الكلام ماهو جديد
لأن غيري سبقني .. وقبلي كثير قالوه
وماعندي شي اضيفه .. ولا على كلامهم ازيده
ولكن هناك كلام احيانا يخص المرء بة الاعزاء على قلبة
ا
و اهلة او بعض اصدقائة ليس لشيء
ولكن لمحبتة لهم ويريدهم ان يكونوا
افضل الناس بأعين الأخرين
فأنتم اصبحتم الاعزاء الى قلبي
واصبحتم اهلي واعز اصدقائى
ولانى اريدكم ان تصبحوا
افضل الناس
ومن غلاكم ومن محبتكم اللي سكنت وسط القلوب
خلونا نكون صريحين مع انفسنا قبل نكون مع غيرنا
وخلونا نكون واقعيين في تفكيرنا وفي طرحنا
سؤال كبير ... وكبير ... اسأل نفسي فيه قبل اسألكم
وصدقوني راح اجاوب عليه ,, ولوتبون اجابتي علمتكم
ليش الغيره والحسد
ليش الكره والحقد نزرعه في قلوبنا
ليش المحبة الصادقه البريئه نحجبها عن غيرنا
ليش نفرح بالزلة اذا جت من غيرنا
وليش نتصيد الأخطاء والعيوب .. وننسى العيوب اللي فينا
ليش ندور ونفتش ورا هفوة , و ورا غلطة , وننسى او نتناسى ان
الانسان ماهو معصوم من الخطأ
ليش الغيبة والنميمة
وليش الكذب والخداع
ليش ماندمح الزلة .. ولا نتسامح الا مع اللي نوده
ليش العداوة والاحتقار
وين المحبة .. وين الاحترام
ليش نسمح ان لساننا ينطق بالسب والشتام
وليش نسمح ان يدينا تكتب اقذر وأحقر عبارات الكلام
وين التربية .. وين الأخلاق .. وين الاحترام
صدقوني ان بالقلب اكثر من هذا الكلام
اتمنى من كل عضو انه يفكر كثير قبل يخاصم او يعادي او يهاجم
وش يضرنا لو كسبنا ولاخسرنا
وش يضرنا لو تسامحنا ولاتخاصمنا
نكسب المحبة والمودة في قلوبنا على الدوام
ليش مانفكر اننا ندحر الشيطان حتى لو كان الحق معنا
وليش ماأعود نفسي على التسامح وعلى النسيان
والا نسينا اننا محاسبين على الكلمة وعلى الغمز وعلى اللمز
والا يمكن نسينا ان الشيطان يحرض والرقيب يكتب
ويوم القيامة نشوف كتابنا ونقرا هفواتنا ونتذكر اخطائنا
ليش مانحاول نخلي كتابنا ناصع وقلوبنا انصع
هل هو صعب او مستحيل
لا والله ... وكلنا نعترف اننا دايم مخطئين
ارجع واقول انه من محبتكم ومن غلاكم
وحتى نكون في الود مجتمعين مثل الأهل والأخوان
ومثل الأصدقاء والأحباب تجمعهم المحبة ويفرقهم الاحترام
ارجو ثم ارجو والأمل فيكم بعد الله كبير
اننا نتعود على الاحترام والتسامح وننسى ان كان بيننا بعض الزعل
ونفتح صفحة جديدة ,, ونغسل قلوبنا من نزغات الشياطين
وكافي اللي فيها .. ومانبغى همومها تزيد
خلونا نجرب ونشوف وين يودينا الاحترام .. وبعدها قولوا لي اذا كنت انا غلطان
اخوكم المحب لكم
الموااادع
العرض العادي
