هذي سالفــــتي مع امي وابوي لما بغـــوا يخطبون لي وحده من بنات المنتدى
7
7
7
7
7
كنت شاب مثل اي شاب اذا لقى الوظيفه (عاد الله من زين الوظيفه) الواحد مننا يتخرج ويطقطق اصبع عند اميمته وكل يوم يتنافس هو وهالعجز على من يحجز امه للقهوه ياهو يقعد عند امه يخرط ويلمع عليها يا امه تقعد تعطيه من نصب هالعجز وحشهم في مخاليق الله وفلانه سوت وفلانه تركت وفلانه تخانقت مع زوجها وفلان سافر للحج وهو حاطن رجله لتايلند وفلانه تطلقت وفلانه غيرت غرفة نومها وفلانه قصت كاريه والعجوز الفلانيه تخضبت عاد الواحد من هالشباب يفك ثمه ويبلج خشته على هالسوالف ايه دام الدعوه فيها سوالف حريم اكيد بينتبه وبينصت ولو الدعوه محاضره في الجامعه كان تلقلى الذبان فوق برطمه وهو يسعبل في القاعه من النوم *q
المهم انا ماني من الشباب اللي مثل هالنوع انا شاب مااحب اسمع سوالف الحريم ولا تهمني ولا تقوم ولا تقعد عندي (ايه هين) والواحد مننا وش يستفيد من هالسوالف ما غير يحترق كانه بيض في قلايه مصديه بالذات لامنهم جابو سيرة المزايين فلانه مملوحه وفلانه خصرها حلو وفلانه مزيونه وما يدرون هالعجز انهم يجنون على مستقبل اجيال بكلامهم والشاطر يفهم
طبعا الوظيفه كأي وظيفه الواحد مننا يظن انه يتعب ويشقى وهو طاقن رجل على رجل ويقرأ جرائد ولا منه راح للبيت قبل ما يدخل للبيت يخرب كشخته ويميل العقال ويتظاهر بالارهاق ويقول انا شقيان انا تعبان انا ندمان انا انسان انا التعب عندي هو العنوان ان الشقا عندي هو الحرمان انا من الارق كما الورطان*1
============================================
في يوم كنت قاعد مع اميمتي اقلب في هالمحطات وكل ما شفت زول مره وقفت وقلت وااااااااااااو يالطيف واااااااااااااااااو ياساتر عاد اميمتي مدمنة قهوه وكل ما قلت هالكلمه ياحبي لها ترسل لي طيور السلام مغرده وتحط تلك الطيور فوق جبهتي وطبعا طيور السلام تلك بيضاء اللون جميلة المظهر وهي فناجيل القهوه وربما تطور الامر حينما اشهق وترسل لي بيالة شاهي وهي تقول متى تعرس يا وتر ونفتك من وجهك يعني يا ميمتي لامني تزوجت ما راح اقول وااااااااااااااو يالطيف واااااااااااااااو يا ساتر قالت لا بتقولها بس بتقولها لا ام عيالك قلت طيب متى يا امي يصير هالشئ قالت اذا حجت البقر على قرونها قلت ازين... واوريكم ابسافر قالت وين تسافر قلت ابسافر لديرة وااااااااااااااااخا سيدي وابنسحر هناك وبتفقدوني وتخسرون ولدكم وتر (كل هالكلام علشان احرك احاسيسها واحرك فيها عاطفة الامومه علشان تترجاني وتقول ارجوك يا ولدي هههههههه ) لكن وانا اتوقع كلمة الرجاء من اميمتي اتفاجأ بطير سلام من العيار الثقيل طائر يغرد فارشن جناحيه ومقبلن الى وجهي لكي يطعجه انه دلة القهوه بكبرها افااااااااااااااااااااااا ما تستحي وتقولها يالسمرمدي قم لابارك الله فيك وطس عن وجهي تيب تيب يا امي لا تدفين واقوم وانا اجرجر اذيال الخيبه والحسره مهرولا في اتجاه المجهول
