هاااك العصريـّـه منسدح بالديواانيـّـه .. مشغل الستلايت على L B C
ومتبطح قدام التلفزيون .. ومفهى مع برنامج ما إلك إلآ هيفاآآ
يا ولد لزوم نمارس هالرياضه مثل حقين لبنان ذولآآآآ ...
والله وتطلع هيفاااء ...أنعل أم الفلللللللللللللللله...
:D
وأنا كذا .. شوي وأمي تزااااعق مع الشبـّـآآك:
هـــــــزآآآآآآآآآآآآآز يا مااااال الرفااله قم ودني للسوق
أنا :
يماااه خليها باكر ما تشوفيني حاشر نفسي بالديوان جالس اذاكر
ورااي أختبار أقشر والدكتور متحلف فيني ?
<~~ يقطع أم الشليخه بس
الموووهم
وأعطي أمي ركبه وهااات يا طنااااش وأرجع أتابع البرنامج
شوي وأنا متبطح قداام التلفزيون ما حسيت الا وأبوي دااعس راسي من العلابي
ويصااايح في أذني ,,,,,,,,, أبوي :
قم أقلع أمك وأخوانك للسوق لابوكم لابو من جمعكم فيذا يالسمرمد
والله وتصير النفسيه زي الزنوبة :(
وأنا اللي أقوم و روحي تقطر مع البرنامج ودي أتابع الرياضه ?
المهم وأجمع أخواني السمرمد ونطقم كلآآآآآتنا بالترنقاااات الخضر بو خطيـّــن
وجواتي أديداااس إلا أخوووي الصغير لبس صندل <~~ يقال له متميز
الوكاااد مالكم بطولت الهرجه
وأكدهم في صندووق الوانيت وأدز على مجمع الفيصليه ..
~~~~~~ عند الإشاره ~~~~~~
راعي فياقراا :
يا الحبيب على كم الرااس من ذوولااا اللي في الصندووق
وأنا أللي أقمط العافيه ( تقول لازخني شوط كهرب 220 )
أخاف أناشبه يطلع ولد وزير..
وأسوي روحي ملتهى بالراديوو من الربشه خخخ
ما حسيت إلا وأخوي اللي في الصندووق ورى :
يااااي يالخكري ,,, مع وجهك .. لو فيكم خير ,,
ما كاان دجاجكم يبيض بدون ديك <~~ وش طرااه الدجاج عليك يا الدااشر
:D
((و قاموا يحارشووونه ))
راعي الفياقراا ( يحب يده وجه وقفى ) :
أيه ,, ذاا اللووح اللي يسوق شكله يبي يوزعكم على الاشارات والمجمعاات التجاريه
لزووم التسوّل والشحاذه يا الدشيرة
<~~ الى الان قامط(ن) العافيه
ما حسيت الا طلعوا خواني النبابيط ,, يوم شافهم طاااف الاشاارة وشرد
وأنا اللي أنزل من الوانيت وأصيييييح وأناديه :
أيييييه لو فيك خير كاان أنتظرت ,, والله كاان ليفتك بمفتااح الكفرااات ذا
وسدحتك فيذاا وفركت علابيك على الرصيف يا السرسري ...
<~~ ما عنده غير الهيااط
الوكااد
~~~~~~~~ يوم وصلنا المجمع ~~~~~~~~~
ونزلناا من الوانيت ,, حنا ولبسنا .. طقـّـه وحدّه اللـّـي يشوفنا
يحاسبنا المنتخب السعودي للناشئين برحله إستكشافيه!
المووهم
أول ما دخلناا المجمع .. تذكرت أمي ,,, أووف وش اللي خلاني أنساهاا
وأنادي خواني يلاا على السيارت بنرجع ...
ألاآ وهم ركـْـضـه على السلالم الكهربآآئيه صاعدين نازلين هالمشافيح
ذااك نازل يركض والدرج صاااعد وذاااك عااكس .. لحوول
وذاا متبطح على السلـّـم ...
