الشاعر اللي اشغل الناس في همه=عاش العذاب ايام وهمومه تخاويه
يكتب حروف الشعر من حبر دمه=يشكي حبيب اصبح اليوم ناسيه
كان حلمه يعيش قربه ويمه=كان حلمه يلاقي احدن يراعيه
يروي ضماه من حلا ريق فمه= ويمحي طعونه لا سمع همس طاريه
شخص تمنى بيوم لوهو يضمه=ينسى همومه ويرقد بين اياديه
حلم غدى مع مر الاياام غمه=حلم تعدى واصبح جروح تفنيه
حلم المحبه انتهى بقول كلمه=كلمة (ملل) ضيعت باقي امانيه
مثل اليتيم اللي فقد شوفة امه=من عقبها ياناس منهو يداريه
كم ليلة غنى على رأس قمه=وكم ليلة يسهر وكم ليل يبكيه
الحزن في جوفه تعابير رسمه=والجرح ينزف مالقى من يداويه
والقلب يشكي للشعر زود همه=والشعر يحكي هموم القلب لقاريه
والحب مثل الداب يسقيه سمه=والحلم اصبح من سواليف ماضيه
اخووووووووووكم
ســــ الوفى ــــهم
العرض الشجري
