قرّبت بوكـي والقلـم جبتـه بحيـن=وبيّحت أنا المكنون شعـر ٍ وقيفـان
مزيـونـة ٍ مامثلـهـا بالمزايـيـن=محبوبـة القلـب وحلاهـا شمعـدان
والله لـو هالقلـب ينشـال بيديـن=لشيل قلبي يمّهـا وارخـص اثمـان
عمّة حلا واشوفهـا شيخـة الزيـن=لو مالها الا عيونهـا ياهـي جنـان
كل الزهر موجود فـي خدهـا ليـن=شفت الزهر موجود من كـل بستـان
تامر على الخفاق والـروح والعيـن=وانا لها شوق وغلا طـول الازمـان
يومي بلاها يوم أشين مـن الشيـن=وان شفتها كنّي علـى نبـع تحنـان
وردة حلاها ما انخلق مثلـه اثنيـن=من حسنها الجوري غدى فيه نقصان
أحبها مـن قلـب نبـض وشراييـن=تكفيني ضحكة ثغرها مثـل الامـزان
حبيبتـي شمـس شرقـت للمحبيـن=قلبي لها بالحيـل عاشـق وهيمـان
أن قلت روعه قالت الروعه : منين؟=بيني أنـا وعيونهـا فـرق ٍ وبـان
لو قلت انا الأشعـار فيهـا دواويـن=ما انصف غلاها ألف مليون ديـوان
أبصم على العشرة فـلا مثلهـا بيـن=كل البني واشهد فلا شافـت اعيـان
أحساس دافي يلامس الجرح ويعيـن=ينسيني جروح الزمن لو هي اطنـان
ينساب في قلبي سلس يطـرد البيـن=اللـي يثـور بداخلـي تقـل بركـان
شوقي لها يـزداد بالحيـل وآميـن=الله يبعدنـا عـن البعـد رحـمـان
حبيبـتـي طالـبـك بالله تمنـيـن=تخيّري مـن كامـل سنينـي مـازان
عهد ٍ علي لاعطيـك كـل ماتريديـن=خوذي حياتي يابعـد عمـر سلطـان
يحـق لـك والله مهـمـا تغلـيـن=يحق لـك يالـول ماسـه ومرجـان
حبيبـتـي بالله تكفـيـن تكفـيـن=قلبي ترى مجـروح ضمّيـه بـردان
ضمّيه يامـا جـاه طعـن بسكاكيـن=ضمّيه مادامه مـن الدمـع غرقـان
ياما شكى نكران من نـاس غاليـن=ياما صدق لعيونهم واسهـر اجفـان
ضمّيه يامـا تـاه يجهـل عناويـن=سعادتـه واسقيـه مـادام عطشـان
ضمّيه ضمّة شـوق بالحيـل وبليـن=ضمّيه وانسيه الشقا لو هـو مـالان
ضمّيه مـن قلـب وغـلا لاترخّيـن=ضمّتك بالله كان لـي قـدر ٍ وشـان
ضمّيه ضمّة عشـق ضمّيـه بعديـن=ضمّيه ضمّة نبض ضمّيـه شريـان
أنتـي لـه الأفـراح جنّـة بساتيـن=لو غبتي عنّه يوم كل الفضـا شـان
قلبي تـراه الـورد ياليـت تسقيـن=قلبي ياورد ٍ فاح في وسـط بستـان
واوعدك مهمـا صـار انـك تظلّيـن=في وسط قلبي صادق الشوق برهـان
وان مر طيفـك أحضنـه لا تخافيـن=ياخوخ متدلي من اطراف الاغصـان
أرخص سنين العمر بالكاش والديـن=واشري سعادة خافقـك ياغـلا حـان
وش هي حياتي دون ضحكك ولا شين=ماكنّها الا مثـل صحـراء وقفـران
حبيبتـي مافيـه غيـرك تمشـيـن=في وسط قلبي يانغم عـذب الاحـان
طالبك باسـم الحـب أنـك تزيديـن=غلاك عندي وابشري بكـل عرفـان
بيّحت شوقـي لـك بيّحتـه بحيـن=بيّحت انا المكنـون شعـر ٍ وقيفـان
العرض الشجري