============================================
محادثه بين امي وابوي
يا ابو وتر لبيه يا ام مصرقع امري تدللي قولي سمي(شكل ابوي قد مروا عليه طيور السلام)
ولدك هالداشر(يمه عن الغلط عاد) يقول يا تزوجوني يا ابسافر للديرة ابوي ايه خليه يسافر ويشوف الدنيا(يا بعد تسبدي انت) قربع قربع(امي حذفت ابوي بفنجال) افاااااااااااا عليك بس هالحين ابيك تنصحه وانت تخربه وش تبيني اسوي له يا ام وتر ولدك شاب ومنطلق(امشي بسرعة 180 كغم ههههه) وعقله طاق(ايه طاق ولد جيراننا الدحمي طقيته بلوح) ومخفه(مخفه جابته امك) وكل شوي مسوي لنا مشكله مع الجيران ما يغازل الا خداماتهم نعنبوا داره تارك هالزيون ويغازل بهالشغالات وياليت الوحده عاد تسوى كل وحده منهم تقول قرد مدغدغينه ويبون يروشونه بالماء .......طيب يا ابو وتر انا عارفه كل هالكلام وولدك ما راح يهجد ويعقل الا بطريقه وحده.........وشهي يا طويلة العمر........قربع قربع(بياله) لا تقول طويلة عمر ما طويل عمر الا ابليس ......طيب وش الحل في نظرك.........ماله الا العرس يا ابو وتر..........وشو عرس....ايه ما راح نرتاح من همه الا بالعرس(يبون يتخلصون مني والله لو انا قوطي تونه منتهي تاريخه ما سوو فيني هالشئ) والله شورك وهداية الله يا ام وتر انتي حاطه عينك على احد......ايه حاطه عيني على بنيه مزيونه وهي اللي بتهجد ولدنا.....منهي يا ام وتر....قرقوشه بنت متعلمه ومزيونه وفاهمه وواعيه واهلها ناس طيبين(دا خالي هو اللي بيوكلهم) ....قال خلاص تم خليني اجس نبض ابوها اول ولا تعلمين خبلك الين ما اقولك قالت امي تيب
============================================
محادثه بين ابوي وابو قرقوشه
مسيت بالخير يا ابو صالح هلالالالا والله بابو وتر وشخبارك يا جدي تقهوى عندنا ابوي اوكيه(ذابحه الانجليزي) ويدخلون للمجلس وتدخل القهوه ويصب ابو صالح فنجاله قال ابوي ما اشربه ابد يا ابو صالح قبل ما تحقق لي رغبتي قال ابو صالح ابشر بسعدك يا ابو وتر الا تسان الدعوه فلوس فاغسل يدك من الان وعمرك ان شاء الله ما شربت قهوتي الا هي ابرك ساعه بعد(ابو صالح قعيطي ومنتف وجلده) لا احد يقول ليه تقول عنه كذا (نسيبي وانا حر) قال ابوي لا يا ابو صالح انا جاي وطالبن يد بنتك قرقوشه لولدي وتر انت عارف توه متخرج من الجامعه(وشلون ما ادري) وتوه متوظف(برضه وشلون ما ادري) والان قلنا نزوجه ومالقينا ناس نفتخر اننا نتصاهر معهم كثركم يا ابو صالح قال ابو صالح ابشر والله يا ابو وتر انا من ناحيتي موافق موافق موافق موافق(بشير غنيم على غفله) بس لازم نشاور البنت وامها قال ابوي خلاص ورد علي وحنا طالعين من المسجد وترى الزواج قسمه ونصيب يا ابو صالح اذا ما صار قبول تراكم اهل عزيزين وغاليين(اصباغ همبل) *4 قال خلاص عطني مهلة اسبوع وابرد عليك
رجع ابوي وعلم امي باللي صار قالت اميمتي ان شاء الله خير يا ابو وتر قال والله يا ام وتر انا دائم اتفائل واحس بهالشئ الين ما اشوف وجه ولدك وانسى الخير(ما تلاحظ انك مصختها شوي كل شوي تهيني)
