]مرحبا اقولها لكم على عدد الهرفي بالرياض الهرفي هذا اللي عند كل اشاراة بالرياض وعدد البيك بجدة ووكثر ماصجونا جنغل لاند وجدة غير !!!
ابي اسولف لكم عن ماساتي لما كنت في الصف الاول ثانوي قبل عامين تخبرون اولى ثانوي كثرة مواد 24مادة على غير سنع ماقلنا شي اوكي؟؟
وعندنا مديرة يووه ولا اروع ياحرام انا متاكدة انها مريضه نفسيا الله لايبلانا وجاية تحط حرتها فينا وجهها كذا بس على ازفت بعد وحنا مثل ماتعرفون بنات رقيقات هههههههههه الرقه مفارقتنا ماشغلتنا غير نحرق المدارس(بنات جده +مكة)
يكونون اكبر عصابة المهم ابي احكيكم وانقل لكم على الهواء مباشرة(متاثرة بالقناة الاولى)
احدى ايامي في اول ثانوي00
الساعة تشير الان الى 6صباحا بتوقيت جدة_اقصد الرياض لا بتوقيت المملكة وانا (الاميرة الناعسة)اغرق في سبات عميق تدخل علي زينة الشكلة خدامتنا تقول يالله يالله قوم باعلىىىىىىى صوتها تقول انها قاعدة تخطب اقولها سيتي كم الساعة!!
يالللللللللله قوم اس في انتي الحين الساعة سته ونص وخمسة وعسرة!!!!!!!!!!!
اااااه ياشينها من ساعة في هذه اللحظه اتمنى ان الارض تنشق وتبلعني اكمل حلمي
والله كان خطيييييييييييير كنت احلم اني عايشه في مدينه شوكلاته
المهم ما اقوم لما يجي اخوي الاصغر مني ويسحبني للمغسلة ويرش على وجههي مويه يووووووووه وامي تجي وتكملها (انا الكبيرة يقالي ترى)
المهم البس المريول الاصفر وامشط جدايلي واغدي كذا ;)
ونركب السيارة واحط راسي عاد السواق مايسمع الا شخيري المهم لما نوصل
يجي اخوي يصحيني ادور على الشنطة يوووه اكتشف اني نسيتها في البيت من حسن حظي المدرسه قريبه من البيت والا كان اخوي اتجنن من زمان مني وانزل اسحب رجولي ما اشوف دربي الدموع في عيني والله عن جد ابي ابكي ...ابي امي ..ابي ابوي..ما ابي المدرسة..وجههي على كذا
اول ما ادخل فيه بنت نظام عند الباب من داخل تطالع في كل بنت تدخل (الى يومكم هذا ما ادري وش قصتها)؟؟تطالع بعويناتها شكلها بنت سرية تعلم المديرة بحركات البنات
لولا النوم كانت وقفت وقلتلها مقطع من قصيدة خالد المريخي(ياللي تطالعني وكنك ماتطالعني نظرتك هذه حبيبي لاتكررها)00000
ادور على شي ينشطني اشكال تنعشني وما اشوف الا شكل واحد "لبس واحد
حركات وحدة "0000وانا ماشية في الساحة كل دعواتي ان الله يعدي لي اليوم بسرعه وارجع اناااااااام ..في هذه الاثناء وصلت لزميلاتي المصرقعات الله لايوريكم
كل وحدة متغطية بعبايتها ونايمة على صبة في الزاوية يذكروني دايم في الشغالات اللي نسيوهم النقل الجماعي في عرفات بمكة000 اسلم عليهم من راس خشمي
والله عاد مايستاهلون بس حكم الله اقوى !!!!
يدق الجرس والجميع يتوجه الى الطابور واقول يالله لو كل وحدة اللحين رايحة سريرها ااااااااااااااه الطوابير اااااااه شي صعب شي ولا افظع طوابير كلمة تشير الى الاشمئزاز(اذاعة طويلة _روائح كريهة_مديرة هبيلة لاقصى حد)00
تمشي الطوابير بعد تجنيد استغرق نصف ساعة وقوف حشاء داخلين كليه عسكرية
طبعا نمر والمديرة تقزنا وحدة وحدة تبي ترصد المخلفات تناديني فلااااااااااانة تعالي جنبي على جنب وتطلع كم بنت معي على اسباب تافهه
المديرة "ليه حاطه كحل؟؟
انا" لا يا ابلة انا ماني حاطة كحل بس اظاهر عيووني كحيلة
المديرة يرتفع ضغطها"تتمهزئين هاه
والله ماني حاطة
المديرة روحي فصلك!!!!
المهم علينا الحصة الاولى English احسن مافي الموضوع اني انتكت واضحك على اشكال البنات00000المهم حصة ورا حصة وانا صار شكلي كذا في الفسحة ما امداني اعين من الله خير تجيني بنت معها رسالة تعطيني اياها وتقول يا..........انا معجبة فيك انا ما اقدر اعيش بدونك......اجي اقولها مافي احد مايقدر يعيش علشان احد لاتستهبلين اعطينيني مقفاك حبيبتي لاعاد اشوف وجهك00(وحدة عربجية :ss:
المهم جت الحصة الرابعة تدرون وش علينا علينا اللي جعله مايصير عليكم من شر علينا رياضيات000تدخل الابلة طبعا وانا معاي حلاوة مصاصة ام ثلاثه بريال
تقول بهبالة (لاتنقدون علي من جد الابلة هذه ينفر منها الانس والجن)تقول "يا00000مخلصت الفسحة ؟؟؟تنكت ايقالها وانا اقول بنفسي يايشين السرج على البقر اللي جنبي حجازية تقول ايش يعني ايش الهرجة ايش تقولي"
اقولها سلامتك يابعد الابلة والرياضيات انتي (ابيها تسكت تقول بزرة ماغير تسال)
اااااااااااااه في هذه الحصة اذا مرة مافي شي افكر فيه !!
افكر في الغداء ياترى هو جريش والا سليق؟؟؟قرصان والا مرقوق؟؟
في هذه اللحظة تقومني الابلة تقول يا00000(جتا والا قتا)
واقول والله مادري بس اتوقع جريش المهم والله اني ودي ازغرت
اذا خلصت حصة الرياضيات 0000000000000000وعلشان ما اطول عليكم واتعبكم معي هذا حالي الى الحصة الاخيرة قد يطرا علي تغيير طفيف غير ملحوظ
لاجت حصة التاريخ والجغرافيا(تخصصت ادبي طبعا)ونجحت هذيك السنة من اول ثانوي بنسبة89% ولله الحمد
]لكم مني احلىىىى تحية محملة باغلى واجمل العطوووور والزهور[/SIZE]
العرض الشجري
