السلام عليكم
لكم هذه القصه والقصيده لااحد ضحايا الحب
في ليله كنا مسافرين انا وواحد من زملائي مرينا على خوي لنا نبي ننام عنده لين الصباح ونمشي الرجال سوا الواجب وماقصر ويوم جا الليل نبي ننام جلسنا سوالف قبل النوم وطولنا بالسوالف وراعي المحل تعبان ونام وحنا نسولف وشوي غير وصوت النايم ماكنت مقتنع بان الواحد يتكلم وهو نايم حسيت يقول زميلنا شي
سالته يافلان وش تقول الرجال مايكلمنا قربنا نشوف به شي لين اسمع يقول كلمات مافهمناها تحيرت انا وزميلي وكان مو مقتنع بها الشي شوي ويدخل اخوه الصغير سلم وجلس والا وصوت المعزب ارتفع الا وزميلي يناضرني ومتحيرين شوي الا وتبسم الولد قال لاتستغربو عادي ترى اخوي يتكلم وهو نايم ياولد من جدك قال ايه قربنا نسمع لين يسولف وينطق اسم سالناه عن الاسم قال هذي حبيبته متزاعلين مع بعض ويحبها مره
قلت ايه كذا الدعوه وزميلي تجنن كان ناوي يحب تراجع واعتبر قال يلعن ابو الحب اللي يسوي كذا حتى وهو نايم يتكلم معاها شف الحب الحقيقي .
سويت هذه الابيات اللي ارجو تعجبكم
[align=right]عزي لحال اللي يهوجس وهو نيم [/CENTER]
حتى وهو نايم في حلمه تجيله
[align=right]ينطق باسمه ليل وبالجوف تنسيم [/CENTER]
الله يصالح بـــــــين كل الاخله
[align=right]ساره ترى خلك من فراقك اليم [/CENTER]
يرد باسمك ليل وروحه تجله
[align=right]جيناك ياساره مع فيصل اليم [/CENTER]
يشكي لنا حاله ويبــــــينا نحــله
[align=right]كانك تبين الصلح فالفرح بنقيم [/CENTER]
وكانك رفضتي الصلح بندور بدال له
[align=right]فيصل كفاك اليوم شيلته هالضيم [/CENTER]
جرحك ترى غالي وروحك عليله
وسلامت الجميع
ومعلومه بعد ذالك صالحتهم وصرت ادات الصلح بينهم كل مازعل واحد منهم دق علي والله صارو شغلتي فيصل وساره ؟؟
على كل الله يدوم القلوب الصافيه لبعضها والحب الصافي يبقى .
مع اجمل تحيه : الشـــــــــاعر المحبوب
العرض العادي
