هذه التوقعات التي قرأها من النجوم والكواكب << قل منجم واخلص
المقدمة :
لقد ضربت لكم الرمال ... واستعنت بالجن ... <<< طلع مشعوذ الحيوان .
لكي استطيع ان اقرأ لكم هذه الابراج ...
برج الأسد :
امامك طريق طويل ، حط رجلك على شان توصل بسرعه ،تخفي الكثير عن من هم حولك .. ولك مستقبل وlbc .....
و تحب صيد الضبان بشكل عجيب ، لا تحاول تستظرف دمك تراك غثيث ، واركد .. ترا المراقبين يكرهونك
برج الحوت :
احذر من الزمان .. تراه يبي ينكب عفشك ، سوف يصرف لك شيك من الضمان الأجتماعي بعد بكره !!!!!!!!
انظر للأمام ياحمار كم مرة وانا اقولك ، وخلك خوش ادمي لا أجي وادعس على راسك ، وطع كلام شيبانك
واستح على وجهك ، عيب عليك الحركات الي انت تسويها تراك رجال كبر البغل ... استح !
برج الجدي :
قلل من الأكل تراك تبي تنفجر ، وسدد حساب راعي البوفيه تراه يبي يشتكي عليك ، انتبه !!! هناك شخص يبي يلعن كوثرك ..
وسوف تقبل على عمل يغير حياتك <<< شكله يبي يجيب العيد
وأحذر تراك تقول كلام منت قده ، وراح تطيح براعي مشاكل
يعوفك دنياك ، خلك بالبيت مع اهلك احسن لك ..... وانتبه !!!
برج العقرب :
قلل من طلعات البر ، وخاو ناس ترفع الراس ... وخل عنك السوالف الي مالها داعي ، وترا عليك بلاغ من الشرطة
ٍٍٍٍٍيمكن تنصاد في احد الشوارع من قبل الهيئة... والسبب أنك كنت تغازل... , حط رجلك ولا توقف ... والا راح يحلقون شعرك ،
اقضب القاع وخلك خوش رجال ... والا اجيك واترب بعلمتك !
برج الثور :
ياثور ليش ما تسنع ، والله اخوانك الصغار ارجل منك << قويه خخخخخخ
فكر يالدلخ ثم قرر ... تراك صرت مخفه
واركد خلك ثقيل ورز وجهك ، تراك كشخه بس انت ما تتسبح .. يخرب بيتك انا اشم ريحتك !!.. اقول الله يستر عليك
يخلف الله على اما ً جابتك ... عز الله منت رافع راسها .
برج السرطان :
قلل من شرب الدخان ، تراك رحت فيها ، وعلى فكره فيك مرض السرطان ياهندي !! .. التتن لعب في حسبتك
ترا ما تسوا عليك يالدلخ ... كل شوي صايدك ابوك ومحطك بالعقال ، ولاتصير مهايطي يابزر .. ولا تحفر قبرك بيدك ،
ابعد عن الي في راسك ، ترا والله مو حاصل لك ،
برج الدلو :
عزيزي صاحب هذا البرج ... تحملني قليلا ً
آااااااااااااااخخخخخخ تفوووووووووو على هالخلقه الخايسه ... !!!! <<< وش السالفة ؟
مالت عليك .. بالذمه هذا وجه تبي تعيد فيه؟ ... وعلى فكره تراك ماخذ مقلب في نفسك
وتنظر الى الناس بكبر .. على وشو يالتيس ، خلك متواضع ... ومو زين الغطرسه ...
لا أجيك واغطس راسك في البالوعه ...انت منحوس ، ولعين ، ومكروه ... الله يستر عليك .
برج العذراء :
سيدتي ... حاولي ان لا تكثرين من وضع المساحيق على خشتك ، وجهك تقشر من كثر المكياج
وراس امي وابوي انتي سحت ما تنبلعين ، غصب تصيرين حلوة ؟!!
ذبحتي اهلك من كثر الطلبات حرام عليك كذا ..
سوف يخطبك رجلا ً من برج الحمل .. شوفي شخصيته في البرج اللي تحت .. وافقي عليه على طول
برج الحمل :
بلا في شكلك بلا ، الي يشوفك يقول في الشهر التاسع على هالبطن ، يخرب عقلك وش ماكل انت !!!
لا تندفع كثيرا ً .. تراك ماتقدر تمسك بريك ، على هالزول تقول أسطوانة غاز خخخخخخخ
في راسك فتاة معينه تبي تخطبها ... بس بعيده عن شواربك .. بالأول توظف وبعدين فكر في الزواج
برج الميزان :
يابو الشباب ... انت مابك طب مرة ... ما تنفع بسبع المذاهب
واهلك غاسلين ايدينهم منك من زمان .. يا خي تحرك , سنع نفسك .. ترى محد نافعك
وخلك كريم ، واعزم الناس يالبخيل ... بسك تحويش من الدراهم ... ترا منت ماخذ منها شي لامت
واهتم في مستقبلك ... مالت على هالمستقبل يالضايع يالداشر .
برج الجوزاء :
انت سالفتك سالفة .. وراعي طويله ... مسوي نفسك فاهم ...على وشو؟ .. من كثر الشهادات الي عندك ؟
الله يرجك ... نصيحه اترك المدرسه ... تراك من جنب ابوها في الدراسه
انا قول والله منت فالح باي شي ... افضل لك انك تقابل الحراج وتصير شريطي ابرك لك
او انك تبسط في سوق الصفاة وتبيع غنم اشرف لك ! .
برج القوس :
لايمكن الوصول الى هذه الصفحه
وتقبلوا تحياتي
.. التتن لعب في حسبتك 
العرض العادي
