يا النوف يا بلسم فؤادي والانظار *** ويا درةٍ بين المخاليق حيّه
يا نور قلبي لا غدة عنه لنوار *** ويا فيّ عمري لابغى يوم فيّه
يطري على بالي هواجيس وافكار*** ويطري على بالي همومٍ قويّه
ويطري على بالي غريبات الاطوار*** اللي تبدل بالمكارم رديّه
شفت الصبي يطرد ورى زول الابكار*** ما يدري انه في محارم خويّه
جعل الطبيب اللي يداويه يحتار*** واتلا علاجه يحرقه بالف كيّه
وشفت الفتاه اللي كما شمعة الدار*** والله عطاها من الحسن كل نيّه
بنت الرجال اللي على شبت النار*** الطيبين أهل الكرم والحميّه
دنت خشوم اللي كبيرين الاعمار*** وبانت سواده في الصحايف جليّه
أخطت وحطت في الوجه بصمة العار*** وامست كما تمسي عليل الضحيّه
هذي حقيقه واقعه سر وجهار*** إبليس ما يترك ظعاف البريّه
استغفر الله واشكره فكل الاذكار*** اللي حمانا من دروب الخطيّه
العرض الشجري
