... السلام عليكم ورحمة الله وبركاته ...
وش اخباركم ؟؟ وكيف الحال ؟؟ علووومكم يالربع <<<اخلص علينا
هذا سلمكم الله وأنا جالس اطقطق على هالمنتدى خطرت في راسي فكرة ليست بالجديدة<<<خطين تحت ليست:D
وقلت خلني أمحورها في شكل موضوع وأطرحها لكم بالمنتدى فيذا
طبعا أنا جالس أكتب الموضوع ارتجالي((على باله قصيدة))فإذا ما عجبكم اقضبوا الباب ولا تردون *w ,,, وإن عجبكم الله الله بالردود السنعة اللي تفتح النفس
<<<< اخلص هااات الموضووووع
االمهم الموضوع يا طويلين العمر بأنزله لكم بالجزء الثاني خخخخخخخخخخخخخخخخخخخخخخخخ
امزح امزح ,,, لحظة هزاز امزح اقعد لا تطلع *3 <<<بس هزاز وجه المصايب يقعد الباقي اطلعوا عادي *q
......... ندخل في الموضوع .........
المشهد الأول : ميـــشو جالس بالصالة يذاكر ,,, الساعة 4 ونص الفجر وعنده اختبار بعد ساعتين ,,, وهو حاليا بالتشطيبات النهائية
ملاحظة : ميـــشو ما يعرف يذاكر إلا يوووم يناامووون كل أهل البيت<<<والله جد
يطلع رجال قزيم لونه احمر على كتفه اليسار وماسك شوكة بيده لونها أسود ويقول : أقووول ميـــشو ما تعبت من الدراسة الله يهداك ,,, ورى ماتروح توسع صدرك شوي وتحط على روتانا الحين بتطلع اغاني جديدة عرض أول<<<<نصاب مافي عرض أول ولا خرابيط
ويطلع من الكتف اليمين رجال بعد قزوووم لكنه ابيض ولابس ابيض والرجال حليوة وشكله يفتح النفس ويقول : لا ياغبي لا تسمع كلامه هذا يبي يلهيك عن دراست خلك بكتابك وركز واترك عنك هالخرابيط وقلة العقل ,,, ماعليك منه تراه سربووووت<<<<ودي اعرف من علّمه هالكلمة :D
ويقعد ابو احمر يقنعني ويقنعني وابو ابيض يحاول يقعدني ,,, لكن شيطاني قوي واقنعني اقووووم وقمت غسّلت وجهي عشان اصحصح وأركز بكل حواسي مع الكليبات الجديدة ,,, عرض أول لازم نستقبلهم بأبهى حلة :D<<<<قروي ماشاف خير
وأجي وأنا مابعد نشفت وأبي أشبك فيش التلفزيون وإلا وذيك الكهرب اللي تنفضني وأنا أبي افك ولا أقدر ,,, وأقولها : فكي وأفك ,,, ولا اقتنعت ,,, المهم بالطقاق فكتني وما أشوف نفسي إلا وأنا فوق بالسقف معلّق كنّي قطو ولا متمسّك بالثريا خايف اطيح ,,, وينقال من خفة الوزن تعلّقت فيها ,,, ومافي كلها ثواني وطرااااااااااااااااااااااخ يسقط ميشو مع الثريا تاركا خلفه بقايا اللمبات المكسّرة والأسلاك المتقطعة وأبو أحمر أكلها تراب وطاح تحته وضااااااع بالزحمة
-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*
المشهد الثاني : الساعة 6 صباحا ,,, والدة ميــشو جالسة تصحي ميــشو
وتقووول : قم لا بارك الله فيك ,,, كسرت لنا اللمبات
الوالد الله يحفظه ينقال انه بيدافع عني : لعنبو دارك انتي ما تحسين ,,, ماعندك احساس ولا تعرفين تقيمين المواقف الصعبة ,,, الحين البلا ماهوب باللمبات ,,, البلا بالثريا اللي انكسرت هذي بسعر اللمبات 10 مرات
ميـــشو توه يصحى من الموووقف وصاحي منلخم ,,, كم .. وين .. وش صار ؟؟؟
ويتذكر اختباره وتزيد فيه اللخمة ,,, ومن اللخمة فك الميانة بينه وبين الوالد
ميـــشو : يبه بالله خذ المفاتيح شغل السيارة خلّها تحمى وأنا طالع البس ,,, ويمه بالله كوب قهوة الله لا يهينك
طبعا هو قال كذه وعينك ماتشوف إلا النووور ,,, لقى نفسه داخل السيارة والسيارة في طريقها للجامعة ,,, لكن الغريب إنه اكتشف إنه ركب من الدريشة لأنه مالقاها يوم جا بيسكرها عشان البرد :D
وراح الاختبار وبدّع فيه كالعادة = جاب العيد ,,, ورجع وهو يظن إن الأمور طبيعية ,,, لكن ما درى إنه تغير وصار عقله البااااطن يسمع الضفدعات((البنات)) وش يحكوون بالسر <<<<<زي ميل جبسون
المهم وهو راجع نزل التميمي((safe way)) بياخذ بيبسي ولبن للغدا<<<من اساسيات الغدا عنده
ويمر من جنب بنت ولا يسمعها تقووول((بينها وبين نفسها)) : وش يبي ذا هو وخشمه مسوي ثقيل يعنني حلو ,,, هههههههههااااااااي والله ناس
ميــشو((رجع خطوة للخلف)) : سمّي ,,, تحاكيني !!!!
البنت زاد حقدها واشتغلت الردح : وش تبي انت يا قليل الحيا ياللي ماتستحي ,,,متى بتبطلووون حركاتكم السقيمة يالشباب,,, متى بتبطلوووون تنطيل الوجيه على كل بنت تشوفونها وو..................
ما مداها تكمل كلمتها إلا وميشو راكب المووووتر وصار عند باب بيتهم من الربكة وهوّن ماعاد يبي بيبسي ولا لبن ,,, اصلا البيبسي مضر واللبن يسبب الخمول والحموضة <<<<اللي مايطول العنب حامض عنه يقول *w
المهم وأدخل البيت ولا ألقى الوالدة واختي جالسين بالصالة ,,, ولا أسمع اختي تقول((طبعا في سرها)) : جاكم عادل إمام على غفلة ,,, الحين بيقعد ينكّت ويضحك بلحاله يحسب إن دمه خفيف
ميـــشو : نعم ,,, منهو اللي بينكت !!!!!
أختــه : *s من كلمك !!!!!
ميـــشو ((حس إنه يهوجس)): لا أبد أكلم نفسي
المهم بديت اكتشف اني جالس اسمع كلام ماينقال وقت الغدا ,,, اسمع الوالدة وخواتي يتكلمووون ويحشووون وهم قافلين فمهم ,,, المهم ويوم تأكدت من هالحالة قلت لاااااازم أسوي غزوة للفيصلية وتخش محل ((هارفي نكلز)) ونسمع بربسات البنات وخربطتهم ,,, وأخطط لهاليووووم وأروووح ومعي البزارين ينقال إني بألعبهم بالملاهي
وآآخذهم وأقعدهم بالمطاعم وأقووول يا ويل اللي يتحرك فيكم وأبدأ الرحلة الاستكشافية *w
المهم هالمرة جد الباقي في الجزء الثاني ,,, تكسرت اصيبعاتي وأنا أكتب بهالموضوع ,,, والباقي يبيله جلسة وتنسيق ما ينفع ارتجالي ,,, انتظروا الجزء الثاني ومغامرتي بالفيصلية
مع تحياتي :
اخوووكم مشمش ,,,
العرض الشجري
