CENTER]مع اختلاف بيئتنا
وتفاوت العقليات بين شخص وآخر أحببت أن أطرح موضوع الظن السيئ
والظن الطيب إليكم المواقف خلينا نبدأ
1) واحد مشيك جنتل مان ماشي في السوق ومعاه وحدة بيمشوا في السوق
أو في حديقة وبيتكلموا مع بعض أكيد رأيك مارايح يخرج عن :
أــ الظن السيئ: شوف اللي ما يستحي له وجه مطلعها وجاي السوق ولا
وبعد متشيك شباب آخر زمن .
ب ـ الظن الطيب : الله ... الله شوف على الطبيعة زوج كناري بيتمشوا
الله يديم السعادة بينهم .
.................................................. .......................................
2) بنت حليوة ؟ لمحتها في الشباك ( طبعا في بيتهم ) لمدة بسيطة خلينا نقول
خمس ثواني ؟ أيش رأيك.........
أ ــ الظن السيئ: أكيد بتستني حبيب القلب صدقني ماني رايح إلا لمن أشوفه
يمر من هنا وتأشر له( انطر يا............... لين يجيك الربيع ) .
أو إنك تردد ( ياناس ياللي فوء ماتبصو للي تحت )
ب ) الظن الطيب : أحرجوها أخوانها الصغار تركوا الشباك مفتوح ومسكينة
جاي بتقفله .
.................................................. ........................................
3) شاب وسيم واصلة معاه وجالس ايضا في الشباك والأخ مطول في الجلسة الرد حيكون عليه :
أ ــ الظن السيئ شوف الصايع جالس يعاكس بنات خلق الله أو بيطلطل على
جيرانه .
ب ــ الظن الطيب : الله يكون في عونه طفشان وضايق صدره ويشم شوية
هوى .
.................................................. ........................................
4) ثلاثة مطاوعة يمشون مع بعض على الرصيف رد فعلك وأنت زميلك
بالنسبة لهم هــــو :
أ) الظن السيئ: شوف الإرهابيين مسوييين فيها طواعة وهم من جنبها .
ب ـ الظن الطيب : ما شاء الله يزيدهم نور ويتوب علينا .
.................................................. ........................................
5) دورية ( سيارة شرطة ) واقفة ورى سيارة واحد ، الدورية نازل منها ظابط
بيكلم صاحب السيارة ايش رأيك :
أ ــ الظن السيئ: دنيا مصايب اكيد الموضوع كبير ولا ايش معنى الظابط نازل
يحقق معاه ، والكارثة اذا طلعت تعرف أهله طوالي ( آلو : ولدكم فلان
مسكاته الشرطة في المحل الفلاني الحقوه وانشر الخبر........... ).
ب ـ الظن الطيب : سبحان الله شوف الظابط نزل يسلم على زميله هاذي
الصداقة اللي ندورها أو إذا كان زميلك تنزل توقف وتسلم وتسأله خير
انشالله ايش فيه.( كثير طنش ــ نذالة ـ ).
6) شاب متكشخ نظيف ومتعطر ؟ موقف سيارته ( قبل شوي جايبها من المغسلة ) قدام كلية بنات أو مدرسة بنات ردة فعلك وانت بتشوفه :
أ) الظن السيئ: مليون في % يستنى وحدة لعشان يطلعها معاه ، ياشيخ
لأستناه اشوف من تطلع معاه وبالنص بينه وبيني (ههههههههه )
( عالم ملاقيف وماتكلح ).
ب ــ الظن الطيب :جزاه الله خير يريح أبوه وجاي ياخذ أخته ، وجاي قبل
الوقت حتى ما يتأخر عليها .
.................................................. ........................................
7) واحد شفته مشتري ريسفر ومعاه بطاقة ؟ حيدور في بالك واحد من اثنين :
أ ــ الظن السيئ : لا حول ولا قوة إلا بالله ريسفر ونقول مشيها ، لكن بطاقة
عز الله حل الدمار في البر والبحر .
ب ــ الظن الطيب : أكيد الأخ ساكن في قرية ما يوصلها الإرسال ؟؟؟ أو أنه
مشترك في القنوات المشفرة مثل قناة طالح ناقص ( عفوا صالح كامل ) .
.................................................. .......................................
8) بنت وزميلتها ماشيين إما خارجين من المدرسة أو السوق المهم بيتكلموا
وصوتهم مسموع عن بعد 3متر وانتى ماشي وتسمع صوتهم :
أ ــ الظن السيئ : قلة أدب رافعين أصواتهم في الشارع صح اللي اختشوا
ماتوا . ( ياعيني يامؤدب : نظرة ولو جبر خاطر ولو سلام من بعيد ؟؟ ) .
ب ــ الظن الطيب : أكيد وحدة منهم سمعها ثقيل لعشن كذا الثانية تسمّعها
صوتها .
.................................................. ........................................
9) شاب خارج من محل حاسب ومشتريله جهاز محمول :
أ ـ الظن السيئ : شوف الأخ يستعرض قدام العالم ماخذله حاسب محمول
وماحد قده ( يعنني ــ قديمة )
ب ــ الظن الطيب : ما شاء الله شي طيب اننا نشوف شبابنا يواكبون التقدم .
( امحق من تقدم ) .
10) بنت ماشية في ومبينة عيونها
( ما أقول متلثمة أو متنقبة ــ الموضوع يختلف ) المهم اللي في رأسك واحد من اثنين :
أ ــ الظن السيئ : لها وجه تستعرض بعيونها على بالها بتغرينا
( يارب لك الحمد ــ فاتن العالم بجماله )
ب ـ الظن الطيب : يمكن يكون نظرها ضعيف .
اخواني يمكن الموضوع فيه زيادة لكن هذا اللي يدور في عقولنا عندما نرى مواقف مثلها أو غيرها زي مايقولوا تطفل أو مادري ايش يسموه واللي يقول غير كذا انتظر ردهههههههههه .
[/ALIGN]*r *t *r
العرض العادي