============================================
محادثه بين ابو صالح وام صالح وقرقوشه
ام صالح تدرين وش كان يبي ابووتر لاوالله يا ابو صالح وش كان يبي....جاي يخطب بنتنا قرقوشه لولده وتر(لولييييييييييييييييييييييش زغروطه من حماتي) وجععععععع يا ام صالح للان ما عطيتهم خبر قلت اشاورك واشاور بنتك...والله انا من ناحيتي ما عندي مانع يا ابو صالح بس خلنا نشاور قرقوشه ونشوف رائيها قال هذا اللي ابي....قرقوشه قرقوشه تعالي يا ابنيتي ابوك يبيك.....سم يا يبه.....قرقوشه فيه واحد متقدم لك يبي يخطبك.......قرقوشه(قلب وجهها وصار تسنها قوطي صلصه طايح من سيارة شحن وواطيه هايلكس مسرع بسرعة 180 كخخخخخخخ) والله يا يبه انا ودي اكمل تعليمي اول واذا خلصت بكيفكم وسوو اللي تشوفونه في صالحي....قال لها ابوها طيب ما سألتينا من اللي متقدم لك ...قالت من......قال لها ابوها....وتر .....(صار وجهها الان كانه غرشة كاتشب منتثر نصها على طاوله وصخه والهندي ما بعد جاء ينظفها) .......وتر ما غيره الداشر(داشر جابته امك) ....وبقلبها تقول(حبيب الطفوله هو اللي متقدم لي) ......والله يا يبه مثلك عارف انا ووتر ربينا مع بعض من ايام طفولتنا ولكن قبل ما اعطيك كلمه المفروض انه يشوفني واشوفه وهذا هو شرطي(ولا جندي ) ابي الانسان اللي اخذه يكون مقتنع فيني وماليه عينه....قال ابوها ابشري يا بنيتي ابعلم ابوه واخليه يجي يقعد معك لو خمس دقائق وهو يكحل عينه بشوفتك وانتي تكحلين عينك بشوفته(تعرفون انا اطخم) والله يكتب اللي فيه الخير ان شاء الله (قرقوشه بداخل قلبها تقول ما ادري وترتغير عن ايام الطفوله ولا لازال شقي يا حبني له)
============================================
محادثه بين وتر وامه
وتر.... سمي يمه وش تبين... مصرقع وش نويت عليه...والله يا اميمتي ناوي اروح اشيش(قربع قربع فنجال قهوه) ....انا اقصد على مستقبلك وش نويت عليه.....والله يا اميمتي نويت ادور له عقد عمل في احد الدول وارسله هناك يشتغل ويجمع فلوس الشئه والمهر(قربع قربع بيالة شاهي باقي فيها النصف) ....وجعن يوجعك انت ما تترك ثقالة دمك.....اسمع وانا امك هالخبر السعيد.......ابوك خطب لك.....وشوووو خطب لي...خطب لي مين....خطب لك وحده تسواك وتسوى اهلك بعد ....خطب لك قرقوشه بنت ابو صالح...وشوووووو قرقوشه قرقوشه ما غيرها.....ايه قرقوشه ما غيرها.....ليه يا اميمتي قلوا البنات(قربع قربع) الطوفريه بكبرها هالمره لان النقاش حامي .....انت تطول حتى ظفر قرقوشه .... يمه قرقوشه انا نفسي فالقها مرتين مره بطابوقه لانها ما عطتني عسكريم فيمتو والمره الثانيه فالقها بصنقل السيكل والان تبون تزوجوني اياها وهي كلها عاهات ......امي تضحك.....يا وليدي هالكلام ايام الطفوله والان البنت مزيونه وتجنن وتهبل وخطابها واجد وزين اذا وافقت عليك(انا ذبت من هالكلام لاني لا سمعت كلمة مزيونه ولا تجنن وتهبل...احس اني في بانيو ماء دافئ ومدد رجولي وقاعد اغني....