بنت الســـــــــــحاب !!

[حمدان]

ماشاب راسي يابو بندر من شوي = إلاّ 00 العيون الناعسه شيّبنّه
يابي ياهن موت يابي يابي !! = عزي لمن برماحهن يطعننِّه
بنت السحاب أصيح باسبابها أي !! = والجرح منها بالضماير أكنِّه
ماللنسا معها معَشَّى أياخْطي = هي السراج وهن فراشٍ تلنِّه !
أنا السبب نصيت حتفي برجلي = ياليت ضول الناس جنّبت عنِّه
جيت المكان وشفت هاله من الضّي = في صورة إنسانٍ تصاغرت سنِّه
فاقد وعي أشّرت له باربع إيدي = زادن يديني كثر ماهن بغنّه
نسيت نفسي كن ماحولنا حي = وسحبت خطواتي وقرّبت منِّه
وهمست له والناس تسعى حوالي = قصدي أجس النبض واشوف عنّه
تمتمت مثل اللي شرق في بعض مي = عقلي يهابه والمشاعر يبنّه
الحاصل اني قلت له بالخفا شي = ولان الحبيب وقام يضحك بسنّه
وقام يتلفت صاحبي في وجل زي = طيرٍ وَحَش يسيء بالناس ظنّه
قال بحذر وبخوف وايديه بيدي = (أهلا ) وحمرات الخجل داعبنّه !
ياقوّة الله كيف رمشه غدا فَي = من يوم سلهم كنّه الموت كنّه !!
عجزت أهلّي به وأنا ميّتٍ حي = وضيّعت فن الهرج من زود فنّه
وبدال ماهَلّي صرخت : إيييه هَيييي هَيييييي !! = وقمت أعكس حْروف الهجا واعرفنّه !
مرّت دقايق حلمنا ياهي شوي !! = وهبّت رياحٍ عاتيه واقلعنّه !!
شد وتركني لَي ياحضّنا لَي ! = قفاّ وصرخات القهر سابقنّه !
مدري هو اللي شد لديار أهل طي = وإلا لنجد دروب صمته خذنّه
أو هو رحل سواح يم ديرة دْبَي = عزّي لمن عكش النواظر بلنّه !