السلام عليكم ورحمة الله وبركاته
وبعد رشـــة موية .............وضحكة امل معسولة
بأحكي لكم حبايبي .....سالفتن حلوة
هذا في ليلة من الليالي الطويلة ......قمت من على سريري الساعة تقريبا 2 ونص آخر الليل ......قمت ابي أشرب موية ...نزلت من على الدرج ...وتنحت شوي بالصالة أفكر وش ألي نزلني تحت .....وتذكرت ..أبي أشرب موية
الموهم .....لقيت واحد من أخواني ..أخوي فيصل الصغير ......لقيته مولع نور المخزن وجالس يحوس فيه مدري وش يسوي !!!
تجنبت أسأله ...اخاف يقولي مالك دخل ويطيح وجههي ...مني ناقص أخر هالليل اتحطم ..جلست انا بالصالة أشرب عصير واقلب بمجلة على انه ينتهي ....مافيه أمل ...طوول حيل وهو بالمخزن !!!!
ناظرت بالساعة لقيتها 3 وربع الفجر .....وهالسعود باقي يكسر وينغبش بالمخزن!!!!
جيته ...وقلت له ..فصولي..فصفص ..فصفووصي ...وش جالس تسوي ...وش أدور عليه
مالك دخل ....روح انخمد ...وش تبي ...مايكفي الشلوت الي عطيتني اياه امس عشاني أخذت سيارتك وطلعت ....روح انخمد تراها واصلة راس خشمي ....ضف وجهك
فيصل عيوني ....انا ترا ماكنت أقصد ....انت رفعت ضغطي وخليتني اتهور .....وعلى العموم خذ هذي ميدالية مذهبة كنت حاطها بجيب البجامة عشان اعطيك اياها وعصافير الصبح تغرد ....تدري عشان يصير لها طعم
لاحوووووول انت منت منقلع من هنا والا شلون !!!...قمت يتبيرد ...اقول رح مشط شعرك وانت تقول جني مشخمط وجهه بحبر اسود ....رح وشل هالشعر من على عيونك ..أي صبح والي هدية واي خرابيط ...انت ماتترك هالحركات الرومانسية الي غثيتنا فيها !! ....منت منخمد !!!
فيصل حبيبي ...انا راعي حركات رومانسية !!! ...ياخي هذي حركات اتيكيت ....لازم ارضيك مادام اني زعلتك ...وانت لازم ترضى ....يالااااا ارضى وانا اتركك تدعبس مثل الفار الحالك ....قول انا مسامحك وانا انام
انا لله وانا اليه راجعون .....حبك برص أحول وبقرون .....وش هالنشبة هذا.....اخوي سعود...هل تسمع ... ضف وجهك ....شكلك تبيني اخليك تعصب عشان تشوتني مرة ثاني وتلصقني بالجدار ....انا ماني مسامحك الا بشرط واحد
ووش هالشرط عيوني .
لاتقول عيوني لا الفعك بهالمفك من بين عيونك .....وجع انا مني عيونك ...عيوني تقولها لحبيبتك ...انا اخوك ومنغث منك
طيب سوري ....ووش هالشرط يا اخوي المنغث مني
الشرط انك تساعدني أبي أسوي إختراع ...والحين !!
إختراع وش يالمنتهي ...الساعة تبي تنقز لأربعة الفجر !!!
