نقول إن شاء الله تعجبكم القصيدة...
إذا المجنون في ليلى عشق ليلى بكل جنون
وهي ليلى بذاك الوقت مازادت شيء على ناسه
فلا تلومه لبيب ٍ حب فريد ٍ نادر ٍ بالكون
وكما الشعره من المعجون خذاه العقل من راسه
جمال ٍخالقه واحد خلق غيره بكاف ونون
ولكن ميّزه عنهم بطيب القلب من ساسه
ملاك ٍ يخجل الدانه ودر ٍ داخله مكنون
فؤاد ٍ كالسنا حبه تشوف العين نبراسه
ملاك ٍ كلها شفاف وحسن ٍ ظاهره مضمون
مرايه وجهها الطاهر لشمس الصدق عكّاسه
سمو ًّ بالحلا شامخ وعشق ٍ ع الوفا مسنون
غرام ٍ كالنقا صافي ماخالط ذرة انجاسه
حنان ٍ بالغلا هتان وشوق ٍ بالحيا مقرون
شعور ٍ بالوله فياض روابي ود ميّاسه
كريم ٍ لاعطى يعطي عيون ٍ ناعسات جفون
عذوق ٍ تنحني بالطيب لاناخ الحب باحساسه
عظيم ٍ يجبر العشق يموت وداخله مرهون
يموت ولاقوى يرده قليل ٍ من عطا كاسه
احبه لاتقولّي كيف احبه لاتقول شلون
ملكني كيف ماأدري ملك بالحب كل حاسه
احبه سيّد احلامي انا به هايم ٍ مفتون
انا له عاشق ٍ مجنون من الماطأ إلى راسه
ومدام اني انا مجنون فلا تشره على المجنون
اذا منّه هداه العمر وقلب بلمعة الماسه
منقول
العرض العادي
