يوم بان الليـل تـوه ل..الحزن..عسكـر نظامـه
نـاوي(ن) مليـون نيـه قاصـد النفـس الشقيـه
تعصـف الأفكـار مثـل الأطلسـي حيـن إلتطامـه
هاج موجـه هزتـه عصـف الريـاح الموسميـه
ياغرابيـلـي ونـوحـي مـثـل مانـاحـت حـمـامـه
والسبب محد(ن) عرف باسرار نوح الراعبيه
وجـد حالـي مثـل عليـا تشتكـي فرقـى سـلامـه
والإ مثـل إبـن المـلـوح بـعـد ليـلـى العامـريـه
تاه في عرض الصحاري طار عقله من هيامه
تـكـوي الفـرقـى فــؤاده لـيـن وافـتـه المـنـيـه
الهـوى راعيـه حظـه مـن يحـده عـن مـرامـه
مـورثـه بـيـن الاّوادم مــن زمــان الجاهـلـيـه
صاحبي رحت ونسيته يوم طـول فـي خصامـه
أجـزي السيـه بحسنـه يجـزي الحسنـه بسيـه
والله أنـي قبـل أفـارق يجـذب الخافـق غرامـه
ماهقيـت أنـه يهـز الجـوف هــزات(ن) قـويـه
مابـقـى الا ذكـريـات الـحـب يـاوقـت الـنـدامـه
كــل مـنـا فـــي طـريـقـه لا كـــلام ولا تـحـيـه
حـب مايصـدق ويوفـي غيمـة المبلـي جهـامـه
ينكـر إحسـاس المشـاعـر يتـبـع الكـيـه بكـيـه
جرح ساكن وسـط جوفـي يبطـي ماتـم إلتئامـه
لاتناسيـتـه ذبـحـنـي شـتــت أفـكــاري عـلـيـه
آتـصـبـر وآتـجـلـد مـاعـلـى مـثـلــي مــلامــه
الله الـلـي يصـلـح الأحـــوال والـدنـيـا مـديــه
والغـزال اللـي تحلـى بالحـيـا فــوق الوسـامـه
منـوة(ن) للـي خـذاه الليـل مـع طيـف أجنبيـه
يـازمـان الــذل قــدر الـحـر مـاتـوفـي مـقـامـه
واتـبـع شــام وتـعـلـى رغـــم هـداتــه رديـــه
العرب تخـدع بعضهـا بيـن ضحكـة وإبتسامـة
مـو غريبـه بالزمـن لـو الخـوي يخـدع خويـه
ياهجوسـي وادعينـي أنجـلـى اللـيـل وظـلامـه
أنتـهـى ســرد الحكـايـة باللـحـون السـامـريـه
أطلـبـك يالله تـأمـن وحشـتـي يـــوم القـيـامـه
جيـرنـي أستعطـفـك يــارب وأرحـــم والـديــه
وسلامتكم الغالين