مراحل مرت بعمري عجزت القى لها تعبير...
بعد مافاقت الصمت الرهيب وثورة أسراره...
ثلاث عقود مرت وابتدا التفكير بالتفكير...
وقلت أكتب شعوري في القرار الصعب واختاره...
بديت الطفله اللي مع جنون احلامها بتطير...
وتزعل لالقت طفل حزين بداخل الحاره...
وانا طفله وافكر في مصير العمر كيف يصير...
واحس بكل من حولي قبل مايشرح اخباره...
وجريت بهالزمن كني اسابق في فضايه طير...
تحملت الطريق وكل مخطي جيت باعذاره...
إلى منه نصاني شخص طبعي يرفض التقصير...
أقدم كل مااملك بشموخ العزم وإصراره....
كثير أضطر أجامل لاجل غيري يصير بخير...
لو ان الصدر من حر الكلام يولع بناره...
واحيان اشوفها واصد عنها والكبير كبير...
لاقالوا بنت شيخ مااشتكاه الجار والجاره...
يشرفني ويجعلني على ذاك الطريق أسير...
ويبعدني عن دروب الخطا والزيف واغباره...
وصلت بفضل ربي للمكان اللي له التقدير...
ومن يجرح شموخي فوق راسه يهدم جداره...
أموت ولاخضع راسي واموت ولاانحني للغير...
ولو قالوا ترى الايام يا.....غداره..
على وضح النقا ماهمني من مستواه صغير...
أطوح للبحر بالموج ولاأحتاج سناره..
أقدم طيب والقى الغدر والنكران والتزوير...
زمن خلا المشاعر فيه للطعنات أماره...
أنا ادري بالعزى في واقعي مايقبل التبرير...
وأعرف اني على الايام والالام صباره....
وشعري لين انا قلته اقوله مااستشير الغير.....
ولا من قال أنا شاعر غصب تعجبني أشعاره |