اعتذر عن اسم العنوان ولكن اترك لكم حريه التعليق على هالحركه او على هالموقف بالاصح وانتم احكموا ولكم كامل الحريه في التعليق ............
هالسالفه صارت لي شخصيا قبل اربع سنوات والله اني ماانساها ماحيت لاني بكيت في نصف الشارع لا شعورينا وقعدت اصيح لمده ثلاث ايام الين ............... راح اقول القصه من اولها
كنت مصادق شخص وكنت انا وياه مثل النفس لدرجه اني كنت انام في بيتهم واكل مع اخوانه كلهم وقت الغداء كاني بين اخواني وفي بيتي
وفي يوم من الايام كنا في الصيف كنت انا في الخبر وصديقي هذا كان في الجنوب وكنت انا مع اخوي وواحد من اخوياي وكانت الساعه 8 ليلا كنا في كورنيش الخبر
ع العموم جاء اخوي اتصال من من ماادري بس شفت اخوي سكت وطفى المسجل سالته وش السالفه وش فيه مارد علي بشيء اللين مسكته وقلت والله ان فلان اللي هو صديقي الروح بالروح صاير فيه شيء قال اخوي ايه قلت وش اللي صاير قال عطاك عمرة ((توفى)) فمامسكت نفسي بكيت وقمت اساله من المتصل قال ماادري بس واحد من اخوياك (كنا نعرف حدود عشرة من جماعه واحده اعيال عم) قال واحد منهم بس والله مااعرف من هو
المشكله ان صديقي مامعه جوال وهو في الجنوب مع ابوه فقلت الخبر صحيح وصلنا البيت وماقدرت ادخل قعدت ابكي عليه في نصف الشارع لا شعوريا والسيارات طايرة من جنبي وماهمني لمده ثلاث ايام وانا لا ليلي ليل ولا نهاري نهار خلااااااااااااااص احس ان الدنيا ملها داعي
وبعد ثلاث ايام دقيت على اخو صديقي موظف في ارامكو وسالته فلان اخوك وش اخبارة قال الحمد لله قلت كم صارلك منه (اتصال) قال حدود اسبوع وبعدها مااعرف عنه شيء الى يومنا هذا
فبكيت لان كلامه هذا يثبت لي انه مات صدق فسالني وقال وش فيك قلت اخوك توفى قبل ثلاث ايام فقال وش تقول وقام يصايح ويبكي ويقول ماجد انت من جدك وانا ابكي قلت هذا اللي وصلني قبل ثلاث ايام وانا الحين مثلك الله يعلم بحالي
ع العموم قال مع السلامه وانا راح اتاكد دق على ناس في الجنوب يصيرون له وسالهم عن اخوه فقالوا حي يرزق مامات فقال ماني مصدقكم الين مااسمع صوته وبالفعل راوحو له للبيت وخلوه يكلم اخوه فاتصل علي(اخو صديقي) وطمني بس حلف بالله انه لو يعرف من اللي طلع هالكذبه انه مايبقى حي ع العموم حاولنا انا واخو صديقي نطلع من المتصل ماقدرنا نعرف رقم من الكبينه .
دارت الايام صديقي عرف بالسالفه وعرف من اللي سواها بعد بس رفض يعلمني من هو ورفض بعد يعلم اخوة من هو من شان مانجيب فيه العيد
صار للسالفه هذه اربع سنوات ومازلت انظر لها بانه اوسخ حركه مرت علي والحين وش رايكم ؟؟!!
طبعا بعـض المزاح او التصرفات تكون سلبيـة وممكن تظر كثيرا ولكن من المفروض تتأكد بما انه اعز صديق عندك وبكل صراحه لو كنت مكانك اروح او اتصل اقدم واجب العزاء بعد التأكد فهذا موت ماهو لعب لكن الحركة غير سليمة اطلاقا ومزح(ثقيل) !
الصراحه اللي سواها شخص ماعنده احساس ابدا
والا ذا شئ ينعمل والموت ماهو لعبه
الله يهديه
واهم شئ ياماجد انك للحين وياخويك او صديقك وانشاء الله دوم
تحياتي
السنوره
فهــ2002ـــودي مشرفنا الغالي على قلبنا
مزح ثقيل وبس هههههههه الا اثقل من الثقيل بعد
وبعدين وشلون اسوي العزاء وانا ماعندي الا رقم اخوك ويوم كلمته تعرف وش سواء ,,, ع العموم الحمد لله ان كل شيء طلع كذب
السنوره
صدقتي اختي السنورة المتميزه دائما
لو كان عنده احساس والله مايسويه وزي ماقلتي الموت مو لعبه