[poet font="Simplified Arabic,4,blue,normal,normal" bkcolor="transparent" bkimage="backgrounds/11.gif" border="none,4,gray" type=2 line=200% align=center use=ex length=0 char="" num="0,black" filter=""]
رفيق( الغربة) القشرا...رفيق الجرح والترحال "="تعال نحسّب الماضي... تعال نقسم الاحزان
أشوف الوقت يجلدنا...ولا في هالزمان رجال"="بعيدٍ راعي الفزعه...قريبٍ منطق الحـــرمـــان
أذا ماتت أمـانينا طبيعي لو يضيــــق البـــــال "="وأضن أن الفرح بدعه...فرضها واقع الانســــان
نكابر نحبس(العبره)...ومع هذا بدت تختـــال "="تدور للفرح(مثلي)!!!بخدٍ شاحبن ضميــــــــــان
يقولون الصبر مفتاح...كلام الناس بالامثــــال"=" أشوف الصبر مارجّع لنا(المقدس)ولا (الجولان)
دبى..بعروقنا سرب الخمول ومالقى مقيـال "=" تلحّفنا الهموم (كباااار) نكّسنا مدى العرفــان!!!
حلفنا دام هي غربه نحملّها (تشيل ثقــــال) "="تحيزمنا...(بعزتنا) وعزمٍ لو قســـت مـــــــا لان
صديقي..يارفيقي..جف ريقي..مابقابي حال "=" سوى حلمٍ أشيله...ماحنتني ضده الأزمـــــــان
كتبت الشعر ماقصدي يحفضه لابسات الشال "=" وكتبني شعري التافه!!!برسمٍ باهت الالــــــوان
تخيّلت المطر(دمعــــه) حداها وقتها للجـــال "="وذي(حريتي) غرفه صغيره...وأربعـــــة جدران
قصيد (الغربة القشرا) كسرّته ..كسّرة الفنجال"="ولولا نظرت الجـــــاهل حذفت (القاف والاوزان)
[/poet]