بسم الله الرحمن الرحيم
مساكم الله بالخاااااااار جميعاَ
خذو هالقصه
موضوعنا هو ....(ايه نسيت ترا انا اتكلم لغه عربيه فصحى ) عربيه = سياره بالمصري
للاضاحه فقط ........
في يوم من الايام الجميله المغبره المليئه بالعج كنتو اتمشى انا وواحد من
اصدزائي
المهم وكنا نمشي نمشي نمشي الين تعبت (قل قسم)
المهم واذا بي ارى تللك الحديقه الجميله وكانت للعوائل فقط ولكن دخلناه
(وشلون ما ادري )
وكنت ميت من العطش وكدت اشرب مويه صحه من احد البزران اللذين كانو
يراكضون وامهاتهم يلاحقونهم ولكن قلت في قراره نفسي (لا لا وشذا الابداع
يامتمرخ الفقر ,عز الله بيطلع سعرك اغلى من الفيفادول)
وقلت لخويي خلنا نجلس لا اتوطى في بطن اللي جمبك (عشان هو قوي واللي
جمبه كان شكله زلابه)
هههههههههههههههههههههههههههههه
ههههههههههههه
وحينئذ جلسنا واذا انا اسمع ذلك النداء من استعلامات الحديقه وفز قلبي الحنون
العطوف واسمع ذيك الكلمات المؤثره فيني وكانت تلك الكلمات كما يلي (مع بعض التحريف) :-
طون طين طون تعلن اداره الحديقه عن وجود طفل ضائع ومن يوم ضاع وهو غشي من الصياح واوصافه هي :
وجه مدور وشعره اشقر (انا في البدايه قلت ذا لبناني )
ولابس كنادره مقلوبات
وكل شوي يرفع سرواله ,
وكمه الايمن يابس من كثر مايمسح خشمه فيه ,
وخشمه متجرح من كنثر المناشق
وكلامه نصه مشاهق
وفي يده خمسه ريال متعرفطه الين قالت بس ...
وسوف ناخذ الخمسه ريال منه مقابل اتعابنا عليه ولاننسى ترا اذا ما جيتوا
تاخذونه قبل ماينتهي الدوام سوف نقفل عليه المكتب واذا جاء بكره اعلنا عليه
ثانيه (وش دعوه شايفينه كرتون سنيكر)
المهم واقوم بأنسانيتى المعهوده وانقز (ابد الفصحى في مخباتي) ونقزت
للاداره وقلت وين البزر قالو انه انحاش وقلت انا بصوت عرين الاسد
وشلون
كيف
ياعالم
ياناس
وش الكلام الفاضي هذا وقالو تبي الكلام اللي يجمد
على الشنب .قلت ايه قالو ان حنا صرفناه ,ورديت بدهشه
وقلت ليش؟
قالو بصراحه اشغلنا من اليوم وهو مزّرق علينا غشي من الصياح ....وقلت لهم
طيب وشلون صرفتوه ..قالو له يالله بابا بنلعب حبشه والدلخ ماصدق خبر مغط
والى ساعك ما شفناه
..وبعد ذلك عبس وجهي وقفلت معي وطلعت زعلان وخبطت الباب والا اصبع
المدير صايرن ازرق وصرخ صرخه تروع كنه سامي جايب هدف واخوه المعلق
المهم يوم صرخ انا حسيت انه بيصفقني ولكن صرفتها ببراءه الاطفال وقلت له
يرحمك الله (على بالي انه عاطس)
وطلعت من عندهم ابحث عن هذا الطفل الخائف الجريح المرتاع ولكن
وجدت نفس الاوصاف التي ذكرت ولكن هناك طفل ثوبه وصخن
..لقيته ماسك له كيسة بطاطس الله لا يوريكم انا في البدايه بغيت افك بينهم
احسبها مضاربه ولكن اكتشفت انه يأكل ببراءه الاطفال
(ايه هين) ويوم ناضرت والا الولد شعره اشقر ولكن بعد تدقيق وتمحيص (ياهوه
والله مبدع .بس ترا انا احسب تمحيص :مؤنث حمص )
المهم بعد تدقيق وتمحيص اكتشفت انه مهوب اشقر ولا هوب لمها صار الولد لاعب
في التراب الين قال امين وشعره اشهب ...
اقتربت منه وقلت له وش اسمك ياشاطر ,قال انا ماخذ الثاني على الفصل ووو ..
