السلام عليكم ورحمة الله وبركاته ،
بالأمس كان يوم غير واليوم ومع صباح يوم جديد ،
مات الاحساس ومات روح القصيدة
وعسي مايطلع لي احد يقول اني سارق النصوص
نصوص ما يجور بها قلبي ،
النص الاول با اسم (( يقولون أني سارق))
يقولون اني سارق نص وبيوت سديده = مايدرون ان الحق محفوظ ملحوقه
مسجله والفسخ حافظ حقوق عميده = حسافة علي رجالِ عاشتِ منسوقه
أنا شاعر بحر أملك البحور العديده = اكتب مايجور بالخاطر نص بالخفوقه
المعاني تسيل وبحور فوق هم قصيده = بوح جديد عسي يقولون أبياتِ مسروقه
حسبي الله علي من يهرج هرجِ صعايده = الطائر بشباك الجوارح شباكِ نفوقه
ماهمني شئ لا نص ولا قصيده سعيده = ويالشمري خذها ماهمني تحرم لي وسوقه
النص الثاني با اسم ((خفايا حزينة))
الله من ضيقة بالصــدر مكتـومة = لاجيت أوضح سبايبها تحدتني
ياناس لوني ضحكت النفس مكلومة = ولوني نطقت الصراحة كان دمتني
أكتـم خفايا حـزينة وأكتم همـومة = قلب على الهـم سابح لين شتتني
أكابد الــهـم لــو حسيت بسقومة = ماني مورية ذلي لـو يمـوتني
ياماعلى سقمة صابتني العومة = وياما همومي على النكبات ودتني
والفكر لو هو مشوش حيل ماألومة = مالومها الناس لو قعت وخلتني
الجسم معهم ولابس زينة هـدومة = والفكر شارد بهم معتلي متني
ماهمني مال لا والله ولا سهـومة = ولاقام عندي رصيد بنوك وأغرتني
البرد لو أشتيكة النار مضـرومة = والحر لو هو صلاني ضده أشفتني
والسقم لوصابني بالصبر وعزومة = أعالجة والله من أسقام مدتـني
والموت لوجاني بجهز له هدومة = وأقول حياك من الدنيا ليتك تريحني
النص الثالث با اسم (( معاناتي ))
تذكرت الزمان اللي مضالي وش مضا وش كان = تناهيد الزمن غابت لاشك بحيرتي رده
شكيت الحظ وأم الحظ على وقتن مضا خسران = تضيق بخرمه الأبره وحياتي كلها شده
الا يا لله يا خاق عظيم الشان يا رحمن = تروف بواحدن بانت معانه على خده
على صحراء الظماء حده نصيبه والبخت ضميان = وش اللي مابقى يحصل همومه واصله حده
نصيبه حظه الطايح مكتـوب بمقرن الحجان = يموت اللي صبر مثلي حياته كلها ضده
وحيد وعايش الغربه على حزني تزود أحزان = سنيني كلها قسوة على الشـدة ولا عده
من صغري عايش على الهجران والحرمان = أشوف أن البشر ضدي وأفضل عيشة الوحده
لو كثرت علاقاتي مصالح كلهم عدوان = أخوي اللي وقف جنبي ولا واحد وقـــف قده
النص الرابع صوت وصدي مجارة الشاعر الكبير (( خالد عبدالرحمن )) بقصيدة سارت
واسم النص (( راحـت ))
الشاعر / خالد عبدالرحمن ( مخاوي الليل ) يقول
[ram]http://song4.6rb.com/ksa/abdelrahman/abdelrahman-saarat.ram[/ram]
((راحت))
راحت وآنـا واقـف اراقـب خطاهـا = تمشى تسوق الخطوة بهون وركود
راحـت وظلَـم لـيـل مـنـور سمـاهـا = حتى النجوم اللى بقت ..شى معدود
راحـت وذاب القلـب دمــع وبكـاهـا = واهداب عينى ولعـت جمـر موقـود
راحـت كن مافيـة شخـصً وراهـا = الله وكبـر ياهـوى صـرت مجحـود
راحــت تـبـى دنـيا تلـيق بعطاها = ماكنـى اللـى كـان بالامـس موجـود
راحـــت تكحـلـهـا وزادت عـمـاهـا = عذروبها تسمـع مـن يقـول ويـزود
راحـت وآنـا عيَيـت لامشـى معاهـا = يكفي رفعت النفـس عـن كـل منقـود
راحت مشت راحت وباقـى غلاهـا = تضحك لها عينى ولو كنت مزهود
راحـــت وفي بعدها زادت جفاها = وبنساها وانسى ظلمن عليه شهود
العذر والسموحة اذا كان به اخطاء املائية
محمد العتيبي
اربع نصوص اهـــداء للجميع ...
العرض الشجري