علايه يا علايه ابوس ما عبرني يا علايه) ...يعني يا اميمتي قرقوشه صارت مزيونه.....ايه صارت مزيونه وبعد اسبوع بيعطون ابوك الخبر هم موافقين ولا لا.......يارب يا اميمتي انهم يوافقون لاني احب قرقوشه من الطفوله (قربع قربع) بلا نصب هماك توى تقول انك ما تبيها ....يا امي انا اتذكرها من زمان كان وجهها كانه قفل سيكل وضايع مفتاحه ....وخشمها كانه جربوع مشممينه بنزين ....والان تقولين لي حلوه.........يمه انا فاك مع قرقوشه ومتخريط معها وابيها ابيها (مصطلحات عرابجه) ....طيب يا وليدي الله يهدي سركم مع بعض....يمه....سم يا وليدي .... انتم ليه تقولون الله يهدي سركم ليه ما تقولون الله يهدي خشمكم ولا الله يهدي حنوككم (قربع قربع)
بعد كم يوم اتصل ابو صالح بابو وتر وقال له حنا يا ابو وتر ما عندنا مانع بس قرقوشه شارطه ان وتر يشوفها وهي تشوفه وعقب هالشئ اللي فيه الخير بيكتبه ربنا قال ابو وتر خلاص الخميس الجاي ابرسله لكم والله يوفقنا واياكم ومصاهرتك شرف لنا يا ابو صالح ابو صالح بالعكس مصاهرتك انت يا ابو وتر هي الشرف وحنا اللي نفتخر فيها(شيبان ويصبغون بعض)
============================================
يوم الخميس ليلة الجمعه
المشهد الاول
وتر يتسبح بديتول والوسخ قاعد يصارخ ويترجى مصرقع وهو يقول يا وتر ما تسيبناش احنا بنحبك حرام عليك احنا جزء لا يتجزء منك وانا ارد على الوسخ واقول قول عني ما تقول صوبي كم صعب الوصول واللي ما يطول وتر حامض عنه عم بيئول المهم تشطفت وطلعت من الحمام وقعدة قدام المراه واطالع لوجهي الا ماهو انا من ذا.....واسئله انت مين.....وهو يقولي انت اللي مين....قلت انا وتر....قال وانا وتر....قلت عاد لا تستخف دمك لا اجيب عفريتت السياره وانشبها في جبهتك. ...قال يا والله الشري....انا وتر النظيف وانت وتر الوسخ كخخخخخخخخخ قلت ايه توني افهم اغرب عن وجهي ثكلتك امك
واقعد اتطيب وامي تبخرني وصرت اكه مزيون واطخم بقوة بعد وادري ان قرقوشه بتفك معي من اول شوفه تبي تنبلج اساريرها وتبي تتمسك فيني *8 والبس البشت وامر وامطخ امي ببوسه وهي تدعي عسى الله يهدي سرك ويوفقك ولا ياخذك(شرانيه) وامر على ابوي وانسدح عند رجليه وانا متاثر واقول سامحني يا بابا(قربع قربع) رفسني ... وراك تقول هالحتسي انت وين انت رايح... قلت عفوا يا ابتي انني ذاهب الى المجهول قال احتس زين ولا تفشلنا مع البنيه واهلها وخلك ثقيل ولا تضحك كثير ولا تتكلمون بأي شئ عن المهر(هذا اللي هامك) ...والله يوفقك يا ولدي وتصير هالبنيه من نصيبك ...وامطخه ببوسه وادرعم على بيت ابو قرقوشه....وكان الجو مغيم وظلام وليل وانا في الطريق والمح شغالة بيت ابو ناصر اندونيسيه جايه تكب الزباله ....وامر من جنبها واقرب منها قلت لها......ما تبين الرقم يا حلوه....وهي تعطيني من هالابتسامات....(قربع قربع) ابوي بالعصا لاحقني لاني لابس في كم كبك وفي الكم الثاني زرار كخخخخخخخخ وقال ياللي ما تستحي على دم وجهك متكشخ ورايح تخطب وقاعد تتغزل في خدامه تكب الزبايل...وش شعورك لو شافك احد من الناس اللي بتصير من انسابهم...قلت شعوري شعور اي مواطن يتأهل منتخب بلاده الى الدور الثاني من تصفيات كأس العالم (قربع قربع) ...خذ الكبك والبسه وطس لبيت ابو ناصر وانا ابناظرك من بعيد لبعيد الين ما تدخل(ليه يبه ما فيه ثقه)
