اخواني في المنتدى ارجوا مساعدتكم

ياحسرتي · 13-06-2003, 01:48 AM

JUSTIFY][[COLOR=black]ALIGN=CENTER]السلام عليكم

[/ALIGN]

انا باكتب لكم قصه انسان عزيز علي وفيه صله قرابه بيني وبينه وانتظر مساعدتكم.

هذا الانسان كان عايش حياته من احسن مايكون كان دايم الابتسامه على وجهه ويحب الضحك والفرفشه كل من شافه يحسده على الابتسامه الي ما تفارق وجهه بس سبحان مغير الاحوال في يوه وليله تغيرت حالته من الظحك والفرفشه والكلام الكثير ال سكوت دائم سألته عن التغير جاوبني بكلمه وحده وقال (الـحـب) انا ما اعرف كيف ومتى تعرف على بنت وحبها لاكن بعد اسبوع واحد كلم والده بالموضوع وطلب منه انه يخطبله البنت الي يحبها هو ما قال لوالده انه يعرف البنت بس طلب منه انه يخطب له بنت فلان والده ما رفض طلبه راح وخطب البنت بس للأسف رفض ابوها حاول يعرف السبب كانت اجابت ابوها انها صغيره على الزواج عرفت البنت بالي صار كلمته وقالت مو هذا السبب قالتله انو لها مده تروح المستشفى هي وابوها يسوون اشعه وتحاليل بس ما تدري وش عندها طلبت منه انه يحاول يعرف لانه ابوها طلب منها انه تترك الجامعه بدون سبب وجيه وقال لها السنه الجايه يصير خير.المهم البنت وافقت وما حاولت تعرف السبب الحقيقي .المهم قريبي راح وسأل زميل له بالمستشفى وطلب منه انه ياسأل عن حالتها.المهم هنا كانت الطامه عرف انها مصابه بورم خبيث بالرأس وانه بيحولونها لمستشفى التخصصي.بعد كذا هي سالته وقالها ماعرفت شي.راح لابوها وطلب منه الموافقه على الخطبه وقاله انه عارف وش عندها استغرب ابوها وقاله يمكن ما تعيش قال لو هو يوم انا راضي.بعد الحاح وافق ابوها وصارت الخطبه بس مايعرف بمرضها غير ابوها وامها وهو ما قال لاهله.عاش احلى ايام عمره وقت الخطوبه الي للأسف ما استمرت شهر. عرفت البنت بمرضها بعد ما حددو موعد العمليه في اول يوم في رمضان .هي كانت كل مده تتعب وتتنوم في المستشفى وكان هو دايم جنبها.بس وقت العمليه هو بيكون مسافر لظروف خاصه.كانت اخر مكالمه له معاها قبل العمليه بثلاث ايام هذي المكالمه الي ما نسي منها كلمه وحده الى الان.هي سوت العمليه وتوفت الله يرحمها هو جاه الخبر بعد وفاتها بيوم.هو حضر العزى وكان كله اسى وحزن.حاول ابوها يواسيه وهو ساكت ولا رد عليه طلع من بيتهم واختفى شهر رمضان كامل والعيد ولا احد يعرف مكانه كان كل مده يتصل على اهله يطمن عليهم وبعدها يقفل الجوال.بعد ما رجع تغير كل شي فيه جسمه نحف وذبلت عيونه من كثر البكا والسهر وصار دايم ساكت ما يكلم احد واذا احد كلمه رد عليه رد مختصر بكلمه اوكلمتين.كل من شافه استغرب حالته استغرب التغير في كل شي في طريقه الكلام والشكل ومن وجهه يبان الحزن صار يحب الوحده ويحب انه يكون منعزل عن الناس حتى اهله.امه دايم تقول لي خذه وطلعه من البيت خليه يروح مع الشباب الي في عمره يفرح ويستانس المسكينه دايم تبكي على حالته لما تشوف الشباب الي في عمره يروحون ويجون وهو حابس نفسه في غرفته بس يطلع وقت الصلاه يصلي في المسجد ويرجع.ترك الجامعه صار جالس في البيت يصرف على نفسه من محل للكمبيوترات ابوه فتحه له.وهذي حالته انا ابيه يرجع زي زمان صارله اكثر نت سنتين على هذا الحال.
وانا والله ما كتبتلكم الا ابي مساعدتكم عشان اطلعه من الحزن الي هو فيه
واتمنا ارني اجد عندكم حل لشكلته.ولكم جزيل الشكر والتقدير اخوكم (ياحسرتي)[/COLO[/FONT]R]

