احيان احس انك تماري بي كثير
واحيـان احس ان المعزه مذله
واحيان احس انك بلوعاتي خبير
واحيـان اشوفك غادي عن محله
بك يستجــير ويستخـير ويستثير
قلب ملكت اقصـاه كلــه وجله
طفـل صغـير ولابقى غير الصغير
اللي كبـــر في عين ولفه وخله
يــا آخر اوجاع الزمان المستدير
ويـــــا أول افراح الليال المقله
ويـا آخر أيـــام الشتا والزمهرير
ويــاأول أيــــام الربيع المظله
ويا آخر الحلم اللي في جوفي كبير
ويــا أول امطــــار سمانا تهله
يـــامنتهى لفح الظهاري والهجير
ويامبتــدا ظـــل تنــامى بظله
بـك ينتهـي اســر الليالي للاسير
وبـــك ينتهي بالـروح مليون عله
وبــك يبتدي ختـم المسيره للمسير
خطـو غــريب ولالقـــى من يدله
ياليتي القـــى للاحــاسيس تفسير
لاقمــت احس ان المعـــزه مذله
ويـاليتي القـى للتنـاهيت تقديـر
فـي قلـب من كلي هوى كل كله
[shdw]أتمنى ان أختاري عجبكم,,,,,,,,, مع تحياااااااااااتي الأشواق[/shdw]
العرض الشجري
