- يوم مرت قلت لحضه قالت انت وش تبي
هات علمك قول يالله هات عملك هات هات
- قالت اخطيت الطريق وقلت من قلك نبي
كلنا نخطي ونخطي مير لله الثبات
- قالت اطغاك الغرور ولاتجي ربع ذهبي
قلت جوزي عن غلطك ولا يجي منك انفلات
- ماني بعبدٍ لابوك ولا اشتغل عندك صبي
لا ولا جيتك فقير يطلب ايديك حسنات
- قالت الظاهر زعلت وقلت انا رجل عُربي
عزتي تسمو سموالشامخات النايفات
- قالت امزح قلت مزحك زود جروح اتعبي
كل شي الاالكرامه مابها جود وهبات
- قالت اطلبك السموحه والعفو ذا مطلبي
ما قصدت اجرح شعورك يا جريح الذكريات
- والله لسانك فصيح ومذهبك من مذهبي
بس فيك من الغموض اشياء واشيا مبعثرات
- بسألك وش تفتخربه قلت قصدك منسبي
منسبي من اهل الطيب واهل المكرمات
- ربعي اللي فاللوازم ما تجي مشي وحبي
تمتطي صهوة خيول للوازم مسرجات
- تنطح جيوش المعادي لين تسبيها سبي
ما يعرفون التخاذل والبيارق عاليات
- قالت اش معنى جروحك قلت عنوان اكتبي
ابتدت بي واعصفتبي من عصور ماضيات
- قالت اشقاك الغرام وقلت يصفى مشربي
لا تجرعت الغرام بكف سيدة البنات
- خلي العاذل يموت بحسرته يا مكسبي
وسلكي درب نحقق فيه أغلى الامنيات
- قالت اطربني كلامك... وبن عني مختفي
يا عسىتفداك روحي والسنين المقبلات
- قم معي نبني صروح الود يالشهم الابي
دام مقصدنا شريف ومالنا عنه غناة
- وهذي القصه مع اللي جت وقالت وش تبي
هات علمك قول يا لله يا جريح الذكريات
وسلامتكم.................................انتهت.... ....................................
الشاعر / محمد القثامي
اختيار اخوكم/ نجم سهيل
ملا حضة بعض الابيات ماذكرت لان القصيدة طويلة بس اتمنا اني جبت
يعجبكم
العرض العادي
