نويـت ابحـر بهالعـالـم بمـركـب اسـمـه النسـيـان
. . . . دام الـلــي ابـــي قـربــه تجاهـلـنـي وتـنـاسـانـي
حسبـت انـه لـي الهايـم يكـون الدنـيـا والاوطــان
. . . . حسبـتـه يتـبـع مـــرادي يـبــدد لـوعــة ازمـانــي
احـس بكلمتـه مغـزى احـس ان الـهـوى نـشـوان
. . . . انــا مــدري فهمـتـه صــح او اجـهــل بـخـلانـي
تبعتـه مـدري مــن حـقـي او انــي انــا الغلـطـان
. . . . او انـي تبعـت القـلـب ضحكـلـي قـلـت يهـوانـي
انـا عاشـق بـلا معشـوق انـا بـحـر ٍ بــلا شـطـان
. . . . انـا الماضـي اناالحاضـر انـا لـه قـاصـي ٍ دانــي
انا الضحكه انـا فرحـه انـا الدمعـه انـا الاشجـان
. . . . انا الضعـف وانـا القـوة اصاحـب منهـو عادانـي
انا اللـي مـا كتـب كلمـه وانـا اللـي جنـن القيفـان
. . . . انـا شخـصٍ بـلا عنـوان وانـا معـروف عنـوانـي
انا اللي ما شجى لحظه وطيري شاجـي الألحـان
. . . . انـا اللـي مـا همـل دمعـه ودمـعـي دوم بأعيـانـي
انـا اللـي بالحقـد مـارد انـا اللـي بطيبـتـه انـسـان
. . . . انا اللي يكتـم احزانـه وانـا اللـي باحـت احزانـي
انا اللي واضح ٍ دايم وانا اللـي غامـض ٍ مـا بـان
. . . . انا اللي يكـره الرومنـس انـا اللـي شـاع تحنانـي
انا اللي ما عشق لحظه وانـا عاشـق وانـا ولهـان
. . . . انـا اللـي يكـره العشـاق وانـا اللـي دوم ولهـانـي
انا اللي حظي واقف لي وهو ما يوم حظـي زان
. . . . انا اللي مرهف الاحساس انا اللي الحس به فاني
انا اللي عاش وجدانـه وانـا اللـي ميـت الوجـدان
. . . . انـا مـن عـذب العالـم وانــا الـلـي مـحـد يبغـانـي
انـا اللـي بالضعـف بلبـل وبالقـوه كمـا الحـوران
. . . . انـا اللـي كنـه الغيمـه وانـا الـلـي تـثـور نيـرانـي
انـا اللـي مشتهـر جهلـه وعقـلـه يــوزن البـلـدان
. . . . انا اللي سهل تهزمني وانـا اللـي صعـب تقوانـي
انـا اللـي لا حكـى كلمـه تزهـر نبـتـت الريـحـان
. . . . انـا اللـي كلمتـه تشبـه حمـم مـن جـوف بركانـي
انـا المـوج وانـا الغبـه انـا المركـب انــا الـربـان
. . . . انــا ربــان مـــا ابـحــر ومـركــب دون ربـانــي
انا المقتول فـي عجـزه وانـا اللـي جامـع الشتـان
. . . . انا اللي يخـاف مـن عـاذل وانـا العـذال تخشانـي
انـا دمعـه بعيـن الشيـخ انـا بسمـه علـى الغلـمـان
. . . . انـا اللـي عافـه العالـم وانـا اللـي الكـون نـادانـي
انـا اللـي فاهـم الدنيـا وانـا اللـي يجهـل الازمـان
. . . . انـا اللـي عايـش براحـه وانـا الـلـي دوم تعبـانـي
انا اللي ما هتف قلبه وانا اللي حب غصـن البـان
. . . . انا اللي ما عرف قدره وانا اللـي عـارف ٍ شانـي
انا الشوق وانا المشتاق انا الرابـح وانـا خسـران
. . . . انا اللي عايش بوحده وانـا اللـي حولـي اعوانـي
انـا الجـرح وانـا البلسـم انـا النـار وانـا الغـدران
. . . . انـا اللـي جفـت بحـوره وانـا اللـي دوم رويـانـي
انـا اللـي يـزرع النرجـس والجـوري بهالبستـان
. . . . وانـا اللـي ازرع الاوهـام ورود بوسـط بستـانـي
انـا الواضـح او الغامـض انـا منهـو اكــون الآن
. . . . انـا الـلـي يـرعـا احـلامـه او الأحــلام ترعـانـي
. . . . . . . .
وسلامتكم .. االواضــح الغــامــض
العرض العادي
