كان من اكبر مفحطين الرياض وصار اكبر عضه وعبره لنفس المدينه ومفحطين جيله مفحط كان اذا مشى في الطريق تهتز له الارض من السرعه الجنونيه واذا بدا بالتفحيط تهتز له المباني من خبرته الطويله القصه ماهي من نسج الخيال ولا من فكر اعلام او كاتب القصه واقعيه صارت في اكثر شوارع الرياض تفحيط وهستره جا المفحط في يوم اربعاء ولو درى عن مصيره ماكان جاء المهم بدا بالتفحيط عند اخوياه وبني جيله اللي من نفس افكاره المهم احتمى الموقف عنده وصارت الناس تشجعه وتصفق له وقف المفحط عند اثنين من اخوياه سولفوا شوي قال لهم انا ابي افحط بسرعة 200 وأذا عندكم رب خلوه يضرني (جل وتعالى عن هاذي الالفاض)راح من عندهم ورجع بنفس السرعه اللي قال لهم 200 كيلو متر بالساعه بدا بالهز والتنطيل على قولتهم شوي ضربت السياره رصيف الشارع وطارت وانطوت على عامود كهرباء وصارت تحت لمبة الضو مباشره فوق جاء الدفاع المدني استمرت عملية انقاذه بس وتخريجه من السياره سبع ساعات متتاليه عافنا الله واياكم من الحوادث المهم خذوه المستشفى لقوا الولد حي بس حي وميت على قولتهم لدرجة ان معالم وجهه كلها اختفت وصارت فقراته متبعاده عن بعضها لدرجة ان بالاشاعه مالقوا فقره جنب الثانيه شلل تام بعضاءه عاجز عن الحراك والكلام انعمت العين بعد مااعماء الله بصيرته الان في البيت موجود وغير موجود عبره لكل من تكابر على الله جل وعلا فهل ينتصح من هم في افكاره وعقلانيته؟؟؟؟؟؟؟؟؟
العرض العادي
