[poet font="MS Sans Serif,6,deeppink,normal,normal" bkcolor="transparent" bkimage="backgrounds/3.gif" border="ridge,10,purple" type=2 line=200% align=center use=ex length=0 char="" num="0,black" filter=""]
أصــــدقــاي وبـعــض خـــلاّني ؟!!
معاك وقبلك وبعدك .. حبيبي خاطري مكسور = ولكن ماأبي تكسر خواطر شعر مـن شأنـي !!
حبيبي والشعر دمي نزفته والجـروح غـرور = أعديبـه أرماحـي للصـدر وأشـق وجدانـي
أحبه وأعشقه مثلك ( فديتك) .. ماتجي بقصور = مادام أنّـي أقصّـر قامتـي حتـى يتْعلانـي
وانا لامـن تعلابـي وعلّيـت المسـا بالنـور = يصير الصبح يدخلنـي معـاه بكـل بيبانـي
لأني لأنطعنت من البشر ماأحب شعر الـزور = وأنا زوري قصيد ليا صدق في زور بهتانـي
أحس أني بديت أبني عليّه من قصيـدي سـور = عليك أن طلت ( ساسه) ياقصيد اللـي تحدانـي
تعبت من الصور اللي (تـلـمـّع) أبسـط الميسـور = وأنا والله أخلـي أصعـب الميسـور بأمكانـي
لأن البوح روح النفس .. صبحٍ في نفس ديجور = وتعال أن كنت شاعر وأعّرفك وشلون تلقانـي؟
أدوّر (حب وهمي) وأن شكيته صرت به معذور = إلى مني بغيت أخدع جميـع النـاس بأنسانـي
ولكني أعبّر وأعْرف إن الصـدر فيـه قبـور = وأنا ياما دفنت به ( أصدقاي وبعض خلاّنـي)
هذاك اللي يحب ويشتكي للناس كثـر الجـور = وهذاك اللي يشع بظلمتـي ويّطفـي أركانـي!!
مدامه ( حي ) فالميت وقوفـه للزمـن مقـدور = وأنا مالي وماله كان ( طحـت ) ولا تعدانـي
سما الشعّار نار ليا أمطرت (مي القصيد) يفور = لذا : من يشعل النار بخفوقي كيـف طفانـي؟
أحبه من هنا حتى مواجـع جرحـه المحفـور = على صدر الصخر في جنب قلبي وسط وجداني
وله عني ثلاث أيام وأدري له ثلاث شهـور!! = مادام أن الزمن في ذمـة اللـي .. بيتْحرانـي
ياعمري والزمن أعْرف مطاليبه تقص ظهـور = جمايل .. والرجل لامن تجّمل صـدق سمانـي
إذا هذي الحياه أتظيق أوسع من صدر عصفور = رسمتك في براءة ريش عصفور الزمن ثاني !!
كبرت بها التعّري وأنصغرت فبوحي المكبـور = حبيبي داخلك شف عمر حبك ويـن ودانـي ؟!
((أبـونـــايــــف)) .. الخميس 17 / 5 / 1424 هـــ
[/poet]
[poet font="MS Sans Serif,6,black,bold,normal" bkcolor="transparent" bkimage="backgrounds/15.gif" border="ridge,10,deeppink" type=2 line=200% align=center use=ex length=0 char="" num="0,black" filter=""]
كل ماطاح من نجم ؟!!
قلت آبعيل .. عل أكسب شعـورك معـاي = لأن مابـه رجـل ياقـف قبـل لايطـيـح
فعلاًً أخطيت بس أعـرف وقّـدر خطـاي = أنا ماخطيت غير أنـي عرفتـك صحيـح
تـرى لـو طحـت ماخلـيـك والله وراي = قلـت أبكتبـك ود وأحفظـك وأستـريـح
وأنـا عاقـد بوجـه الله ثــم أبـرجـاي = أذبح اللي حمـل شعـره بسيـفٍ جريـح
وين شعـري الـى منـه كتبنـي سـواي = وين غيري مـدام الشعـر لفظـه صريـح
ماتماديت وانـا أدرى بشـر عـن مـداي = لا .. ولا هو أنا اللـي جابتـه كـل ريـح
أختفى كل واضح .. جيت أوضـح خفـاي = (ومايصح أبكلام الناس غيـر الصحيـح)
بينهم كنـت شـارد مـن خـلاي أبخـلاي = ولو أبي كبـد وأحدهـم فـلا مـن نطيـح
دام بـه ذيـب يعـرف علتـي وش بـلاي = وانت يانايف .. الذيب .. الخوي .. الصريح
ياخويي وأعْرف أعـداك غيـر أصدقـاي = لأن أصل الوفـا عـرق الرجـال الفليـح
طبعي أكبر مـن طبـوع التطبـع معـاي = لايهـمـك مسـبـه ولايهـمـك مـديـح
كـل ماطـاح مـن نجـم أخـف لسمـاي = وأنت ماأسمح أنـك مـن عيونـي تطيـح !!
((أخوكم الـشـاعــر مـنـصـور الـرويلي))
[/poet]
العرض العادي
