انت يا أول حب فى عمرى
تكسر تهزم تهدم عمرى
اديتك كل حاجة
كسبت منك ايه
ما خدتش أى حاجة
و الظلم رجعت بيه
...................
حتى حبك حتى قلبك كانوا دايما كدابين
حتى عينيك حتى شفايفك كانوا على طول جراحين
و كل ما أبعد عنك ترجع
و كل ما احبك و أرجع تخدع
طب ليه الظلم فيّه
حرام
حرام عليك تجرحنى بعد ما حبيتك
و تسيبنى بعد ما اديتك
كل حياتى و عمرى خلاص بقوا بيتك
ده أنا سيبت حياتى أمانة ما بين ايديك
و سيبت عمرى توديه و تجيبه براحتها عينيك
..................
ليه تخدعنى ليه تجرحنى
ليه تكسرنى و تحسرنى
على أيام قضيتها معاك
و أندم على كل لحظة شوق للقاك
و أرجع تانى أحبك و أرجع أحن لرؤياك
ترجع تخدع ترجع تكدب
ترجع تكسر ترجع تهدم
كل آمالى و أحلامى اللى حلمتها وياك
و بعد ده كله تقول مظلوم
و تقول ان حبى حواليك على طول بيحوم
و عايزنى اصدق؟
طب ليه اصدق؟
اصدق ايه و لا ايه! ايه الدليل؟
غدرك و لا هجرك و لا كدبك و لا جرحك
و لا ايه و لا ايه؟؟؟؟؟
..................
حرام عليك كفاية بقه
كفاية فراق و لقى
أنا حبيتك آه مانكرشى
أرجع ليك لأ مقدرشى
علشان لازم أفوق من وهمى
و أتخلص من جرحى و ألمى
يعنى خلاص مش قادر قلمى يكتب كلمة كمان لعينيك
يعنى خلاص مش لازم حبى يرجع يقولك شبيك لبيك
أنا اللى حسيبك و فى حياتى تانى ما حاجيبك
أنت ألمى و نار آهاتى
أنت عذابى و أسوأ ذكرياتى
.....................
ابعد عنى خلاص مش قادرة أتحمل تانى خداعك
ابعد عنى خلاص أنا شفتك من غير ما تلبس لى قناعك
شفت الوش التانى لحبك
شفت الناحية التانية لعشقك
ابعد عنى خلاص مش شايف انى خلاص مابقتشى أحبك
راجع تانى ليه مش خايف أجرح فيك و أتنازل عن قلبك
ابعد امشى أحسن لك
أحسن نارى تشعلل قلبك
أحسن غضبى يشوه كل ملامحك
مش عايزاك لأ مش عايزة
أفضل دايما على طول شايفة
مصدر ألمى و جرحى و همى
..................
أنت خلاص مابقتشى حياتى
أنا مسحت اسمك من ذكرياتى
دمى خلاص ما بقاش فيه دمك
اسمى خلاص ما بقاش من اسمك
23/7/2002
cutie_soso....
نص جميل...
معانية قوية...
فيه مناجات للحبيب...
مرسوم به تفاصيل جميلة...
أشكركِ سيدتي على اتحافنا بهذا المشاعر الرقيقه..
ارق تحيه سيدتي..
...خالد...
مرحبا اختي
مشاركه جميله وراااائعه
استطعتي من خلالها ان تجدي لك مكان
بين المبدعين في ابداع القلم والكلمه
يعطيك العافيه واتمنى لك مزيد من التالق
تحياتي لك
اخوووووك
العرض العادي
