صدقني لابد تكون أحد هؤلاء
صاحب مبدأ*
إنسان يمشي وحاط المبدأ بالامام
يمشي عكس الريح…ولا يهتم بالتهم والتجريح
وتلقاه آخر اليوم ينام..وباله مستريح
ولا يدري إن يمكن نهايته تكون إعدام
*ضميره حي*
هذا اكبر معذب…حياته تعب في تعب
لان كل شي ماشي غلط
وهو وضميره الحي..عكس اللعب
وللاسف..مكانه تحت الاقدام
_
*الصادق والصريح*
دايم صدقه يطيحه في متاهات
وضوحه يبعده عن اللعب تحت الطاولات
وصراحته تمنعه من أسلوب خذ وهات
لسانه ما يطري الكذبه
خاف ربه…وقام فرضه…وصفى قلبه
ونهايته تكون…قطع اللسان
_
*خدوم*
مايرد احد جاه في خدمه
يشتغل للناس بعالي الهمه…وحب الغير…يمشي مع دمه
ونهايته تكون..جحود ونكران
*الحساس*
انسان بشعوره محتاس…لان الموازين انقلبت
وصارت الرجلين…في محل الراس
الحساس…ينجرح ولا يجرح
ينغدر به ولا يفكر بالغدر
ويقول هذا القدر…يوم ينطعن بالظهر
ولا لمشاكله نهاية
يعيش بمجتمع وحشي…وهو بعيشته حيران
*الطيب*
انسان…بكل معنى الكلمة…يكسر الخاطر
يحسب الناس زيه…ونسى انه فيه الظالم والجاحد
والحاقد والحاسد…والجائر
ونهايته…نظرة الناس له نظرة شفقة واحسان
*مخلص ووفي*
يحفظ عهده…ويوفي وعده
لكنه منبوذ..يتحاشوه الشباب…
لانه مخلص ووفي…معاهم حق يتحاشوه
هذه من صفات الكلاب
_
*اخلاق ودين*
عن المحارم غض عينه
واثار السجود على جبينه
ما ترك القران…بكل مكان وباي زمان
نوصفه بانه من صفوف الجاهلين…
ويجوز به مس من الجان_
*الرومانسي*
ما يبي شي غير الحب
وان الحبيب يسكن القلب
و اذا حب…يرفع حبيبه فوق فوق
وغالبا يكون الحبيب قليل حيا وذوق
يحب من قلب
يمد يده بالوفا..ويكون جزاه غدر
ويتباهى بحبيبه من المغرب والى العصر
لا باعه حبيه…اشتراه بروحه
ولا يبالي كان حبيبه زود جروحه
ولا يشتكيه حتى لو ظلمه
و يعطي حبيبه من افراحه…لا زاد بجراحه
ولا ينوصف حالته غير بكلمة….خسران
_
*الانسان*
الانسان ما ينوصف بهالزمان
لانه تشابهت عندنا اوصاف وقيمة الانسان …مع الحيوان
م ن ق و ل *w
العرض العادي