وذاااااك أخوي الدب يسد على الناااس ما يبيهم يصعدون
حتى جااه وااحد مستعجل ,, وخـّـر يد أخووي وهو مستعجل
- أخوي ( بكل ملااغه .. وشفااحه .. ودفااشه ) :
هيه أنت ! دوري لا تصاااقط ,,,,,, وقاام يركض يسابقه من أول واحد يصعد ويوصل
<~~ أخوانه عاهات يالله لك الحمد :(
وأنا أمسك هذااا وأجيب ذاااك وأكتف ذااا وأتحلف بذاااك *2
لمحت بطرف عيني ,, إن وحده تخزني ? صار لها فتـّـرة
<~~ ضاعت علومي ?
والله فرصتك هـــــــــــزاااااااااااز ترقمها وتصير عندك خويـّـه زي البشر
وأقعد أغمـّـز لها بعويناتي وأرقــّـص حجاجي وقلبي غدآآآ له نفيض
يااا ولد والله عليها عيون ~~~~~~~> غزااال
أنا من أول نظرة وأنا خااااق معاها ( حبيتها ) ,,,,,,,
وركـْـضه أزبن الحمام وأمشط القذله... وأشيك على سكبتي...
وأمسمس خدودي أبيها تحمــّــر أكثر... وأدهن رموشي بسعابيلي ..
<~~ يقاال له على الترنق الاخضر لبنااااني على غفله :D
وأسجل الرقم وأنا قااامط العافيه من الهيئه أخاف يصيدوني
<~~ مدري وش عند القمطاات علي اليوم
والله وأمر من جمبها وأحذف الرقم بالكيس ,,,
شاافوني خواني قااموا يصفقوون ويصفرون من الشفااحه الله يرجهم
وأنا اللي من الفرحه أخذهم على الكفترياا ,, وأقول لهم بهالمناسبه
كل واحد فلافل وسن توب على حسابي
وحنا جالسين بالكفتريااا نتهاوش على المخللااات
نقز أصغرهم يصييييح في إذني :
شف هــــــــــزااااااز الحرمه واقفه عند باب المطعم الظاهر تبغى سندويسه
ألتفت ,, إلا صج واقفه بعيد تناظرني بكل جرئه...
أشرت لها بقرطااس سندويسه ........... ماااش ما تبي
أشرت على العصير ........... ماااش ما تبي
أشرت على صحن المخلاااات ......... مااش ما تبي
أشرت لها بحدى خواني .........برضه ماااش ما تبي
:D
لحوول وش تبي ذي ...
والله ونلم عفوووشنا ونتسحب على السيارة والا والحرمه تمشي ورااااي
وأنا اللي أطنشهااا وأقول في نفسي :
( وش ذنبي إذا الله خلقني جميل وهذي تلاحقني *e )
والله وأصعد الوانيت وأخواني طمروا على الصندووق
إلا والحرمه اللي رقمتها صعدت بالمرتـبـَــه بجمبي
<~~ ركبي جتها النفاضه من الرووعه <~~ أيه معلوم يا المشفوح
والله وحنا كذا وأنا منصدم من الموقف
ما حسيت الا بلززخه نعاااال على جبهتي
ما أمداني أشلع الزنوبه من دماغي ,, إلا والحرمه رفعت برقعها
أطااالع ,, أبقق عيوني ,, الا وهذي أمي
يا ولد خخخخ وأنا من شوي مرقمها
<~~ هذا طبع الخكاريه ما يعرف أمه أذا تغطت
:D
أمي:
لاااه يا الهيس الاربد بعد قاااط رقم تلفونك بالكيس هاه
أيااا اللووقي ,,, ما بقى الا أنت أخذ رقمك بعد كل هالعمر
انا :
والله أنتس حوطيه .. يوم عرفتيني ليش ما تكلمتي خخخ
- إلا يماااه وشلون تعرفتي على أبوي أجل ,, تسني بتس مرقمتس عند الغدير
خخخخخخخخخخخخخخ
أمي :
أنثبر وشوف دربك على البيت
أنا :
طيب ... بس يمااااه شلون جيتي على السووق لا يكون أستخدمتي مكناستس السحريه
أمي:
أبوك جابني بس بعد المطاقق والهوااش .. وقاال خلي الهيس الاربد يرجعتس
أنا :
يمااااااااااه , وش معنى الهيس الاربد
أمي:
أنطم وبلااا لقافه
,
,
,
:(