بسم الله الرحمن الرحيم
يا ولدي بنصحك واتقبل جوابي
لك وصيَة عقب موتي ان غدابي
شل نبراس الشهامه واعتليبه
لو عليك يسن قطاع لرقابي
يا ولدي اوصيك بالطاعه لدينك
لا تغرك نشوه احلام الشبابي
صون بر الوالدين وكون وافي
وابتعد عن ربعه اعيال الخرابي
للوطن كون السند في كل حزه
والصبر خلك على منواه رابي
ان بغيت اترابع اختار النشاما
لي عليهم ينـثـنـي قول الصوابي
واحفظ العادات من سالف جدودك
الرجل من دون عاداته يعابي
لا تدني مستواك لشخص داني
ولا تحاول تحكم احكام الغيابي
وان لفاك الشين من قول العواذل
كن مسامح يا عسى تنال الثوابي
واحذر اللي يضحك بوجهك ويمرح
لا يصيبك بالغدر طعن الحرابي
ساعد المسكين باللي تستطيعه
واحترم قول الكبير ولا تنابي
اكرم الظيفان لا تشكي عظيله
والمجالس مدها من كل بابي
وان سمعت السر واعطيت الامانه
خل سرك عن جميع الناس غابي
وان قطعت الوعد وعدك لا تخونه
عند ميحان الوفا رد الجوابي
يا ولدي هذا الزمن ما به نصايف
كلها الدنيا مكافح واغترابي
لو يطول العمر لا بد النهاية
كل مخلوق مصيره للترابي
|