(المسكين يوم قلت له شاطر صدق) المهم قلت له وش اسمك ياشاطر قال لي :
اتحداك تعرف( مسوي ملكع ابو الشباب.......)
وقلت له طيب تدل وين بيتكم قال ايه , انا قلت خلاص انحلت ..وقلت طيب وين
قال جمب مسجد (على باله حلها ذا البزر)
وقلت له طيب وش اسم العائله قال لا انا اصلا ماعندي كمبيوتر العائله انا عندي
بلاي ستيشن (يا ليل الليل اللهم صبرك ياروح )وبداء وجهي يتجهم غضبا وهو
بداء يبرطم
وهكذا صاح (عاد وش يفكك منه)وانا انحرجت من الناس اللي يناضرون
وبداء وجهي يتقلب الوان وكأنني ورل(ورل=نوع من انواع السحالي المتواجده
بكثره في نهر الامازون) المهم قلت خلاص ياشاطر انا امزح وقال انا احمد ويوم
بغيت اموت من خفه الدم الزايده ..
المهم قمتوا بمعط يده وبدات ادور به ادور اهله واذا بي القى تلك المراه التي
بدرت عليه ملامح احد العجز الذين لا يعلمون ماهي الطبخه ..المهم انا شفتها
تتلفت لها ساعه وقلت اكيد ان هذي التفاتة الام الحنون وتقدمت اليها بخطوات
واثقه وعندما اقتربت تغطت وقالت وخزياه < مع ملاحظه انها غمزتلي >
نعم , خير ...
وتبسمت ابتسامه المنتصر وقلت لها ياخاله ذا مهوب بزركم
قالت لا ..
انا صراحه دارت بي الدنيا ..
وقلت طيب انتي من اليوم وانتي تلفتين ليش ؟
قالت ايه والله ياوليدي ادور بكلتي (البكله = شيء يربط به الشعر مشابه لكره
البولينغ)
المهم قلت لها حصل خير ...
وذهبت مبتعدا محتار
والتفت علي البزر وقال لي بكل شموخ : ورا ما تروقنا .,,,
والتفت عليه وكدت انا اسدد اليه خطافيه من خطافيات سنوكا ..
ولكن تماسكت وقلت له وش تبي انت الحين
قال :تشوف ام بكله اللي قبل شوي
قلت له ايه
قال هذي امي ,
قلت انا : هه (ضمير تعجبي) ,
وشلون ؟
وقعد يمصع لي من هالحلوف الين قال بس ولكن بعد استجواب دام ساعه وثلاث
ايام اكتشفت انه قاّز سيكل مقاس عشرين وفاكا معه (قاز = يشاهد بعمق او هو
شيء يطبخون به الاكل ...فاكا = اي انه العشق من اول نضره وفي روايه ان
الحب دخل تسبده )
وقلت له الحين تبي تروح مع ذولي عشان عندهم سيكل بس , واهلك ماتبيهم .؟!!
وكأنني قمت بصفعه برجلي اليسرى مع حنتسه (الحنتس =مقدمه الدقن)
وبداء يتذكر اهله وغشي من الصياح مرة اخرى وقمت بأخذ كميه من الثيل
(الزرع) ودسه في فمه لكي ارتاح من صياحه وكملت المسير وفجاءه اذا بتلك
المراه التي وقفت امامي كانها الدعيع بيرد بلنتي , وكان في فمها علك وبدت
وكانها لم تكن تاكل علك بدت وكانها تتهاوش مع ذلك العلك وتقوم بجدعه يمنتن
ويسرتن حتى داخ العلك وبمعنى اوضح كانت هي والعلك اشبه بمصارعه بين
هوق هوقن وتوني قريا
وكانت هذي بمثابه لغه التوديع لدى الاطفال
..المهم فتحت يداه وذهب الطفل يركض الى احضان امه وكانه علي يزيد اذا دخل
هدف وبداء يصفق بيديه ولكن لم تنتهي تلك القصه عندهذا الحد , بعد ما جغفته
(اي قامت بتقبيله) نضرت الي تلك النضره
وقالت لي :وراك ماخذن الولد الله ياكافي ..
وبعد القيل والقال تفاهمنا واخذت قيمه البطاطس والببسي اللي باشرت عليه
فيها وعندما شارفت على الرحيل قام ذلك البزر العله بفلقي بحصاه كانت بجانبه
شكريااا للجميع...
منقوووول
تقبلووو تحـــياتي الشــــاطر
العرض العادي
