_كلي عيوب ومعجبتني عيوبي
وأنا عيوبي عند غيرك مزايا
_شمسك مغطيها ظلام الغروبي
ولا فيه نفس الا عليها خطايا
_مايجتمع بالغصب شمل القلوبي
والله عليم في جميع الخفايا
_واللي خذوا قلبي ولا عذربوبي
حطيتهم قدام عيني مرايا
_هبت بهم ريح الغرام وسروبي
رديت مالي غير صدق النوايا
_ماسافروا عني ولا سافروبي
الاملو قلبي وصدري هدايا
_تزهر بهم لاجيت اسافر دروبي
والقى صورهم بين كل الزوايا
_ان جيت فزوا لي غلا واحتفوبي
وان رحت يبقى لي معهم بقايا
_خلان داخل خافقي واكتفوبي
وأنـــــــــــــا غديت لهم قلوووووب وحكايا
_الجدي يفرق عن سهيل الجنوبي
والفرق واضح بين كل البرايا
شعر:محمد البراهيم
العرض الشجري
