((انا في ورطه كبيره ارجوكم المساعده 0000))
فعلا هذي قضية وحده من صديقاتي طلبتني المساعده وانا احاول ان اساعدها وافكر معها بحل ومالقيت الا ان ارسل لكم المشاركه عشان تساعدوها فعلا البنت مسكينه في ورطه 0وبين نارين مو عارفه شتسوي وما تقدر تكذب على نفسها ومشاعرها بعد 0ولا تبي تلعب على الحبلين0 عشان جذي تبي اقرب حل وفي اسرع وقت والله محتاجتكم وتقول هي بلســـــــــــانـــهـــا قصتها في هالمشاركه ارجو ان تفهموها 00:
ارجوكم ساعدوني انا في ورطه الله عالم بحالي انا مقدر اتم ساكته او مااقدر اوضح وضعي زين بس اللي ابيه احد يفهمني ويعطيني حل لمشكلتي لاني فعلا محتاجه احد يرشدني ويدلني على الخير
انا بنت حبيت شخص في يوم من الايام وحبني اهو بعد وكنا مانتحمل يوم نغيب عن بعض وكنا نبني احلام ماتنتهي وكنا نفكر بمستقبلنا دوم للافضل بس ياه ماتمت فرحتنا ببعض كانت الايام تاخذنا من بعض وكانت الظروف دوم ضدنا بس مع كل هذا تحملنا وكان في يوم نزعل ويوم نرضى ونرد بسرعه وياما شكينا وبكينا ومسحنا دموعنا بفرحتنا وبسمتنا فعلا كنا مثال للحب الصادق البريء الطاهر وربي عالم فينا عشان جذي ما كنا نتعب كثير اللي ابي اوصله بعد كل هذا بعد مامرت 6شهور من علاقتنا بدت الاوضاع تختلف مو من ناحيته لا حشى بس يمكن تقولون اني انا خاينه نذله مجنونه كل شيئ حطمت بيديني حبي يمكن طيبتي غلبت علي يوم رضيت ورديت والتفت لغيره بس والله عالم بحالي ماكان قصدي اني بحب شخص في هالكون غيره لا والف لا0بس كنت اتونس واتقشمر مع الشخص الجديد اللي دخل حياتي لا لاتقولون اني لعابه او من نوع البنات اللي تبي تونس حالها بحساب خداعها لحبيبها لا ارجوكم فهموني لا انا انسانه مااحب اكسر احد ولا احب اني اظلم احد خاصه اذا كان الظرف شوي يقربني له اكثر اقصد الشخص الثاني ولاتقولون لي انه عشان مالقيت في حبيبي حاجه تعوضني اوحسيت بشيء ناقص من محبوبي الاول لا والله بالعكس موفر لي وغامرني بجنونه وحبه لي المهم فجأه حسيت اني التفت بزياده حسيت انه سرقني واخذني بمزحه وضحكاته وصرت احس أني مقدر اتخلى عنه مو حب مدري شنو بس اني خليت له في قلبي مكانه وحسيت اني اقرب له اكثر واكثر ووصرت افرغ نفسي له ووقتي اكثره له بعدين تفاجاءت منه انه صار يسأل كل شيء عن حياتي ويستفسر بعدها في ليله قمت اشكي له وبكيت له ونشرت غسيلي على قولتهم لكن تفاجأت منه يوم طلب مني تدرون شنو:
اني ابدأ الحب معاه واني اكون له بس رفضت وفهمته وقلت له مستجيل اتخلى عن حبيبي لا وحتى لو تركته انت راخح تشك فيني وماراح تصدق حبي لك لاني خنت حبيبي في يوم من الايام بس تدرون شنو قال لي انتي لو تركتيه وحبيتيني احس انك فعلا مخلصه لي ولانك ضحيتي لي باغلى ماتملكين عشان جذي انا راح اكون قد حبي معاك ولاراح اتعسك بعدين قال لي انا مااحب افرق بين راسين ولاااحب ادمر سعادة احد بحساب سعادتي ولا اتمنى التعاسه لاحد واتمنى لك التوفيق وطلب مني اني مااكلمه وابتعد فعلا حزت في نفسي حسيت اني كسرته وخسرته بعد مرور اسبوعين من فراقه حسيت اني مقدر ابتعد عنه واتخلى ورديت له وقلت له افهمني وحاولت معاه الين ردلي بس كان يحاول فيني عشان اصفى له بس لوحده لكننا جعنا نسولف وكان بيننا حدود ومايحبني اذكر له سيرة حبيبي ويبين لي غيرته علي وحبه لي مر شهر واحنا على هالحال بعدها خيرني للمره الاخيره وقال شوفي انا مااهددك لكن مااقدر افكر في حبيبتي تكلم غيري ولازم تفصلين ولازم تحطين خط للنهايه وتقررين منو انا ومنو هو والا انا بعتذر لك وراح تبقى معزتك بقلبي ولاراح انساك ثقي من هالشيء وخلاص انا مااقدر اقولك غير هالكلام واعتبريه انار اواي شيء تفهمينه حسيت اني في حلقه مفرغه والنيران حولي من كل صوب وين اروح رحت صليت الاستخاره ودعيت ربي اني مااظلم احد وان الله يرشدني لصواب لكن انا من طبعي اللي يبتعد عني احس اني فقدته ولازم ارده لي واحس اني بحاجته ومثل مايقولون كل ممنوع مرغوب لاتفتكرون هذي حروف وكلمات مجامله اوكذب لاني فعلا وربي شاهد علي وكل اللي يعرفوني شهدوا لي بها الشيء اني مو كاذبه احب الصراحه مو لدرجة الوقاحه واحب الصق في شعوري وكلامي هذي ملخص كلامي بس ابي تعرفون شيء اني بينت لحبيبي الاول هالورطه تفاهمها وطلب مني اني ماارجع له ولااخونه ولا اخطي عليه لانه راح يموت بدوني وراح يسبب لنفسه شيء لو تركته او نسيته اوابتعدت عنه حتى لو بتفكيري وانه يموت فني وسامحني على كل اللي صار وفهمت الثاني بها الشيء اني مقدر اتخلى عنه لكنه اثبت لي بكلامه انه من المفروض اني ابرد مشاعري صوبه واني انساه واحاول اتناساه وتقدرون تقولون غباء او جنون صدقته وحاولت وعذبت حبيبي الاول وزودت في همه وعناه واتعبته معاي وحاولت كل المحاولات بس اللي احسه اللحين ان الاول فعلا ضحى لي ومتمسك فيني حتى وانا اوضح له صورتي السيئه والخطأ والمصيبه اني للحين متأكده من حبهم لي الاثنين بس منو اللي بتم وياه وبمشي معاه ومنو اللي احط يده بيدي واكمل مشواريو وياترى من الافضل اني ارتكهم الاثنين وابتعد وهذا اللي انا افكر فيه عشان مااظلم احد ؟؟؟ كل مااتقدم خطوه ارجع خطوتين وراء00 تكفون انتهيت دلوني للصحيح
ارجوكم ساعدوني00000 مع الشكر الجزيل لقرائتكم لمشكلتي 00ولا تنسون دعواتكم لي
واعتذر على الاطاله 000ومااقول غير &&
القدر هذا القدر لو مارضيت الفراق يصير وعيونك تشوف
ا ختكم ا لمحــتــا ر ه ***((منقوله من صديقتي)) 0اهداب العيون
((انا في ورطه كبيره ارجوكم المساعده 0000))
*2
العرض الشجري
