بسم الله الرحمن الرحيم
والحمد لله والصلاة والسلام على محمد بن عبدالله
عليه الصلاة واتم التسليم
السلام عليكم ورحمة الله وبركاته .. اسعد الله جميع اوقات الجميع بالسعاده
والمسرات ..؟!
نعلم باننا غير راضين على انفسنا والود ودنا ماتغيب عنا اسامي او اصوات
او وجيه اصحاب واقراب وحبايب لنا.. لكن مسارنا ليس بايدينا ولانعلم غيب الامور ولايعلمها إلا الله عز وجل .
عدت الى الود مثل مايقولون ( غصبٍ على ذا الخشم .. لشوقنا لمن هم شعب
الود المحترمين والناس الطيبين .. وهذه القصيده ارسلها الى
اخي عبيد السبيعي من غير قصور في اخواني شعب الود ..
ولكن رسالة اخي عبيد التي طال بقائها في وارد الجوال والتي وصلتني منه
ولكن لم يلقى مني رد في حينها .. والسبب :انت تريد وانا اريد والله يفعل
مايريد ..
[poet font="Arial,5,white,bold,normal" bkcolor="transparent" bkimage="backgrounds/3.gif" border="none,4,gray" type=1 line=200% align=center use=ex length=0 char="" num="0,black" filter=""]
قم يانديبي فوق بنزً مصدر=على الطلب شبحً وطبلونه اصفار
جنً على مخطوط الانتاج تشر=تامر على اللي صممه كم سحار
سحرً مع جنً ومن دار هتلر=سدناويً لونه ... وتحفه للأنظار
كنه بليا صوت وسيور تفتر=شد الوكاله مابعد فك مسمار
وصل كتابً كل حرفً كما الدر=درً نفيسً حب لولو .. بمحار
واغلى من الياقوت والمسك يقطر=عنبر ودهن العود يقطر تقطار
بدع القوافي واللحن زان والشعر=ونرفع بعالي الصوت من زين الاشعار
درً ..وياقوتً ..ومسكٍ ..وعنبر=زين المثايل والشعربحر واسرار
ومن لايعرفه مثل من يشوي الحر=ترى الخبل ترث طواريه الافكار
منصاك من هو عند ربعه .. مخير=حرً ولد حرً ومن وكر الاحرار
وعبيد قدره فوق راسي مقدر=الله يجيره من صواديف الاقدار
ورفقة هل الماجوب والطيب تكبر=ماتستحي رفقة طويلين الاشبار
ترى البشر نوعين لا أنقص ولا أكثر=نوعٍ رخيص..ونوع غالين الاسعار
وما تـنـمـدح ناسً رخومن معثر=ومدح الهلايم يكسي الرجل بالعار
هذا الصحيح وهرجتي ما تغير=ويبقى الردي نقصً ولو في السما طار
وسلامتك فديتك
وسلامة الجميع
اخيك
عطر
[/poet]
[FLASH=http://loveinlove.jeeran.com/3ateer.swf]WIDTH=400 HEIGHT=200[/FLASH]