هل تعرف الحب ؟؟؟؟؟؟
هل جربت الحب؟؟؟؟؟؟
الحب اجود انواع القمح ؟؟؟؟؟؟؟؟؟؟؟؟هههههههههههه>>>>> أقول إعقلي
يقولون من جن بالحب فهو عاقل و من جن بغيره فهو مجنون
قصتنا اليوم تحكي عن شاب وسيم وقع في الحب و جن به
و سأروي لكم القصة
اسم القصة:
** حـــب في الحـــراج **
بطل هذه القصة:
الصعب بالحيل
تأليف :
كاتب مجهول
إخراج:
ران
وقف متسمرا في مكانه يرمقها بنظرات حزينة لعلها تعود الى صوابها
وتعدل عن قرارها <---- مايمديكم على هالمقطع :D
فما كان منها الا ان بادلتنه بنظـرة كبرياء تعلو محياها وقالت بكل عنجيه
وغرور : ياخي طس عني لآبوك لآبو اللي يحبك يالزلابة
فصرخ في وجهها مستعطفا قلبها : لا واللي يرحم والدينك لاتخربين
حوارنا وخلينا نكمل هواشنا بالفصحى
قـــالت : اقووول مالت عليك انــــت وفصحــاك يا مـــــحمود ياســــين
الحين <--- ماادري وش دخله بالفصحى .. *s
اقووول انطم بس وحاتسني حتسي(ن) افهمة والا تبيني اقولك سحقا
لك ايها الساذج ومن هالحتسي اللي يعور الراس ماعندي الا حتسيي
هذا جازلك والا بالطقاق اللي يطقك
فقال لها : تالله انك منتيب وجه رومانسية يالقرويه والشرهه على اللي
معطيتس وجه اصلا
كــان هذا هو آخر حوار دار بينه و بين حبيبته وضحه
صحيح إنهم افترقو .. لكن مازال حبها يسكن فؤاده
عرفها عندما كان يتسوق في حراج ابن قاسم وكانت معرفته بها
بمحض الصدفة <---- اجحدوا بمحض عاد
في احد ايام الصيف الحارقة وبينما كان يشتري ملابس الشتاء لكي
يضمن السعر الرخيص حيث كان في احد المباسط التي داخل السوق
يقوم بتفحص و تجربة بعض البالطوات والتي اغلبها اما لشخص متوفي او
مسروقة من بيت وهلم جرا
وبينما كان يكاسر صاحب المبسط في الاسعار فإذا بأذنه يدغدغها
صوت شجي منشدا اعذب الكلام : بررررد .. بررررد ياولد على قلبك
لايفوتك الصادزع .. الببسي الصادزع ياولد
وبسرعة مصحوبة بلهفة التف يبحث عن مصدر الصوت فإذا بعينه تسنتر
عند تلك الفاتنة فجدع مابيديه واتجه مسرعا نحوها تاركا خلفه
راعي المبسط يقول : تعال يابن الحلال .. خلاص خذها بالسعر اللي تبي
وهو تسنه ماسمعة وسافهه
فإذا بيه يقف امام طشت احمر وبوسطه ثلج وقوارير ماء وبعض من
قواطي الببسي ومشروبات اخرى ويجلس خلف هذا الطشت قمر
اربعطش في ليله 27 من الشهر <---- لايا شيخة؟؟
وما ان وقعت عينه بعينيها حتى سمع صوت طق طيران وكأنك جالس
في زواج .. توقع انه قلبه بدأ يقرقع عندما شاهد هذه الفاتنة ولكن
اكتشف ان الصوت قادم من راعي كورلا مارن من جنبه ومشغل شريط
طق ورافعن على الصوت
ناظرإلى قلبه وتفل بوجهه وقال : انا داري والله ان ماعندك احساس
يالدووب
ورجع بنظره الى محبوبته <---- مااسرع صارت محبوبته
فبادرتنه بسؤال وقالت : وش تشرب يالشيخ؟؟ فلم يلقي لها بالا وكان
مستمرا في القز . فكررت السؤال ولكن بنبرة حادة وقالت : هييييه انت
وش تبي ؟؟؟ فأبتسم لها ابتسامة لاتخلو من الاغراء وعنفوان الشباب
وقال بكل ثقة ودلاخة : ابيك انتي
هو يذكر اخر شي شافه بعد ماقال ابيك هو شي دائري لونة احمر
بوسطة شي ابيض وفيه قرابيع واجد عرف بعدين انه الطشت باللي
فيه شالته ومحطت به على راسه