=============================================
المشهد الثاني
.طقيت الجرس ولا احد رد علي افااااااااااا مسوين فيها ثقل من اولتها وطقيته مره ثانيه وثالثه ولا احد جاب خبري واقعد امخمخ شوي افكر هم ليه ما يردون وطبعا للتفكير قعدة ودخلت اصبعي في خشمي وقعدة انغف (يعععععععع) شوي الا صوت ابو صالح وهو يقول وتر وجععععععع طلع اصبعك يالوصخ من خشمك يووووووه اسمع الصوت ولا اشوفه واثرهم حاطين جرس وكاميرا عند الباب مع ان بيتهم يحوم التسبد بس التكنلوجيا وصلته كخخخخخخخ
شوي وفتح ابو صالح وقال يالله حيه....قلت يالله ضب تصيده ويعضك بزعمي ابنكت معه وهو يكشر بوجهي وقال محاوله جيده يا وتر للتنكيت ....وانا اللي اتطاوله وامطخه ببوسه على راسه قلت مساء الخير يا انكل كخخخخخ قال منهو الهنكل ياللي ما تستحي قلت لا يا خالي الانكل يعني خالي بالانجليزي قال ايه اشوى اقلط اقلط يالله حيه....ودخلني داخل وانا عيوني تبترم تستكشف المحل كله اغدي العيون الساهره تتفرج ولا تشوف كخخخخخخخ ويقعد ابو صالح يسولف معي وانا جاحد ابو جده ماني يمه افكر وش ابقول لقرقوشه حشاشة جوفي كخخخخخخ (اخص يالرومنسي) وشوي ويلتفت علي ابو صالح وقال وتر...قلت سم......قال ما تسنك معطيني الخامس ....قالت لا والله يا خالي بس اني اهوجس....قال ايه...يدرب الحب شو بيزل ....كخخخخخخخ....شوي والتفت علي وقال انا طالع الان وابرسل لك قرقوشه الان....قلت خلاص وانا في الانتظار.....طلع.....وقعد شوي.....وانا لاني اللي واقف ولا انا باللي قاعد انتظر شوي الا تحرك الباب وتحرك قلبي معه وبان طرف الثوب وكان لونه ابيض...وبلمحة البصر راح فيني التفكير وتوقعت انها لابسه ثوب الزفاف والشرعه ...شوى الا دخل ابو صالح واثره ثوبه بغيت اجاوبه بترمس الشاهي على خشته لانه قرقع بقلبي وهز كياني وانا لامنه اهتز كياني اتهور كخخخخخخخ المهم سمعت صوته يقول ادخلي يا قرقوشه.....ااااااااااااااااااااااااااااااااااه يا قلبي......وهي تقول سم يبه........اويلالالالالالالالاه على هالصوت ....دخلت ومعها كوبين عصير كوكتيل وواضح انه الربيع كخخخخخخخ وحطتهم على الطاوله وقعدة بجنبي....وهي مستحيه....وانا اللي تجيني النفاضه تقول قاعد في خبيتي كخخخخخ انا انتفض وهي تطق رقبه من الحياء وابو صالح يطالع فينا ويضحك ويقول تعوذوا من ابليس واركدوا.....ما عرفت اتكلم ولا عرفت اهرج ...وهي ساكته....شاف ابو صالح الوضع وقال عن اذنكم شوي وراجع....وانا اللي انقز واتعلق بشليله واقول تكفى يا ابو صالح لا تخلينا كخخخخخخخخخ(قايلكم خجول مره) ...قال هالحين ابرجع اركد يامال الغنيمه....