لاتشتكي حالك على كل من جالك
* * *بعض البشر يفرح إلى قلت مهموم
يخفي سهومه بين همك وشكوالك
* * *يشمت بحالك والحصيله شقا ولوم
وارفع يدك للي كريم الا أعطاك
* * *جزل العطايا هادي النفس للنوم
واحذر من اللي ينقل الهرج لعداك
* * *يظهر لك بطيبه وهو منه معدوم
قلبه مريض ويزرع الشر بدواك
* * *يعرض عليك الرأي والرأي مسموم
وأبعد عن اللي يستغلك الا جاك
* * *تلقى صفاته بين الأخيار مذموم
احسب حسابك في كلامك ومعناك
* * *وسط المجالس كل ما أدليت بعلوم
خل سمعك أكثر من كلامك ودلواك
* * *تلقى القدر يمك من الناس ملزوم
ولا تذكر أفعالك بما تجود يمناك
* * *عنك الولي يدري لك الخير مقسوم
وخلك مع اللي يشتكي لك وينخاك
* * *بك ينتخي من ضيم الأيام وهموم
خذها وصايا وتسعدك ودوم ودنياك
* * *واحفظ معانيها وتحفظك من اللوم
العرض العادي