ماقصروا عيال الحلال رشوا عله موية وصحوه ويوم صحي الا ويشوفها
قدامه ويفز قلبه مره ثانيه ويقول لها : ياويلك من الله تراك حطمتي قلبي
ماامداه يكمل الا وقارورة المويه ام ريالين مسنترة بجبهته عاد هو بغى
يغمى عليه مرة ثانيه لكن استحى: وقلت خيييير حلا هو كل شوي
مغمى علي
ويجر اذيال الخيبة متجها الى سيارته الونيت ويشغل السيارة واللي
كمل الناقص كان امشغل ام بي سي اف ام وتطلع له اغنية : ياناااس
ماال الهوى دكتوووور يعالج قلوب المحبيني &&& حظي رماني على
المغرووور .. مغرور وبالحب ناسيني
وماان سمع هذه الكلمات حتى تهيج ويعطيه الاول
ويستلم لك ذاك الشارع ولا رده الا برميل زبالة خش فيه وبسرعة
البرق لقط وجهه وانحش قبل لايجي المرور
ويقلب الموجه على اذاعة الرياض وجلس يدور بوسط الحراج .. ويوم
قرب الى المكان اللي حبيبته باسطتن فيه الا ويلقا هذيك اللي تأشر
وبعد ماتمقل اكتشف انها هي حبيبته الله ياخذها *u
ويفتح الدريشة وقال : اي خدمة يالشيخة ؟؟ قالت ابيك توصلني منفوحة
انا وبسطتي <--- ماعرفته ملعونة الخير
قال : يالله اركبي وهو اللي ينزل ويضف قرابيعها ويحطها بصندوق الونيت
ويحرك متجها الى بيتها . طبعا اول شي سواه فر المرايه ( اللي
تجي قدام بالوسط) عليها وجلس يهيم في بحر عينيها واذا بها تصرخ
انتبه لطريدزك جعلك العمى لاتصدم بنا
فلم يتمالك نفسه وصدح بهذه الاغنيه : يازين خاف الله &&& احرقت
قلبي بنار &&& طالت ليالي البعد لا لا تجااااافيني
فضحكت ضحكتن يغلب عليها الخقة وقالت : اقووول عسى مهيب تبطي
بس .. سق وناظر طريدزك ياعبدالحليم منفوحة انت
فصف سيارته على جانب الطريق والتفت اليها ونثر مابقلبه لها
وقال كل مايدور بخلجاته <--- متعوب عليها هالكلمة *e
فنظرت اليّ بإستحياء وتنهدت تنهيدتن من صميم قلبها وقالت : آآآآآه
يازين الحب اي والله انه ابن كلب ويوجع القلب
استمرت علاقتهم قرابة السنة وخمس شهور وكان يوميا يأخذها من
بيتهم ويذهب بها الى الحراج ويجلس بجانبها وكان مما ينغص سعادتهم
هو عندما يتميلح عليها بعض الزباين فلا يتمالك نفسه فيتهاوش معهم
ويتجالد معهم ويفرشونه ويذهبون في حال سبيلهم
وفي المغرب يعود بها الى بيتهم
وفي احد الليالي بينما كان معها في احد مطاعم المندي يتناولون طعام
العشاء همس في اذنها : اتمنى يامهجة قلبي ان تتركي ممارسة
البيع بالحراج وتتفرغين لحبنا
فردت عليه بهمس مشابه : وهل تريد مني ان اجلس في بيت امي
واقعد اغني لك واطق لك اصبع واقولك : مابحبش حد الا انت ؟؟
انا اقول ياحبذا ياحبيبي انك تنطم ولاعمرك تجيب لي هالطاري
فلم يتمالك نفسه من الغضب وصرخ بوجهها : الحين ياملعونة الخير
معجبك شكلي وانا انجلد كل يوم بسبايـبك ؟؟ اختاري ياانا وحبنا والا
مبسطك ؟؟
وللأسف بعد ان دار بينهم النقاش اللي بأول الموضوع اختارت مبسطها
واعترفت له وطقتها بوجهه انها اصلا تلعب عليه ولا تحبه ولا شي
.. الا كانت تمثل انها تحبه عشان تضمن التوصيله كل يوم للحراج
رايحه جايه:(
أتمنى ان تنال إعجابكم خاصة :D الصعب بالحيل *b
منقول بتصرف يعني هاذي الحركات والأكشن أنا مخرجتها
العرض الشجري