Lgeet Ro7e · 14-06-2003, 01:36 PM

بسم الله وبه نستعين
هذا ليس وقت او ليس بالمناسب ان اقووول هذا هراء كيف يتزوجها وهي مصابه اصلا وهذا كلام لايقبله العقل قبل القلب
ولكن فاات الاوااان وخلونا نحاول نجيب حلووول لحالة المسكين مو على شاانه لكن على شاان امّه المسكينه
- دام الشاب يحب البنت بالحب الكبير هذا انا من راي ان يكون الحل عن طريقهاا اي
ياتي شخص عزيز عليه ويرتاح له الشااب ويقله انت عاارف لو حبيبتك عارفه وش صابك انها راح تزعل عليك او انها لو انها عايشه كانت زعلت لانك ماتهتم بروحك
ومن هذا القبيل
انا بكتب روس اقلاام للموضووع وانت اختااار الكلاام المؤثر
- تذكيره انه هو بالنهايه مصيره الموت زي ماهي ماتت وتذكيره بالله
- بعد المحاولات هذه اذا صاار فيه نوع من قبول الفكره يساافر برفقة احد الاشخااص القريبين منه الى منطقه بحريه ( الشرقيه مثلا )
- مراعاة انه مستحيل ينساها بيوم وليله اي كل ماشفته يفكر فيها قله الله يرحمهاا
بس لاتطول معه بالكلام عنهاا حاول تخرجه من الموضوووع بطريقه حلووه
علىى العموووم الكلاام كثير وصعبه اكتبه كله
ولكن الحمد لله اتوقع ان تنجح التجربه لاني سبق ان ساهمت في حلول كثيره ولاقت استحساان

هذا كما انادي اخواني بالمنتدى واخواتي بطرح اراءهم وكلي امل ان عندهم افضل مما لدي وانتظر ردودهم عليك

بالاخير تقبل خالص تحيااتي وانا بالخدمه في اي وقت

ياحسرتي · 15-06-2003, 10:31 AM

حبيت اشكرك على الرد
بس ليه ما تبي تعطي حل عشانه ليه هو ما يستاهل والله انسان في غايه الادب والاخلاق صدق الي يسويه في نفسه حرام بس الله يهديه.
ولله حلك منطقي بنحاول نجربه معاه وانشاء الله يكون خير ويرجع مثل اول واحسن بعد.
يمكن يكون حل مشكلته على يدك (بتكون خدمه ما انساها لك)
والله لا يحرمنا من امثالك.
ولك خالص الشكر والتقدير اخوك (ياحسرتي).

Lgeet Ro7e · 15-06-2003, 11:21 AM

انا ماقصدت اني ماراح اسااعده لنفسه لانه لو هذاا قصدي ماكان عطيت ردي على الموضوووع
لكن انا كنت صاادق لما كتبت وفعلا ابغى اسااعده
لكن انا مهتم من حالة الام اكثر منه لان الام مهما تكلمنا عنها لا نستطيع ان نوفي حقهاا
وراح اعطيم مثاال اللي خلاني اهتم بالنسبه للام اكثر منهاا
(( الام في مثل هذه الاعماار تقول الحمد لله الذي خلاني عايشه الى الوقت هذا واشوف ولدي واشوف اولااده وابغى اشوف اثر تربيتي عليه وش ثمارها وكيف بيخدمني بالعمر هذاا ولاحظ معي انها تتفاجأ ان الولد ليس ماخلصت منه وليس تهتم فيه يمكن اكثر من اول وهو صغير))

