بسم الله الرحمن الرحيم
السلام عليكم ورحمة الله وبركاته ... امابعد....
اخواني واخوتي المشاركين في منتدى الود اود ان اطرح لكم مشكلتي وهي مأساة عايشه فيني من سنين , يكبر عمري وهي تكبر اكثر واكثر..
انا بصراحه كنت احب بنت من ست سنين كانت مجنونه فيني وانا ا كثر ,
حبنا استمر سنتين بالضبط وكنا نكلم بعض يوميا اكثر من ثلاث مكالمات ونشوف بعض علىطول يعني مااشوف ولا افكر بغيرها ابدا ولا انكر انها بادلتني بالشي هذا وقتي لها ووقتها لي من بعد ذكر الله طبعايعني انا معها اتفقنا واخذنا على نفوسنا وعوود وعهووود انها لي وانا لها, انما جاء يوم من الايام ولا دقت علي اقول ممكن ضروفها
ويوم ثاني وثالث وادق انا عليها جوال على طول مسكر الى اربع
شهوووور تخيلو ماسمعت صوتها في خلال الاربعة شهور يوميا ادق ومسكر , ودقيت بعد اربع شهور ودق الجوال ورد علي رجال ان ا ستغربت يعني , وعملت نفسي غلطان عشان بس ما اعمل لها مشاكل سكرت منه بعدها وانا مستغرب بالمره يعني من هاللحضه عشت في قلق بصراحه,
وعشت الايام والدنيا مع الناس , وجاني خبر من مصدر موثوق بعد سنه وشهرين بالظبط انها متزوجه وعندها بنت وتأكدت اكثر وفعلا الشي هذ صحيح , بصراحه ودي اصدق موقادر اقول في نفسي انا في حلم مستحيل يحصل هذا ..
في يوم من الايام كنت معزوم عند رجال في بقيق والله ورحت له انا ومعي ثلاثه شباب وانا ا لرابع طبعا وكنت اسوق انا بسيارتي, وانا راجع الخبر سرحت مع نفسي وكنت افكر فيها , جالس اتذكر كلامها , اتذكر وعودها , ليش هي سوت فيني كذا انا والله ماسويت لها شي , اتذكر كل اللي صار بيني وبينها وكانت قدامي شاحنه كبيره ماحسيت بنفسي الا في لحضة اني صدمت فيها ودخلت بالسياره تحت الشاحنه هذه السياره ماعاد فيها امل ابد وزملائي ثنين كانو راكبين ورا توفو ا لله يرحمهم واللي جنبي انكسر حوضه وايده وفيه جروح وانا فيني جروح كثير بجسمي وانكسرت ايدي , راح اسبوع على الحادث وانا طلعت من ا لمستشفى تخيلو دق جوالي وانا ا شوف ا لرقم ما ا عرفه رديت وصارت هي اللي دقت علي وكانت تبكي مرررره وتقولي كلام انا موفاهم شي وانا ساكت وتناديني بأسمي وتقول حبيبي رد علي وانا ساكت رديت بعدين وقلت لها كلمتين مو اكثر: قلت لها يجي منك ا كثر والله يهنيك يارب ,وسكرت انا على طول واليوم ا لثاني مباشره غيرت رقم جوالي لأنها صارت تدق علي بأستمرار عشان كذا غيرته,
والله ياجماعه اني حبيتها وربي اني جاد مو كلام وهي كان حبها لي كبير لكن للأسف جرحها أكبر والى ا لان يكبر ,,
يجماعه فكرت مع نفسي ممكن تكون مغصوبه لكن تعطيني خبر يعني تقدر تدق علي مثل مادقت علي اول ماطلعت من المستشفى ليش خلتني امشي وافكر واسرح ورا سراب ,
وزملائي ممكن يكونو ماتو في نضر الناس ولكن الى الان هم عايشين في قلبي ولا ا نسى لحضه كنت وياهم واتذكرهم وادعي لهم بالرحمه في كل يوم ادعي لهم وادعي لأميوابي لأأني انا يتيم ا لاب والأم وعايش لوحدي ...؟
هذه قصتي في حياتي وجرحي الاقيها منها او من اصحابي الي الان انا ابكي عليهم او امي او ا بي او على حالي .
اخواني واخوتي المشاركين في المنتدى انا شاكر لكم لانكم عطيتوني فرصه اكتب لكم مأساتي في حياتي واشكر جزيل الشكر للمسؤلين وصاحب موقع الود الذي بأذن الله يجعل بيننا ود ومحبه انشاء الله ...؟
مع حبي وتقديري لكم : متروك ...؟
العرض الشجري
