قصيده اهديها الى كل من ذاق عذاب الحب!!

## بنت الليل ## · 13-06-2003, 11:12 PM

أحـــب أهــدي هاذي الــقــصــيده الــى مــن ذاق مـر وعــذاب الــحــب..

الــقــصيــده فيها نووع من عــزة الــنفــس..

أبعد ولاني بناشدك وش الاسباب
************لاصرت بايعني توكل على الله
ماتاقف الدنيا عند فقد الاحباب
************هذاك دربي وأنت دربك تدله
حتى ولو طيفك معي مابعد غاب
************حبل عقدته ياعسى ماتحله
كنت أحترق شوق ومواعيد وأعجاب
************هذاك يوم أن الغلا في محله
كنت أتمنى شوفتك لو ورى الباب
************والحين حتى خطوتي لك مذله
بغيت أعلمك الجفا يمكن أتهاب
************بس أن عيني قالت أنسى وخله
زلاتك اللي ماتقع فيهم أحساب
************لا جيت أعددهم ثمانين زله
غربتني بين القرايب والاحباب
************أي والله أنك صرت لي غير عله
رح وأعتبرني واحد أذنب وتاب
************ماني بثوبا" تلبسه ثم تمله
خلاص لاترجع ترى خاطري طاب
************أنا عطا الله وأنت خابر عطا الله.

وتقبلو تحيات اختكم ## بنت الليل ##

مشعل · 14-06-2003, 12:29 AM

خلاص الاترجع ترى خاطرى طاب\\\\\ انا عطالله ونت تعرف عطاالله
صح لسانك صح لسانك والله يعطيك العافيه هذا اللى ابغاه
وتقبلى اعجابى ياشاعره اخوك الصغير مشعل

الغدير · 14-06-2003, 01:41 AM

بغيت اعلمك الجفا يمكن تهاب............بس ان عيني قالت انسى وخلة
قصيدة في قمت الروئع اتمنى لك التقدم
مع تحياتي
الغدير

غالي الاحساس · 14-06-2003, 07:11 AM

بنت الليل

بغيت أعلمك الجفا يمكن اتهاب بس إن عيني قالت إنسى وخله

كلمات رائعه اختي بنت الليل

وهكذاااا فعل الاجواد

غالي الاحساس

عبدالله الرقاص · 14-06-2003, 07:37 AM

بنت الليل

كما عودتينا دائما

لاتعليق

مبدعه

يالشاعره

بس هناتعليق

شاعرتناالجميله

كلمة الاحباب

تكررت في البيت الثاني

والبيت الثامن

والقصيده

في قمةالروعه

ما اصعب العتاب

ما اصعب عذاب الاحبه
وفراقهم

شاعرتنا

ساقرؤكدائما

تقبلي تحياتي

بنت الأجواد · 14-06-2003, 12:52 PM

غربتني بين القرايب والأحباب ..

,,,,,,,,,,,,,
أحب أرد عليك وأقولك...

لي صاحب(ن) ماهو من ضمن القرايب....لاهو ولد عمي ولاهو ولد خال,,,
,,,,

وبصراحه أختي ... بنت الليل

قمه الروعه
وعزةالنفس
والكبرياء

والي قدر على عذابك ... مااعتقد أنه عرف قيمتك

ولاتحرمينا من جديدك
وتقبلي أعجابي
بنت الأجواد