مغرور في حبك وشاعر ومشهـور
لو ماحصل من خير الايـام حاجـه
ابني من افكاري عمارات واقصـور
وانسى زمان الشح وانسى عجاجـه
وازرع دروب العشق واحات وازهور
واصنع من احزان السنين ابتهاجـه
وابدع لحب القلب منهـج ودستـور
واعلمـك طبـع الغـلا وازدواجـه
ياسيّدة قلـبٍ مـن العـام مخطـور
يامحتوى فكـري وغايـة مزاجـه
ان كان مالي في سماء حضرتك دور
ابطى زماني ماضحك لـي حجاجـه
زفي مناديب الغـلا حـب واشعـور
واخذي خفوقي يوم صرتي اعلاجـه
ياويش اسوي والغلا كنّـه السـور
والليل الاسـود مايضـوي سراجـه
عمري بدونك صارت ايامه شهـور
حتى هدوءه صار يشبـه ازعاجـه
والقلب مهما صار ماهوب معـذور
ان ماوصل ويـاك عنـق الزجاجـه
العرض العادي
