[poet font="MS Dialog,4,black,bold,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=skyblue,strength=3)"]
اعزائي قرآ همس القوافي
اضع بين ايديكم هذه الأبيات التي دارت بيني
وبين الشاعر نايف الرويلي امل ان تحوز على اعجابكم قصيده الشاعر
نايف الرويلي
لا واهني اللي تهنا بمنامه = ما سامر نجوم السماء للصباحي
لا ضيق لا شكوى ولاهـم ضامه = ينام ليله ماتنهت وناحي
وأنا كمااللي يشتكي من عظامه = يصبح صباحي مالقيت ارتياحي
اشكي على راع الفخر والشهامة = راع الكرم والطيب طيرالفلاحي
ابن رخيص اللي رفيع مقامه = اللي ليا جيته يجيك انشــراحي
يابن رخيص القلب زادانكتامه = والعين دمعه يافتى الجود ساحي
ضاق الصـدر والفكر زادانعسامه = من عقب ماني اكتم السد باحي
من صاحب يشدى البدر في تمامه = الزين حافه من جميع النواحي
سبعه عشر بالعمر كامـل عوامه = خشف زهى من بين كل الملاحي
لا واعذابي غارق في هيامه = وش عاد لو زادت علي الجراحي
هاك الغنوج اللي سحرني كلامه = ياماحلا يامن ندهني وطاحي
وجلس بجنبي ثم نـزل لثامه = يا ويل كبدي ضحكهاوالمزاحي
وبيض الثـنايا يازهت بابتسامه = ياقبله الله برقهن يوم لاحي
ملعون جد اللي لحقني بملامه = مشافها يومن رمت لي الوشاحي
يا لقرم مدري هوحلال حرامه = لا صار قلبي عقبهاماستراحي
وختامها صلاة ربي وسلامه = على النبي إعداد مصبح صباحي
وهذا ردي على الشاعر نايف الرويلي
البارحة جفني قزا عن منامه = ساهر ليامى شفت نور البياحي
هم ٍلجى بالصدر زاد ازدحامه = اقالب الهاجوس والفكر راحي
لاني اناعاشـق يحايل مرامه = ولاني على بلوا تجيب الصياحي
بلواي شـكوى واحدٍ له مقامه = عندي وله تقدير ماهي مزاحي
يشكي علي من حب رادع وشامه = يقول يسهر لين يبدا الصباحي
واقول له خذ من يثبت كلامه = انا معك والعمر ماضـيه راحي
تشكي يابو ممدوح مرخي لثامه = ليا تبسم جيت له بانشراحي
كم واحدٍ قبلك غدى في عسامه = من شيوخنا وشيوخكم كم راحي
غدن عليهم لابسات العمامه = ومشوا على آثرهن طيورالفلاحي
واليوم لاتدرا ردي ألفهامه = اضرب على الكايد وتشرب قراحي
وأنا معك ولابه عليه ملامه = بالجاه هو والمال ماني شـحاحي
ولياطلبوا يالوايلي زد سيامه = دنياك تقفي مثل ذروالرياحي
وان كان قالوا مالكم التمامه = وصكوا حواسيده جميع النواحي
نجيبهالوهو كثيراً عتامه = إلا نحضر به مسي أوصباحي
الجيب جاهز وبالسفر له مرامه = يبي صعيب الدرب له به مراحي
وصف ديارالزين حددمحامه = والباقيةأقومها بارتياحي
إلا نشله بليل دامس ظلامه = ؤيصبح عليه الصبح عندك مطاحي
ومن ردنابكلاش روسي شمامه = وفعلٍ على شانك يزيدن صحاحي
واماالنصيحةآنت عارف مقامه = مقدر على نصحك تعرف الضحاحي
من ينصح الولهان مابه فهامه = خلي عقلٍ ناقصٍ بانفضاحي
حيثي مشيت الدرب والروح عـامه = وشربت من مره وعده قراحي
وصلاة ربي عدمالعين نامه = على محمدوعدمصبح صباحي
[/poet]
العرض الشجري
