السلام عليكم جميعاً 00000
هذي مشاركه بسيطه وأهديها لجميع أعظاء المنتدى0
ولكم خالص تحياتي 0
معجزه يافكر ما كنت أعتقد تضعف ركابك = لين زارك هاجس كل الصعايب يحتسيها
هاجسٍ توه غزى للفكر بخيول ٍ تدابك = واستحله واتجه لعروق قلبي يحتويها
واصل الغارات لين القلب مع فكري تشابك = اشتبك قلبي وفكري وأشرف الهاجس عليها
قلت يا فكري ما دام انك لغالي الدرّ سابك = أسبك الابيات جاتك خير فرصه تحتريها
وفزّ يا قلبي ورحب جاك ظيف ٍ دق بابك = جاك ظيف ٍ جيته في كل لحظه ترتجيها
في غيابه كنت ما ترتاح من شدّة عذابك = مبتليك الشوق حتى النوم عينك ما يجيها
وكل يوم يزيد فيك الشوق لين الهم صابك = صرت مابين الرجا والياس للي تهتويها
وعقب طول غياب جتك نادمه تخشى عتابك = والتردد 00 والخجل 00 والخوف 00كلّه يعتريها
سلّمت متلعثمه بدموعها تغرق ثيابك = وراسها محني على صدرك تبي من يحتميها
تعتذر لك آآآسفه وتقول يحفظ لي شبابك = أقبل اعذاري وخذ مني عيوني لو تبيها
قلّها ياقلب مقبول الأسف عندي هلابك = مرحباً وانتي لك الاعذار مني واقبليها
غاليه والقلب شعّ أنوار يوم انه درى بك = يوم حس بجيتك فزت عروقه واسأليها
وتعرفين اني فتحت القلب لاجلك واعتنى بك = واخظعت لك هيبة ٍ مستسلمه تبسط يديها
قف هنا000 واجلس هنا000 والعب هنا بعثر رهابك = وسط قلبي وامترح داخل عروقه عندكيها
عايدي خذّ راحتك فالقلب دام الحظ جابك = انبسط والروح سوّ اللي تبي وتريد فيها
وقل 00 تمن 00 أطلب وش اللي ترغبه يامر جنابك = لعن أبوك اطلب حياتي والله اني لأ عطكيها
وأنت تعرفني وتذكرني ولو طوّل غيابك = تدري اني بالكرم مذكور مع بيض الوجيها
ولاجلك انتي دار فكري وبتدا بك وانتها بك = وجاب من شانك هديّه قال لك سمّي خذيها
وأقبلي مني قصيدة حب في حظرة جنابك = اقبليها واسمعيها واكتبيها واحفظيها0
ويش رايك في القصيده ؟؟ رايغه عطني جوابك = كان ماهي رايعه باسلوب رايع عدليها
والنهايه لاجلك انت القلب مع فكري تشابك = تشتبك مع بعظها من يوم ما تطري عليها
هذه القصيده للشاعر: عبد الرزاق الذيابي
العرض الشجري
