مخاوي الليالي يعود بعد غيبة بمشاركة قوووويه((للقصماااااان فقط))ههههههه

[مخاوي الليالي]

السلام عليكم ورحمه الله

هلا والله بكل اعضاء هالمنتدى الراااائع000من زماااااان عنكم والله لكم وحشه كبيرررره000اللي يذكرني اقول له ياهلا ومسهلا واللي مايذكرني اقول له انا عضو انقطعت من اشهر بسبب ظروف الدراسه وكنت عضو حبوووب((واضح اني مغرووور))ههههههههههه000واسست فرقة يأكلك حبة حبة بالمنتدى وكانت بالفعل قروب مره روعه00اترككم مع مشاركتي الاولى بعد الرجعه من الغيااااب00
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ

حليوه : وينك بوه مخاوي؟!! غصون الشوق أنسدحت من شوقي عليك ..عافت جميع الخلق وتبيك أنت .

مخاوي: تذكرتس وطارت بوهتي معس وصبت مني دمعتي ذكرتس يا حليوه وذكرت أيامنا الحلوه في الديره

حليوة: على كف الغلا شلتك ووزيتك وسط عيني .. أدري خاطرك يا مخاوي وأمشخ خواطر ناس طايره بوهتها معي

مخاوي: أحبس وأحب أسمس وأحب حتى حروف أسمس وأحس بشي يربطنا هقوتي انه دفى قلبس

حليوه:وعد يا مخاوي !!!؟ أبتسي كل ماجاء طاريك لين البتسي يصير مع الحزه عاده ,مابتسي على وقت بوه راح كنت أنا وأياك ,أبتسي على كل حزه قضيتها وأنت منتاب معي

مخاوي: أمنتس الله لايطول غيابس ..وش تنفع الدنيا وأنتي منتيب بوه .. يمكن بعدي عنس مايسبب عذابس ,لكن عذابي ياحليوه ان بوهتس تطير واجد مع غيري.. أحبس

حليوه:مات الحتسي وأستحيت من حتسيك وعجزت أحتسي عن دبجتي على خشتي منك والبوهه ماطارت مع غيرك مير هقوتي أنك نسيتني

مخاوي : من يقول اني بنسيانس نويت .. وأن نسيت يذكرني التعب..بس مستحيل أنساس لو حتى قويت .. وإن قويت أنساتس نسيانس صعب .. في دقائق وأنا بعيد عنس يا ما بتسيت ..ياما لعيونس أم الغمص تجاهلت العجب .. كنت أدور فيس عيب بس هقوتي مالقيت بوه عيب فيس .. وإن لقيت تطير بوهتي معه ويجوزلي بقوه

حليوه : مخاوي يا بعدي ودي أعترف !!!
يوم هجيت عني صارت حياتي تختلف واجد عن أول صرت ضايعه ووحيده لو يشوفني الكافر رحمني ,أبتسي وأصيح باأعلى أسمك وتطقني أم الركب , في كل حجره في بيتنا أتخيلك ,وحتى لو بعدت وهجيت عني بقول ميد عمري انك بتجي باتسر ,,انا برتكز عند باب حوشنا أحتريك .. وأزهبلك القهوه والقدوع .. وبوزي زبيرياتك عشان ماتنحاش عني

مخاوي :أبذبحس ! حب وفصفص وغرام
وأبحرقس شوق وعذوق وملام
وبدفنس في وسط قلبي يا حليوه وهذا أخر كلامي لس
أحبس موووت حليوه

حليوه : أشياء واجده يا مخاوي ماتخليني أنساك أعيشها في كل عايره في بيتنا ,لك ذكريات ناشبه في راسي عيت تروح .. لو تهيضت جروحي عليك ومالقيتك اتذكر حسك وضحكتك وكلمة هلا ومسهلا فيس ياحلوتي الطخمه ,حتى دريشه يا عبيد الي تقزني واقزك منها الحين تبتسي من غيابك

مخاوي :لس يا حليوه غلا مهوب مثل باقي الناس .. تسوين نجد ومن وطى ترابها ,ترى غلاس مالقينا له مقدار أكبر من الدنيا وأعلى من سماها ,ليت بيتس جنب بيتي والساس بالساس ونرتاح من طول الأيام والليالي وغثاها ..

حليوه : أستحت وتناظر حدر وطارت بوهتها

مخاوي : حليوه ياأمي ليتنا نطامر ونلعب مصاقيل ..تركضين قدامي وتظهر العصاقيل

مخاوي : أحبس يا حليوه والبقر يشهد وحتى نياق قبيلتنا ... أحبس يا حليوه تشهد نوير أخت عمشا قصيرتنا

أحبس موووت حليوه



يا حبيلك يا مخاوي اللي هو ((انا))*t *t *t

اخوكم الغائب الحاضر/مخاوي الليالي

حموووودي