وش يسوون الشباب عند الاشاااره ...عجب عجب

[ابوابراهيم]

سلااااااااااااااااااااااااااام
طبعا كل وحده له هوايته الخاصه اللي يسوياها عند الاشااره
امحق هواايه
اغلبيه الرجال لهم طريقتهم الخاصه في شغل اوقات فراغهم لما يكونو واقفين عند الاشاره ..

النوع الاول " وهو الي يستغل وقته ويرتب سيارته ويفتح دروج سيارته ويعفط في هالفواتيرويرميها في الشارع وفجاءه ماتدري الاوهو ناقز في المرتبه الي ورا يرتبها ولا تستغرب اذا شفته ناط في شنطه السياره (الرجال مرتب)وتنفتح الاشاره والاخ مشغول في التنظيف ..

النوع الثاني" وهو اكثر واحد يفرح اذا وقف عند الاشاره علشان يبداء يستعرض ويرقص ويردح هو واخوياه ويرقصون السياره معهم ..

النوع الثالث" وهو عكس الي قبله وهوالي يشغل شريط خالد عبدالرحمن (ومغلدم)وانواع التغلق والحزن وطبعا الاغنيه من كثر ماهي قديمه تشك انه مغنيها قبل توحيد المملكه ويكون وجهه مورم من الصياح..

النوع الرابع" وهو الي تقول توه مكتشف انه ابو وماتسمع غير هواشه وتلعينه على بزرانه الي مالين سيارته وماتدري الا وهو ساحب العقال ومخرب التشخيصه ويرجمهم بكراتين المناديل الي ماليه السياره والفضل يعود للمحطه البنزين لو تمر جنبهم عطوك منديل هديه ..

النوع الخامس" وهو الي يستغل الوقت ويجلس يشخص ويرش عطر وشوي الا يحط روج والبرفان في اذنه ومشغل شريط (سيلين ديون)مسوي جو اجنبي وانواع القز في السيارات الي جنبه ..

النوع السادس" وهو الي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والبطاطس بيد والشورما في حضنه والفطاير جنبه والبيتزا في المرتبه الي وراه ولا تستغرب لو شفته داب في مفطح ..

النوع السابع" وهو الي تحس انه ماعنده وقت ابد ودايم بزي ولابس نظاره وخاتم ومبحلق في الجريد ومسوي زحمه في الشارع والي جنبه طفشان ومشتغل مسجات بالجوال..

النوع الثامن" وهوالي سيارته زحمه مو ناس لا ماخلى ثوب ولا شماغ ولا بدله ولاجزمه حتى الشراب الا ومركبها معه عشان يكون تبديل الملابس اسرع عند الاشاره حتى البطانيه جايبهاوماخذها معاه تعرفون الجو متقلب ..

النوع التاسع" وهو اذا كان سواق طبعا الضعيف متعلق في الدركسون والابداع يكون وراه عند المدام واخواتها انواع السواليف والحش ولما يكونو توهم طالعين من السوق كل وحدها تطلع مقاضيها وتوريهم وشوي الا وهي متحمسه وصاقعه السواق برجلها الاخت معذوره جالسه تقوس الجزمه الجديده ..

النوع العاشر" ان الشباب ما يحلى لهم تنظيف خشومهم الا عند الإشاره اول ما توقف الإشاره يفرح ويالله بسم الله وهات يا شغل يحفر بخشمه بهذا الصبع المسكين وعععع قرف ..

هذي بعض الاشكال الي نصادفها عند الاشاره والحين كل واحد يكتب وش يسوي عندالا شاره **