السلام عليكم
يا شباب وبنات وخصوصا طلاب الجامعة قد ايش الحضور والمتابعة مع المحاضر مهمة؟؟؟؟؟؟؟
اكيييد كلكم تعرفو قد ايش اهميتها
هدا مع انو المحاضر انسان ضعيييف ما يسوا ذرة بالنسبة للكون
طيب كيف لو كان المحاضر ملك او ملائكة؟؟؟؟؟؟
اكييييييد حتكون المحاضرة جدا جدا جدا مهمة
المحاضرة هدي يا جماعة هيا صلاة الفجر
وزا امنتو مصدقين انو المحاضرين هما ملائكة فانا اجبلك حاجة مرة تدعم كلامي
قال تعالى (وقرءان الفجر إن قرآن الفجر كان مشهودا)
وكمان قول الرسول صلى الله عليه وسلم (فيما معناه) (لله ملائكة في الليل والنهار يجتمعون في صلاة الفجر ويشهدون للذين يصلون عند رب العالمين)
حتقولولي ايشبو قلب مطوع هدا؟؟؟؟؟؟
يا جماعة الموضوع اكبر من كدا
تخيلو لو الواحد سحب على (غاب عن) المحاضرات ولفترة طويلة اش حيصرلو
في بعض الجامعات حياخد درجة محروم من المادة (dn )
طيب كيف لو كان الواحد محروم عند الله من صلاة الفجر اللي هيا اهم من المحاضرات بتريليونات المرات
يا شباب وبنات بالله شوفولي حل
انا والله قربت اني اخد Dn في صلاة الفجر
مع انو والله انام وانا معير الساعة وانام بدري نسبيا
افيدوني واتمنى من لاعضاء انهم ياخدو الموضوع بجدية واللي يبغا يتبهلل (يستهبل) مو لازم يرد
يلا استناكم
ترا مرة احتاج نصيحتكم
في امان الله
منقووووووووووووول