تبي تساعدني والا شلون ....انا اطلب انك تساعدني بهالاختراع ...ابي أسوي سيكل يمشي بكفر واحد بس .....ابي اوديه لمدرس الفنية ....ابي اخذ هالـ 50 درجة وافتك
طيب ووش جمعت من الخردوات الى الحين ....ابي أعرف عشان افكر
قااااااام يسوي فيها دكتور ...اقول بس ...انطم والي أقوله نفذه ....لاتتفلسف .....انت ربط وفك الي اقولك عليه ...انا راسم كل شي ومربط ومثبت ومفكر وكل شي ...بس أبي الجنزير وكم ماصورة دعم
طيب ....وشولون يعني ...ماتبي ميدالية المفاتيح الذهبية .....انا خسران عليها ترا كثير
لا ما ابيها .....اعطيها لخوياك الي راز وجهك فيهم ....بس مقابلهم تتفلسف عليه وتصجهم بقوانينك ...هم هذولا الي متحملينك ....رح وعطي حداهم هالميدالية ...انا غاسل يدي منك
لاحوووووووووول ...ياخي انا اخوك الكبير ...احترمني ..تراك قطعت فيني ...ونتفت ريشي ...ول ول ول
اقووووول لايكثر هرجك ....انت الي جيت تتبيرد ...ملقوف تستاهل ....انثبر هنا ...وفك هالمثلث ..وركب الكفر زين
طيب ابشر ولا يهمك ...كله ولا زعلك انت ووجهك ...اهم شي تكون راضي يا اخر العنقود ...مالت بعد خشة
(( هالولد أقشر وعصبي لاقام يفكر بشي ...انا مدري وش طمرني عنده ...لو انا منخمد مهو ابرك من هالنكبة اخر هالليل ....مايترك اخباله ))
هااااااااااااااااااااااااااااااااه ....كني اسمعك تسرسر وش تقول ....شكلك تحش فيني مع نفسك ...اقول اشتغل وانت ساكت وخلني ادور بهالمخزن الغثيث الي ابيه ...ولاكلمة ...تسمع ولا كلمة تراك حاش خصري بشلوتك ...ولا كلمة ...تراني من جد حاقد عليك
طيب طيب ...خلاص بأنطم
((وجلسنا نفك ونربط ...ونفكر بصمت .....اقوله يركب هذي يقولي لا ...ولابلش ركبها وهو يسوي نفسه مهو شايفني .....واذن الفجر ...وصلى جنبي ....ورجعني ....نفك ونركب الى الساعة 8 ونص الصبح ......بس أشوى كن نفسيته صارت زينه ....وصار ينكت معي ...ويسولف ....ويحكيلي سوالف خوياه الي تقول جراد حوله خخخخخخخ.....وربي لاشفتهم حوله تقول انه متبنيهم ....هم وندز 95 وهو اكس بي بلس ههههههههه ماشاء الله عليه ......الوكاد .....جلسنا نركب ....وخلصنا 8 ونص وشوي ....طلعنا بالحديقة ...ورشينه السيكل ابو كفر بويه ((طلاء )) وبعد ماصار وش زينه ....تبسم لي بسمة هالمنتهي ...بسمة النجاح ههههههههه ...يعنني سوى شي مهم .....سبحان الله ....كنه اخترع طيارة....حضني ....وقام ينقز بالحديقة ويشوت الشجر ...ويكرض ....وربي مجنون هالولد ...منتهي ....اخذ السيكل المعاق الي مدري كيف جاي شكله ....وقام يفحط تقول مهرج ....يقوم ويطيح ...ويطيح ويقوم .....لاحووووووووووووووول ههههههههههههههههه))
هااااه ياسعود ....وش تبي بعد .....قولي انا تحت امرك ....وش تبي ياعنوني
سامحتك يامل البعد ...سامحتك انت وهالشعر الي حايسك ....يالاااا سمحت لك تروح تنخمد
الله الله .....انتبه بس ...انتبه ....مالت عليك ...مافيك خير ادريبك ....بدل ما تحب راسي ...وتجدد البيعة بأني أخوك الكبير ...واني سندك ودعمك
اقول ...اقول انقلع ولا يجيك مفك يمشي مليون ...احمد ربك ماجتك لفعة حاسة خشتك ....يالاااا اهناك خلاص ماصار لك داعي ....ضف وجهك ....يشوت الناس ويكسرهم ويبيهم يحبوه ....قوي عين هو ووجهه
لاحووووووووووووول ...من جد مالك خاتمة ....مثل القطوووو تاكل وتنكر ....تتضحوك بخبث يالمجنون ماعليه ....طبعك ماتخليه ...ماعليه انا اوريك ههههههههههههه
لاحوووووووول ....أخــــــــــــــــوان أخـــــــر زمــــــــــــن
اخوااان اخر زمن والله مبزره
العرض الشجري