علىى شاان كذا اتمنا له الشفاء العااجل

وتقبل تحيااتي

العــــنــود · 15-06-2003, 03:09 PM

اخوي هلا فيك
في البدايه اللة يصبر قريبك على الي هو فية
الحل بوجهه نضري هو
الجوء الى كاشف الهم والحزن
ابي منك انك تحضة على الصلاة في الثلث الاخير من الليل
بقلب خاشع وصادق الى اللة
وصدقني ربي راح يكشف عنة ضرة
وناس كثير ربي كشف ضرهم لما الجئوا الى اللة
انصحه انة يكثر من الدعاء
في كل وقت وذكر اللة
وصدقني راح تكون النتيجة ممتازة
ومن توكل على اللة كفاة
اختك عنوووووووووووود

ياحسرتي · 16-06-2003, 09:54 AM

تسلمون اخواني علي ردودكم ولله ما ادري كيف اشكركم.
بس حبيت اقول للعنود انه الحمد لله هو دايم يدعي ربه في كل صلاه انه يصبره على مصيبته ويعوظه خير (طبعا هذا كلامه لي) وهو دايم يسمع القران على المسجل ليل نهار ويقول هذا الي يريحه.
وهل اليومين صار احسن من قبل يعني يتكلم شوي وعرفت منه انه بعد الي صار كان في مكه في شهر رمضان وعيد الفطر.

تقبلوا تحياتي اخوكم(ياحسرتي)
وادعوا لي بالتوفيق في الامتحانات انا وكل الي يختبرون.

وحيدة الدرب · 26-06-2003, 03:33 AM

اولا أحب اشكرك لانك قمت بعمل رائع وهو انك حاولت تسعد صديقك بأي طريقه....
المهم اخوي والله ان عيني دمعت يوم قريت هالرساله وصدقني دعيت من كل قلبي لصديقك انه يرجع مثل ماكان واخوي انه اشوف الحل انك تحاول تنسيه شوي يعني اطلع معاه ضحكه واهم شي مثل ماقالت اختنا قوله ان لو الي كان يحبها عايشه اليوم مستحيل ترضى انها تشوفه بها الحاله مع اني حاسه انها بتكون صعبه عليك شوي اخوي لان اللي يحب مستحيل ينسى بس ماأقدر اقول غير الله يصبره وقوله اذا الله ماجمعهم في الدنيا ان شاء الله يجمعهم في الاخره واكرر شكري لك...

[poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=0 line=200% align=center use=ex length=0 char="" num="0,black" filter=""]
ان الله مع الصابرين
[/poet]

ياحسرتي · 27-06-2003, 05:35 AM

تسلمين اختي وحيده الدرب والف الف الف شكر لك
بس ترين دمعتك غاليه وهذا يعني انك بالفعل تأثرتي بحالته انا لو ادري انه بيقراء الموضوع شخص وتنزل دمعته والله ما كنت كتبته .
بس قلت اكيد بالاقي الحل في هذا المنتدى وكلكم عزيزين وغاليين عندي.
مشكوره على دعائك وانشاءالله يستجيب منك.
وصدقنيني تعليقك على الموضوع والله فرحني وماني عارف وش اكتبلك بس ما اقول غير الله يسعدك دنيا واخره ويحقق مرادك.

تقبلي تحياتي ( يـــاحـسـرتـي )

وحيدة الدرب · 28-06-2003, 05:06 PM

العفو اخوي بس الاهم من كل شي طمنا على رفيجك وقولنا اذا فادك شي من هالحلول واذا ما فاد ان شاء الله نطلع لك حل ثاني اهم شي عطنا اخباره اول بأول...

فتاة شرقية · 29-06-2003, 10:39 AM

صباح الخير او مساؤه

والله من قلبي ادعي ان الله يكون مع صديقك وياما ناس ماتوامن لوعة الحب
وانا عندي حل اتمنى يعجبك ليش ما تاخذه على الانترنت وتفرجه على كل الحلول اللي الناس كتبوها صدقني بتتغير حالته بعد ما يلاحظ اهتمام الجميع والحين جاء دورك ودور الاهل حتى اطلعوه من مصيبته واحمدوا الله انه مازال مؤمن بالله لانه مازال
يصلي والله في عون العبد ما دام العبد في عون اخيه