واقعد شوي وقلت يا ولد كذا بتطيح من عين البنت ولازم تبادرها بسؤال.....التفت عليها وانا السعبوله ناشبه على البرطم وقلت قرقوشه....قالت سم.....وانا اللي اذوب واسيح واغدي صطب في ذنب ضب واغدي طيطه بخريطه واغدى عسل في قشطه خلالالالالالالالالاص سحت ......جمعت قواي وقلت قرقوشه قالت سم ياوتووووري واااااااااااااااااااااو يالطيف واااااااااااااااااااو يا ساتر وانا اللي اسمع صوت ابو صالح من داخل يقول وتر وجعععععععععععععع اركد .... التفت على قرقوشه وقلت ليه سموك قرقوشه(يلعن ام السؤال) ...سكتت ولا ردت عرفت ان السؤال رايح في عين امها.....قلت تيب قرقوشه ....قالت سم.....قلت ابعطيك لغز.....وان حليتيه....لك اللي تبينه....قالت يالله.....قلت فيه اسد وقرد وحمار قاعدين في غرفه طول سورها 9 امتار ولا لها باب وشلون يطلعون منها قالت يتسلقون الحمار وبعدين الاسد وفوقهم القرد.....كخخخخخخخخ وانا اللي اضحك واقول هذا نفس فكرة الحمار(قربع قربع) لا ما احد ضربني بس تذكرت اميمتي كخخخخخخخخ وهي اللي يكشر وجهها وتلتفت علي وتقول ليه انت سامج ياوتر وبعد مستخف دمك....حسيت ان الامر خرج من يدي وابتلاحق عليه....قلت انا اسف يا عمري بس حبيت اضفي جو من المرح والضحك.....قالت انا عارفه هالشئ... يا وتر.....التفت عليها مره ثانيه وقلت قرقوشه انتي قابله فيني....قالت ان قابله فيك يا وتر....وانا اللي انهبل واطلع اركض انا وبشتي للحوش حقهم وبعتها بتبن......واقعد اخمس عوووووووووووووووووو....عوووووووو وانا اللي ارجع بسرعه قبل لا يجي ابو صالح ويسفرني مع الباب والبنيه تضحك.....لان حبيبها انهبل (اصلن من قال انك عاقل كخخخخ )....واقوم واجدع عليها الرقم قبل لا يجي ابوها وقلت لازم تكلميني ونحاول نفهم بعض اكثر واكثر ونحاول ندخل انا وانتي في بوتقه وعالم واحد كخخخخخخخخخ(طلع الولد مثقف) قلت قرقوشه قالت سم....قلت انتي تعرفين تطبخين وقبل ما تجاوب قلت لا تستعجلين بالجواب امامك ثلاث طرق طلب مساعدة الجمهور او الاتصال باحد خوياتك او حذف جوابين .......قالت وتر وجععععععععععع ايه اعرف اطبخ قلت لها تيب يا عمري والله اني حبيتك من الطفوله تذكرين يا عمري يوم ما فلقتك بالصنقل وطلعت دمك كخخخخخخخ وهي اللي تكشر اكثر واكثر قالت وتر اذا بتستمر على استخاف دمك ابطلع من المجلس واتركك قلت وسعي صدرك يا قرقوشه ولا تزعلين علي وانا احب البنت الثقيله اللي تحكم عقلها وتفكر فيه وما تفكر بعواطفها ولا تستعجل باتخاذ قرار يتعلق فيه مصير حياتها والا ابقولك شئ مهم لا تقعد تذليني مع وجهك اللي كنه اثنين مضيعين في صحراء وعطشانين يبون ماء كخخخخخخخخخ وتطالع فيني بغضب وتقوم وهي زعلانه وهي طالعه قالت وتر قلت نعم يا حياة وعمر وتر قالت
تبون تعرفون وش قالت انزلوا بعد
قالت
اطلع من حياتي كخخخخخخخ
ههههههههههههههههههههههههههههههههههههههههههههههههه
ههههههههههههههههههههههههههههههههههههههههههه
هههههههههههههههههههههههههههههه
ههههههههههههههههههه
هههههههههه
منقول
العرض العادي
