في هالمساء كل الشوارع تشــابه=كن المـدينة مـوحـشة مابها نـور
سقت الخطاوي .في ظلام الكتابه=وسراج حزني من سبايبك مكسور
يا هالمدينة ؛؛ والزوايا كــآاااااابه=صارت الجهراء هي بعيني النور
ماكنك الا عقـب مجـدك؛؛؛ خرابه !؟=حلمٍ غدا من كـف الايام منـثـور
جيت اجمعه والملمه بس ..مابه=امل يخليني على رضاك مجبور
يقفل على باقي معالمك بابه=والحاجز اعلى والمدينه بلا سور
تجتازها احـلام مثل السحابه=شحت بري ارضٍ بقت عقبها بور
يا هالمدينة والشوارع تشابه=وبيت الرجاء بأخر زواياك مهجور
انا الغريب الي رمى بك ثيابه=احزان قلبي واحتمي بك عن الجور
ماعاد غفرانك.. يكافي ؛ثوابه=جفاك اكثر من دفا قلب مقهور
يبقى رهين بحسرته واحتسابه=يا هالمدينة وش بقى فيك مستور
عاري جنابك .. يوم يسـتر جنابه=منتي بعذرا ولا ملاكٍ من الحور !
يا هالمدينة ...والقلوب اتشابه=فيها رضى نفس وبها الف مغرور
كم واحدٍ عيّــت تشــيله ركابه=من هول ماتحمل محانيه من زور
حب الانا سيطر عليه بشبابه !؟=وشلون لو ياخذ به العمر له دور
لو ذيب نفسه مايكشر بنابه=ماجاع واصبح بالقناعات مشهور
ياهالقصيدة كم حملتي تشابه !!=في هالمسا روضي من الحزن ممطور
تستندي اغصان الامل والربابه=ماتعزف ويبقى بها الصوت مغمور
في هالمساء تناقضات وتشابه=شادي وغنى من الالم وصار مبهور
العرض الشجري
