ياغالي
أبي عيونـك تحتضنـي اذا جيــت
ابـي خيالك يختلط في خيالـــي
مابيك تزعــل لو حبيبي تماديــت !
ابيـــك للحــب ( الحبيب المثالي )
وينك عن دروب السهـر .. كنك ابطيت !؟
عــوّدت قلبـي ماتفــارق خيالـــي
العرض الشجري
